ការព្រមព្រៀងគ្នា៥ចំណុច រវាងបក្សប្រជាជនថៃ និងបក្សភូមិចៃថៃ ដើម្បីឱ្យលោក Anutin អាចក្លាយជានាយករដ្ឋមន្ត្រីថ្មី
15-March-2026 / ព័ត៌មានអន្តរជាតិ
ប្រទេសថៃ៖បន្ទាប់បរមរាជវាំងថៃបដឹសេធញាត្តឹរំលាយសពាស្នើដេាយនាយករដ្ឋមន្ត្រឺចាំប្ទះ នៅថ្ងៃសុក្រ ទី៥ ខែកញ្ញា រដ្ឋសភានៅប្រទេសថៃ នឹងធ្វើការបោះឆ្នោតជ្រើសរើសនាយករដ្ឋមន្ត្រីថ្មី បន្ទាប់ពីអតីតនាយករដ្ឋមន្ត្រី លោកស្រី Paetongtarn Shinawatra នៃគណបក្សភឿថៃ ត្រូវបានតុលាការធម្មនុញ្ញដកតំណែងជាផ្លូវការ កាលពីសប្តាហ៍មុន។
ក្រុមប្រឹក្សាព្រះមហាក្សត្រថៃ បានសម្រេចនៅព្រឹកថ្ងៃព្រហស្បតិ៍ទី៤កញ្ញា បដិសេធមិនទទួលយកពាក្យសុំរំលាយសភា ដែលលោកនាយនរដ្ឋមន្ត្រីស្តីទី ភូមិថាំ វិឆៈយៈឆៃ បានស្នើមកទេ។ នៅក្នុងសន្និសីទកាសែត លោកភូមិថាំ វិឆៈយៈឆៃ បានប្រាប់ថា ក្រុមប្រឹក្សាព្រះមហាក្សត្រ បានផ្តល់ហេតុផលមកថា នីតិវិធីនេះត្រូវបានច្រានចោលដោយសារតែមាន “បញ្ហាគតិយុត្ត” និងថា ក្នុងតំណាក់កាលនេះ វាជារឿងមិនត្រឹមត្រូវទេ ដែលត្រូវចាប់ផ្តើមនីតិវិធីរំលាយសភា។
មេដឹកនាំគណបក្សភូមិចៃថៃ លោក Anutin Charnvirakul បានចងសម្ព័ន្ធភាពជាមួយគណបក្សមួយចំនួនផ្សេងទៀត ដើម្បីបង្កើតរដ្ឋាភិបាលសំឡេងភាគតិច ដូច្នេះដើម្បីអាចជាប់ជានាយករដ្ឋមន្ត្រី បក្សរបស់លោក ក៏បានចុះកិច្ចព្រមព្រៀងជាមួយគណបក្សប្រជាជនថៃ ដែលជាបក្សមានអាសនៈច្រើនជាងគេបង្អស់នៅក្នុងរដ្ឋសភា។
ទោះជាយ៉ាងណាបក្សប្រជាជនថៃ បានដាក់លក្ខខណ្ឌ៥ចំណុច ឱ្យបក្សភូមិចៃថៃទទួលយក បើចង់បានការគាំទ្រពីខ្លួនក្នុងការបោះឆ្នោត។ លក្ខខណ្ឌទាំង៥នោះ រួមមាន៖
ទី១ រំលាយសភាក្នុងរយៈពេល៤ខែ ក្រោយបង្កើតរដ្ឋាភិបាលថ្មី។ទី២ ប្រសិនបើតុលាការធម្មនុញ្ញសម្រេចថា ចាំបាច់ត្រូវមានការធ្វើប្រជាមតិ មុនធ្វើវិសោធនកម្មរដ្ឋធម្មនុញ្ញឆ្នាំ២០១៧ គណៈរដ្ឋមន្ត្រីរបស់លោក Anutin នឹងត្រូវរៀបចំការបោះឆ្នោតប្រជាមតិ ដើម្បីព្រាងរដ្ឋធម្មនុញ្ញថ្មី។
