២០២៦កម្ពុជានាំចេញទៅអាមេរិកបានចំណូលជាំង១១ពាន់លានដុល្លារក្នុងមានការ​នាំចេញ​កង់​សម្រេច​បាន​ជាង​ ៥៥២ ​លានដុល្លារ ​

ភ្នំពេញ៖ការនាំចេញរបស់កម្ពុជា ទៅសហរដ្ឋអាម៉េរិក ក្នុងរយៈពេល ៩ខែឆ្នាំ២០២៦ ឈានដល់ទំហំទឹកប្រាក់ប្រមាណ ១១,៩៩ពាន់លានដុល្លារអាម៉េរិកគឺ កើនឡើង ២៩,១៥% ខណៈការនាំចូលមានទំហំទឹកប្រាក់ប្រមាណ ៤៧៨លានដុល្លារអាម៉េរិក កើនឡើង ៦៨,៥៨% បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមទិន្នន័យផ្តល់ដោយក្រសួងពាណិជ្ជកម្ម។ 

យោងតាមកំណើននៃការនាំចេញនេះ បានឆ្លុះបញ្ចាំងពីសមត្ថភាពប្រកួតប្រជែងរបស់ផលិតផលកម្ពុជា និងទំនុកចិត្តរបស់អ្នកបញ្ជាទិញអាម៉េរិកចំពោះខ្សែសង្វាក់ផ្គត់ផ្គង់នៅកម្ពុជា ទោះបីជាសហរដ្ឋអាម៉េរិក បាន សម្រេចដាក់ពន្ធថ្មី ក្នុងអត្រា ១០% លើទំនិញនាំចូលពីកម្ពុជា ក៏ដោយ។ ទំនិញនាំចេញសំខាន់ៗរបស់កម្ពុជា ទៅទីផ្សារអាម៉េរិក រួមមាន សម្លៀកបំពាក់ ស្បែកជើង ផលិតផលធ្វើដំណើរ គ្រឿងសង្ហារិម កង់ និងផលិតផលកសិកម្មមួយចំនួន។

បច្ចុប្បន្នសហរដ្ឋអាម៉េរិក គឺជាទីផ្សារនាំចេញធំបំផុតរបស់កម្ពុជា ដែលមានចំណែកទីផ្សាររហូតដល់ ៤៣,៦៥% នៃការនាំចេញសរុបរបស់កម្ពុជាក្នុងពេលដែលកម្ពុជាក្លាយជាទីផ្សារទំនិញចិនដេលមានឱនភាពពាណិជ្ចកម្មជាង១០ដង។

រាជរដ្ឋាភិបាលកម្ពុជា ក៏កំពុងបន្តពង្រឹងកិច្ចសន្ទនា និងកិច្ចសហប្រតិបត្តិការសេដ្ឋកិច្ចជាមួយសហរដ្ឋអាម៉េរិក ព្រមទាំងជំរុញការធ្វើពិពិធកម្មទីផ្សារនាំចេញ ដើម្បីរក្សាកំណើនពាណិជ្ជកម្ម និងទាក់ទាញការវិនិយោគបន្ថែម ក្នុងបរិបទសេដ្ឋកិច្ច និងពាណិជ្ជកម្មពិភពលោកដែលកំពុងប្រែប្រួល។

ដោយឡែកសម្រាប់ការនាចេញនេះដែរកម្ពុជារកចំណូលបានជាង ​៥៥២ លានដុល្លារ ​ពី​ការ​នាំចេញ​កង់​ និង​កង់​អគ្គិសនី​នៅក្នុងរយៈពេល ៩ ខែ ឆ្នាំ ២០២៦ កើនឡើង ២៣,១៥% ធៀបនឹងរយៈពេលដូចគ្នាកាលពីឆ្នាំមុន ឆ្លុះបញ្ចាំង​ពីកំណើន​ផលិត​កម្ម​ក្នុង​ឧស្សា​ហកម្មកម្មន្ត​សាល​ ដែល​កំពុង​នាំមុខក្នុងការជំរុញ​កំណើន​សេដ្ឋកិច្ចកម្ពុជា​។ នេះបើយោងតាមរបាយការណ៍របស់អគ្គ​នាយក​ដ្ឋាន​គយ ​និង​រដ្ឋាករកម្ពុជា(GDCE)។

ឧស្សាហកម្ម​ផលិត​កង់​គឺជា​ផលិតផល​នាំចេញ​ដ៏​មាន​សក្តានុពល​របស់​ប្រទេស​កម្ពុជា​ ​ទៅកាន់​បណ្តា​ប្រទេស​សហភាព​អឺរ៉ុប​ ក្នុង​រយៈ​ពេល​ប៉ុន្មានឆ្នាំមកនេះ​។​ទី​ផ្សារ​សំខាន់​ៗ ​សម្រាប់​ផលិតផល​កង់​របស់​កម្ពុជា​ ​គឺ​សហរដ្ឋអាមេរិក​ ​អាល្លឺម៉ង់​ ​អង់គ្លេស​ ​ជប៉ុន​ ​ចិន​ ​បណ្តា​ប្រទេស​អា​ស៊ាន​ បែ​ល​ហ្ស៊ិ​ក​ ​ហូឡង់​ ​អូ​ទ្រី​ស​ ស៊ុ​យ​អែ​ត​ ​ដា​ណឺ​ម៉ាក​ ​អូស្ត្រាលី​ ​ឆេ​ក​ ​អ៊ីតាលី​ កូឡុំ​ប៊ី​ ​កូរ៉េ​ខាងត្បូង​ អេស្ប៉ា​ញ​ ស្លូវេ​នី​ ​និង​កាណាដា​។យោងតាមក្រសួងពាណិជ្ជកម្ម ​នៅក្នុងឆ្នាំ​ ២០២៥ ​កម្ពុជា​រកចំណូល​បាន​ប្រមាណ ​៦០៩ ​លានដុល្លារ ​ពីការនាំចេញកង់​ និងកង់អគ្គិសនី​ កើន​ឡើង​ ៤២,៧៣% ​​ប្រៀបធៀបនឹងឆ្នាំ ​២០២៤៕​