វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2103 នាក់
ម្សិលមិញ 3717 នាក់
សរុប 14150436 នាក់
ប្រទេសថៃ៖ លោកឧត្តមសេនីយ៍ Archayon Kraithong អ្នកនាំពាក្យនគរបាលភូមិន្ទថៃ បានឱ្យដឹងថា ក្រុមអ្នកតវ៉ាមួយចំនួន បានស្នើសុំឱ្យរដ្ឋបាលក្រុងបាងកក (BMA) អនុញ្ញាតឱ្យមានការជួបជុំគ្នា នៅឯទីលាន Lan Khon Muang ក្បែរសាលាក្រុង ចាប់ពីថ្ងៃនេះ រហូតដល់ថ្ងៃសុក្រ ។
ទាក់ទងបញ្ហានេះ មន្ត្រីអាជ្ញាធរថៃ បានព្រមានក្រុមបាតុករ កុំឱ្យបង្កការរំខាន ក្នុងអំឡុងកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិកឬហៅកាត់ថា (APEC) ហើយពួកគេអាចបន្តធ្វើការតវ៉ានៅកន្លែងដែលបានកំណត់ទុក និងស្ថិតក្នុងកម្រិតដែលមិនរំខានដល់កិច្ចប្រជុំ ។ អភិបាលក្រុងបាងកក កាលពីថ្ងៃចន្ទទី១៤វិច្ឆិកាបានបង្ហាញការព្រួយបារម្ភអំពីបាតុកម្មដែលបានគ្រោងទុកក្នុងអំឡុងកិច្ចប្រជុំកំពូលមួយនេះ ។ ក្រុមបាតុករ កាលពីថ្ងៃអង្គារ សប្តាហ៍នេះ បានដាក់ញត្តិទៅកាន់ស្ថានទូតកាណាដា អូស្ត្រាលី បារាំង នូវែលសេឡង់ និងសហរដ្ឋអាម៉េរិក ដើម្បីបញ្ជូនសារទៅកាន់ថ្នាក់ដឹកនាំនានារបស់ (APEC) ដែលនឹងមកចូលរួមក្នុងកិច្ចប្រជុំកំពូលនៅទីក្រុងបាងកក ។ ក្នុងលិខិតនោះ ក្រុមបាតុករ បានចោទប្រកាន់រដ្ឋាភិបាលពីបទរំលោភសិទ្ធិមនុស្ស និងទាមទារឱ្យលោកនាយករដ្ឋមន្ត្រី Prayut Chan-o-cha ចុះចេញពីតំណែង ជាមួយនឹងការទាមទារជាច្រើនផ្សេងទៀត ។
គួរបញ្ជាក់ផងដែរថានៅក្នុងប្រទេសថៃ កិច្ចប្រជុំកំពូល APEC ប្រព្រឹត្តិទៅនៅថ្ងៃទី១៤ ដល់ថ្ងៃទី១៩ ខែវិច្ឋិកា ឆ្នាំ២០២២ ។ កិច្ចប្រជុំ APEC នឹងមានការចូលរួមពីសមាជិកចំនួន ២១ប្រទេសរបស់ខ្លួន រួមមាន អូស្ត្រាលី ព្រុយណេ កាណាដា ឈីលី ចិនដីគោក ចិនហុងកុង ឥណ្ឌូណេស៊ី ជប៉ុន កូរ៉េខាងត្បូង ម៉ាឡេស៊ី ម៉ិកស៊ិកកូ នូវែលសេឡង់ ប៉ាពួរញូវហ្គីណេ ប៉េរូ ហ្វីលីពីន រុស្ស៊ី សិង្ហបុរី តៃវ៉ាន់ ថៃឡង់ដ៍ អាម៉េរិក និងប្រទេសវៀតណាម ។កម្ពុជាត្រូវបាននាយករដ្ឋមន្ត្រីថៃអញ្ជើញឲ្យចូលរួមដែរតែដោយសារសម្តេចមានកូវីតក៏ត្រូវអាក់ខានទៅវិញទៅ។ប្រភព៖ Bangkok Post