ចិនហាម ប្រទេសលោកខាងលិចមិនត្រូវបញ្ជូនអាវុធបន្ថែមទៅឱ្យប្រទេសអ៊ុយក្រែនទៀតតែអាមេរិកមិនស្តាប់!
10-November-2024 / ព័ត៌មានអន្តរជាតិ
អ៊ុយក្រែន៖ចិនបានអំពាវនាវដល់បណ្តាប្រទេសដែលគាំទ្រកិច្ចពិភាក្សាតាមរយៈកិច្ចការបរទេសរវាងរុស្ស៊ីនឹងអ៊ុយក្រែន ដើម្បីបញ្ចប់សង្គ្រាម ដោយឈប់ផ្តល់ជំនួយអាវុធដល់ប្រទេសអ៊ុយក្រែន ។លោកហ្សាងជុន(ZhangJun)ឯកអគ្គរដ្ឋទូតចិនប្រចាំនៅអង្គការសហប្រជាជាតិបានប្រកាសនៅក្នុងកិច្ចប្រជុំស្តីពីស្ថានភាពសន្តិសុខប្រទេសអ៊ុយក្រែន នៅថ្ងៃទី ១៩ខែមេសាថា៖ «ការបញ្ជូនអាវុធសម្រាប់ធ្វើសង្គ្រាមនឹងមិននាំមកនូវសន្តិភាពនោះឡើយ។ ការផ្តល់អាវុធនឹងធ្វើឱ្យសង្គ្រាមកាន់តែអូសបន្លាយ និងបង្កឱ្យមានវិបត្តិមនុស្សធម៌»។លោក Zhang Jun បានបញ្ជាក់ថា «ការបញ្ចប់សង្គ្រាមឱ្យបានឆាប់បំផុតគឺជាមូលដ្ឋានដើម្បីបញ្ចប់វិបត្តិមនុស្សធម៌ ។ យើងខ្ញុំសូមអំពាវនាវដល់រុស្ស៊ី និងអ៊ុយក្រែន ត្រូវគោរពទៅតាមទិសដៅនៃកិច្ចពិភាក្សា ស្វែងរកបទឈប់បាញ់ នៅក្នុងប្រទេសអ៊ុយក្រែន។
ក្នុងសប្តាហ៍នេះ សេតវិមានបានឌឺទីក្រុងមូស្គូ ជុំវិញការបន្តបញ្ជូនអាវុធដោយអាមេរិក ឱ្យទៅអ៊ុយក្រែន ថាជា «ការព្រមានដោយមាត់ទទេ» ប៉ុណ្ណោះ។ នេះបើតាមការផ្សាយរបស់ សារព័ត៌មាន RT នៅថ្ងៃពុធ ទី២០ ខែមេសា ឆ្នាំ២០២២។ កាលពីថ្ងៃចន្ទទី១៩មេសា អ្នកនាំពាក្យសេតវិមានលោកស្រី ចេន សាគី (Jen Psaki) បានលើកឡើងថា «យើងនឹងមិនធ្វើការអត្ថាធិប្បាយអ្វីទេ។ មានន័យថា ខ្ញុំនឹងមិនផ្តល់ការយល់ឃើញអ្វី ជុំវិញការព្រមានដោយមាត់ទទេពីសំណាក់ប្រធានាធិបតីរុស្ស៉ី លោក វ្ល៉ាឌីមៀ ពូទីន ឬថ្នាក់ដឹកនាំរុស្ស៉ីដទៃទៀតឡើយ»។ លោកស្រី Psaki បានបន្ថែមទៀតថា ជំនួយយោធារបស់សហរដ្ឋអាមេរិក សម្រាប់អ៊ុយក្រែន នឹងនៅតែបន្តដូចការសន្យារបស់ប្រធានាធិបតីអាមេរិក លោក ចូ បៃដិន។
គួរបញ្ជាក់ថា កាលពីសប្តាហ៍មុន រុស្ស៉ីបានព្រមានសហរដ្ឋអាមេរិកថា ប្រសិនបើនៅតែបន្តផ្តល់សព្វាវុធទំនើបៗដល់អ៊ុយក្រែន នោះមុខជានឹងត្រូវប្រឈមផលវិបាក ដែលមិនអាចប៉ាន់ស្មានបានជាមិនខានឡើយ។ ការព្រមាននោះធ្វើឡើង បន្ទាប់ពីអាមេរិក ប្រកាសផ្តល់ជំនួយយោធាទំហំ ៨០០លានដុល្លារថែមទៀត