គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 11335 នាក់

ម្សិលមិញ 9639 នាក់

សរុប 20701506 នាក់

ទោះ បដិសេធថា មិនមានផែនការធ្វើឃាតប្រធានាធិបតី អនុប្រធានាធិបតីហ្វីលីពីន ត្រូវបានកោះហៅមកស៊ើបអង្កេត

21-September-2026 / ព័ត៌មានអន្តរជាតិ

ប្រទេសហ្វីលីពីន៖ អនុប្រធានាធិបតីហ្វីលីពីន លោកស្រី Sara Duterte នៅថ្ងៃអង្គារនេះត្រូវបានកោះហៅ ដោយការិយាល័យស៊ើបអង្កេតជាតិ (NBI) ជុំវិញការគំរាមកំហែងសម្លាប់ប្រធានាធិបតី Ferdinand Marcos Jr. បន្ទាប់ពីលោកស្រីបានថ្លែងក្នុងសន្និសីទសារព័ត៌មានមួយ កាលពីថ្ងៃសៅរ៍ថា លោកស្រីបានជួលឃាតកម្នាក់ ដើម្បីសម្លាប់លោក Marcos ប្រសិនបើលោកស្រីត្រូវបានគេសម្លាប់។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ a dutater

ការកោះហៅពីការិយាល័យស៊ើបអង្កេតជាតិ (NBI) នេះ គឺតម្រូវឱ្យលោកស្រីបង្ហាញខ្លួននៅការិយាល័យរបស់ខ្លួន នៅថ្ងៃទី២៩ ខែវិច្ឆិកា។ លោកស្រីនឹងត្រូវបានសាកសួរជុំវិញការចោទប្រកាន់ពីបទគំរាមកំហែងយ៉ាងធ្ងន់ធ្ងរ និងការបំពានដែលអាចកើតមាននៃច្បាប់ប្រឆាំងភេរវកម្ម។លោកស្រី Duterte បានចោទប្រកាន់រដ្ឋបាលថា បានបំភ្លៃពាក្យសម្តីរបស់លោកស្រី និងបានបង្កើត «ការនិទានរឿងមិនពិត»។ លោកស្រីបានអះអាងថា ការលើកឡើងរបស់លោកស្រី គឺជា «សកម្មភាពសងសឹកតាមលក្ខខណ្ឌ» ដែលមិនមែនជាការគំរាមកំហែង។

នៅថ្ងៃអង្គារ៍នេះ អនុប្រធានាធិបតីនៃប្រទេសហ្វីលីពីន លោកស្រី Sara Duterte បានបដិសេធថា លោកស្រីមិនមានគម្រោង ដើម្បីធ្វើឃាតប្រធានាធិបតីហ្វីលីពីន លោក Ferdinand Marcos នោះឡើយ ហើយលោកស្រីបានគូសបញ្ជាក់ថា សម្តីរបស់លោកស្រី កាលពីចុងសប្តាហ៍មុន គឺគ្រាន់តែជាការឆ្លុះបញ្ចាំងនូវ អារម្មណ៍ភ័យព្រួយខ្លាំងមួយប៉ុណ្ណោះ របស់លោកស្រី អំពីលោក Marcos។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃអង្គារ ទី២៦ ខែវិច្ឆិកា ឆ្នាំ២០២៤។

លោកស្រី Sara Duterte ហាក់បាននិយាយកែតម្រូវការអត្ថាធិប្បាយនោះវិញ ដោយអះអាងថា វាគ្រាន់តែជាការបង្ហាញ អំពីអារម្មណ៍ភ័យព្រួយមួយប៉ុណ្ណោះ របស់លោកស្រី ចំពោះភាពបរាជ័យរបស់រដ្ឋាភិបាលលោក Ferdinand Marcos ក្នុងការបម្រើប្រជាជនហ្វីលីពីន ស្របពេលដែលលោក ធ្វើទុក្ខបុកម្នេញគូសត្រូវនយោបាយរបស់ខ្លួន។លោកស្រី Sara Duterte បានលើកឡើងថា អ្នកដែលចេះវិនិច្ឆ័យដឹងហេតុផល គឺគ្រប់គ្រាន់ដើម្បីអាចយល់ និងទទួលស្គាល់ថា ការលើកឧទាហរណ៍មួយ អំពីសកម្មភាពសងសឹក ដោយមានលក្ខខណ្ឌបែបនេះ គឺមិនមានន័យស្មើទៅនឹងការគំរាមកំហែងជាក់ស្តែងមួយឡើយ។

លោកស្រីបានបន្ថែមទៀតថា ការចោទប្រកាន់របស់រដ្ឋាភិបាល អំពីគម្រោងធ្វើឃាតលោក Marcos គឺគ្មានមូលដ្ឋានទាល់តែសោះ ដោយលោកស្រីជឿជាក់ថា ការស៉ើបអង្កេតស្មោះត្រង់មួយ មុខជានឹងលាតត្រដាងឱ្យឃើញយ៉ាងងាយថា គម្រោងធ្វើឃាត ដែលគេអះអាងនោះ គឺវាមិនមែនជារឿងពិតទេ។គួរបញ្ជាក់ថា ការកោះហៅនេះ កើតឡើងបន្ទាប់ពីមានការស៊ើបអង្កេត លើអតីតប្រធានាធិបតី Rodrigo Duterte ដែលជាឪពុករបស់លោកស្រី Sara Duterte ជុំវិញការសម្លាប់មនុស្សរាប់ពាន់នាក់ ក្នុងអំឡុងពេល «សង្គ្រាមប្រឆាំងគ្រឿងញៀន»។ លោកស្រី Duterte ក៏កំពុងស្ថិតក្រោមការស៊ើបអង្កេត ពីបទប្រើប្រាស់ថវិកាសាធារណៈខុសច្បាប់ផងដែរ។

គួរបញ្ជាក់ថា លោកស្រី Sarah Duterte គឺជាកូនស្រីអតីតប្រធានាធិបតីហ្វីលីពីន លោក Rodrigo Duterte។ លោកស្រី បានចុះចេញពីតំណែងជារដ្ឋមន្ត្រីក្រសួងអប់រំ ក្នុងគណៈរដ្ឋមន្ត្រីរបស់លោក Marcos កាលពីខែមិថុនា ឆ្នាំនេះ នៅពេលទំនាក់ទំនងរវាងគ្រួសារ Duterte និងគ្រួសារ លោក Marcos បានធ្លាក់ដល់ចំណុចស្តារលែងរួច ហើយសម្ព័ន្ធភាពរវាងគ្រួសារទាំងពីរ បានដួលរលំទៅវិញ។ សម្ព័ន្ធភាពនេះ ដំបូងឡើយ បានជួយឱ្យលោក Marcos និងលោកស្រី Sarah Duterte ទទួលជ័យជម្នះភ្លូកទឹកភ្លូកដី ជាប់ជាប្រធានាធិបតី និងអនុប្រធានាធិបតី ក្នុងការបោះឆ្នោតកាលពីឆ្នាំ២០២២៕