ទី៣ ប្រសិនបើតុលាការធម្មនុញ្ញសម្រេចថា ពុំចាំបាច់មានការធ្វើប្រជាមតិទេនោះ សេចក្តីព្រាងនៃវិសោធនកម្មរដ្ឋធម្មនុញ្ញ នឹងត្រូវរៀបចំឡើងឱ្យឆាប់ៗ ដើម្បីចាប់ផ្តើមនិតីវិធីព្រាងរដ្ឋធម្មនុញ្ញថ្មី។សួមបញ្ជាក់ថារឿងកែរដ្ឋធម្មនុញ្ញាបានធ្វើឲ្យតុលាការធម្មនុញ្ញរំលាយគណបក្សក្លាវក្រៃដែលមានភីតាចារើនរ៉ាត់ជាប្រធានចោលតាមបណ្តឹងរបស់សមាជិកព្រឹទ្ធសភាដែលតែងតាំងដោយរបបលោកប្រាយុទ្ធចាន់អូចា។
ទី៤ បក្សភូមិចៃថៃ មិនត្រូវធ្វើសកម្មភាពដើម្បីបង្កើតរដ្ឋាភិបាលសំឡេងភាគច្រើនឡើយ។ទី៥ បក្សប្រជាជនថៃ នឹងនៅបន្តធ្វើជាបក្សប្រឆាំង ដើម្បីពិនិត្យតាមដានសកម្មភាពរដ្ឋាភិបាលថ្មី ដោយពុំមានសមាជិកណាមួយ ទទួលបានតំណែងជារដ្ឋមន្ត្រីនោះទេ៕
សម្រាប់គណបក្សភឿថៃវឹញទោះបឺត្រួវបានបដឹសេធមឹនឲ្យរំលាយសពា នៅថ្ងៃព្រហស្បតិ៍ ទី៤ ខែកញ្ញា បានទទូចថាបេក្ខជនរបស់ខ្លួន គឺលោក Chaikasem Nitisiri នឹងចូលរួមប្រជែងយកតំណែងជានាយករដ្ឋមន្ត្រី ក្នុងការបោះឆ្នោតនៅឯរដ្ឋសភា នៅថ្ងៃសុក្រស្អែកនេះ ជាមួយការគូសបញ្ជាក់ថារូបលោក Chaikasem នឹងមិនថ្លែងសុន្ទរកថាជាសាធារណៈនោះទេពីព្រោះរូបលោកមិនមែនជា សមាជិករដ្ឋសភា។ នេះបើតាមកាសែតថៃ Khaosod។
អតីតនាយករដ្ឋមន្ត្រីថៃលោកស្រី Paetongtarn Shinawatra នៅថ្ងៃព្រហស្បតិ៍នេះ ជំរុញឱ្យគណបក្សប្រឆាំងដ៏សំខាន់ គឺគណបក្សប្រជាជនថៃ គាំទ្របេក្ខជននាយករដ្ឋមន្ត្រីរបស់គណបក្សភឿថៃ លោក Chaikasem Nitisiri ដូច្នេះលោកអាចរំលាយសភាភ្លាមៗ ដើម្បីប្រគល់អំណាចជូនប្រជាជនវិញ។ឥឡូវនេះ លោកអនុទីន ប្រធានគណបក្សភូមិចៃថៃ កំពុងតែសម្រួចមាត់ឡើងធ្វើជានាយករដ្ឋមន្ត្រីហើយទោះធ្វើបាន៤ឬ៥ខែក៏ព្រមដែរឲ្យតែមានឈ្មោះក្នុងប្រវិត្តិសាស្ត្រថាបានធ្វើនាយករដ្ឋមន្ត្រីថៃទី៣២។
ផ្អែកតាមអ្នកជំនាញរដ្ឋធម្មនុញ្ញថៃ គឺលោក ភូមិថាំ វិឆៈយៈឆៃ មិនអាចសម្រេចស្នើសុំរំលាយសភាបានទេ ព្រោះលោកជានាយករដ្ឋមន្ត្រីបណ្តោះអាសន្ន ដែលបក្សភឿថៃបានលើកមកជំនួសលោកស្រីភែថងថានប៉ុណ្ណោះ។ នាយករដ្ឋមន្ត្រីដែលអាចប្រកាសរំលាយសភាបាន គឺទាល់តែជានាយករដ្ឋមន្ត្រីដែលត្រូវបានសមាជិកសភា បោះឆ្នោតផ្តល់សេចក្តីទុកចិត្ត។ គឺប្រហែលជាហេតុផលនេះហើយ ទើបក្រុមប្រឹក្សាព្រះមហាក្សត្រថៃ បដិសេធមិនអនុញ្ញាតការសុំរំលាយសភាពីបក្សភឿថៃ។