ដល់អ៊ុយក្រែន។សូមបញ្ជាក់ថាមេដឹកនាំសហរដ្ឋអាមេរិក ចក្រភពអង់គ្លេស និងកាណាដាបានសន្យាថានឹងបញ្ជូនកាំភ្លើងធំបន្ថែមទៅឱ្យអ៊ុយក្រែន ដែលកំពុងប្រឈមមុខនឹងការវាយលុកសាជាថី្មពីសំណាក់កងទ័ពរុស្ស៉ី នៅឯតំបន់ភាគខាងកើតនៃប្រទេស។ នេះបើតាមការចេញ ផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី២០ ខែមេសា ឆ្នាំ២០២២។ការសន្យាខាងលើធ្វើឡើង នៅក្នុងកិច្ចប្រជុំតាមប្រព័ន្ធវីដេអូកាលពីថ្ងៃអង្គារសប្ដាហ៍នេះដែលមានការចូលរួមពីប្រធានាធិបតីអាមេរិក លោក ចូ បៃដិន, នាយករដ្ឋមន្ត្រីអង់គ្លេស លោក បូរីស ចនសុន និងនាយករដ្ឋមន្ត្រីកាណាដា លោក ចាស្ទីន ឌ្រូដូ ព្រមទាំងមេដឹកនាំ នៃប្រទេសជាសម្ព័ន្ធមិត្តជាច្រើនរូបទៀត។
សូមបញ្ជាក់ថានៅក្នុងប្រទេសអ៊ុយក្រែនមេបញ្ជាការម្នាក់នៃកងទ័ពម៉ារីនអ៊ុយក្រែនដែលកំពុងតស៊ូប្រយុទ្ធជាមួយកងទ័ពរុស្ស៉ី ក្នុងទីក្រុងម៉ារីយូប៉ូល( Mariupol) បាននិយាយថា កងទ័ពរបស់លោកកំពុងប្រឈមមុខនឹងសេចក្ដីស្លាប់ ខណៈដែលទីក្រុងមូស្គូបានដាក់ឱសានវាទជាថ្មីឱ្យពួកគេទម្លាក់អាវុធសុំចុះចាញ់ បើសិនជាចង់នៅមានជីវិតរស់។សារបង្ហោះលើ Facebook នៅថ្ងៃពុធទី២០មេសានេះ លោក ស៊ែរហ៊ី វ៉ូលីណា (Serhiy Volyna) មេបញ្ជាការនៃកងពលម៉ារីនទី៣៦ របស់អ៊ុយក្រែនបានបញ្ជាក់យ៉ាងខ្លីដូច្នេះថា «សត្រូវមានគ្នាច្រើនជាងយើង ប្រៀបដូចជា១០ទល់នឹង១ ហើយយើងកំពុងប្រឈមមុខនឹងថ្ងៃចុងក្រោយរបស់ពួកយើង»។
បើតាមភាគីរុស្ស៉ី កងទ័ពអ៊ុយក្រែន ២,៥០០នាក់ និងទាហានស៊ីឈ្នួលបរទេស៤០០នាក់កំពុងស្ថិតនៅក្នុងរោងចក្រដែក Azovstal នៃទីក្រុងម៉ារីយូប៉ូល ដែលកំពុងស្ថិតនៅក្រោមការឡោមព័ទ្ធ ខណៈដែលអ៊ុយក្រែនក៏បានអះអាងដែរថាមានជនស៊ីវិល ១,០០០នាក់កំពុងស្ថិតនៅក្នុងរោងចក្រនេះ និងអំពាវនាវឱ្យយកពួកគេចេញទៅកន្លែងមានសុវត្ថិភាព។ទោះបីយ៉ាងណាពត៍មានចុងក្រោយបានឲ្យដឹងថាប្រហែលដោយខ្លាចការរិះគន់ពីមតិសាធារនៈអន្តរជាតិភាគិរុស្ស៊ីបានយល់ព្រមបើកឲ្យមានច្រករបៀងមនុស្សធម៍ដើម្បីជម្លៀសប្រជាពកលរដ្ឋចេញីទីក្រុងម៉ារីយូប៉ូលដែលខ្លួនបានហ៊ុំពទ័។តែគេមិនទាន់ដឹងថាតើនិតិវិធីសង្គ្រោះប្រជាពលរដ្ឋត្រូវធ្វើដូចម្តេចនៅឡើយទេ?។
