» ពេញចិត្តកញ្ញាស៊ូស៊ិរីការត្រង់ណា? » ប្រជាពលរដ្ឋ​ដែល​រងគ្រោះ​ព្រោះ​ចិន​បិទផ្លូវ​កំពុង​ស្វែងរក​ការដោះលែង​គ្នីគ្នា​វិញ​ » លោក ឌី​ម សួន​ណាត​ម្ចាស់ ក្រុមហ៊ុន Enarita​ថៅកែ​ជួញ​ដីឡូត៍​ត្រូវបាន​ឃាត់ខ្លួន​ព្រោះ​ចេញ​មូល​ប្ប​ទា​នប​ត្រ័​មានតម្លៃ​ជាំ​ង​២០០​លាន​ដុល្លារ​តែ​អត់​សាច់ប្រាក់​ » សហរដ្ឋអាមេរិក ប្រកាស​បន្ត​គាំទ្រ​រដ្ឋាភិបាល​ថៃ​សម័យ​លោក​ប្រា​យុទ្ធ​ក្នុងការ​ដើរតួនាទី​ជា​អ្នកដឹកនាំ​ក្នុង​តំបន់​! » ទូក​អូស​លៀស​ក្នុង រដូវ​បិទ​នេសាទ​គឺមាន​ឈ្មោះ​ចែ​វណ្ណ​នី​និង​ឈ្មោះ​តា​ម៉ុង​នៅ​ស្រុក​ក្រគរ​ជា​អ្នកដើរ​យកលុយ​ញ៉ុ​ក​មាត់​មន្ត្រី​?! » ស្រីក្មេង​ស្រឡាញ់​ទូរ​សព្ទ​ជាង​ប្តី​សុខចិត្ត​ស្លាប់​! » អាមេរិក​ចាប់ខ្លួន​អតីត​ប្រធានាធិបតី​ប៉េ​រូ​បញ្ជូនមក​ប្រទេស​ដើម​វិញ​ពាក់​ព​ន្ធ័​រឿង​ពុករលួយ​ » ចៅហ្វាយខេត្ត​មាន​ស្រី​ត្រូវ​អស់តំណែង​លោកសង្ឃ​មាន​ស្រីក្មេង​ត្រូវគេ​ទុកអោយ​រាស្ត្រ​គោរពបូជា​?​ចម្លែក​មែន ខេត្តបន្ទាយមានជ័យ ? » ស្រី​ខេ​កម្ម​ការ​នី​អនាម័យ​ម្នាក់​សម្លេង​សមនិង​មាឌ​ធ្វើ​ឲ្យ​រញ្ជួយ​ឆាក​! » សន្និសីទកាសែត​ពី​រឿង​បង្ក្រាប​បទល្មើស​ព្រៃឈើ​នៅ​ថ្ងៃទី​១៨​កក្កដា​ » តាម​ទាន់​ប្តី​ស្រាត​នៅលើ​គ្រែ​ជាមួយ​សា​ហាយ​ប្តឹង​ប៉ូលិស​ឲ្យ​ចាប់ខ្លួន​និង​សុំ​សម្តេច​ហ៊ុនសែន​ដេញ​ចេញពី​តួនាទី​ជាម​ន្ត្រី​ » ស្គាល់​អត្តសញ្ញាណ​ម្ចាស់​រថយន្ត​រ៉ែ​ង​រ៉ូ​វឺ​បុក​ក្មេងស្រី សិស្សសាលា​ស្លាប់​នៅ​ត្បូងឃ្មុំ​ហើយចាំមើសមត្តកិច្ចគិតម៉េច? » រកឃើញ​សម្រាម​ផ្លា​ស្ទិ​ក​ដែ​ញ​ឈ្មួញ​លួច​នាំចូល​តាម​ផែ​សីហនុ​៨៣​កុ​តឺ​ណ​រ័​តែ​មិនទាន់​ដឹង​មុខ​ម្ចាស់​? » លោក​ផៃ​ស៊ី​ផាន​៖​សេចក្តីស្នើច្បាប់​រដ្ឋសភា​អាមេរិក​ចោទ​កម្ពុជា​ដោយ​គ្មាន​មូលដ្ឋាន​ច្បាស់លាស់​បង្ហាញ​តែម​ហិ​ច្ឆិ​តា​នយោបាយ​ជា​ប្រវត្តិ​ប្រឆាំងនឹង​រដ្ឋាភិបាល​កម្ពុជា​ » អ្នកមាន​ជម្ងឺ​បេះដូង​ប្រ​យ​ត្ន័​រឿង​ញាំ​ស៊ុត​បក្សីច្រើនលើសពីបីគ្រាប់១ថ្ងៃ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 8784 នាក់

ម្សិលមិញ 6021 នាក់

សរុប 2543736 នាក់

ហេតុ​អី​ប្រធានាធិបតី​ចិន​ប្រញាប់​អបអរ​គណបក្សកាន់អំណាច​ហ្ស៊ី​ម​បា​វ៉េ ក្នុងពេល​ប្រទេស​ផ្សេង​ថា​ការបោះឆ្នោត​មានការ​ជា​បន្លំ​!


​ប៉េកាំង​៖ ប្រធានាធិបតី​ចិន លោក ស៊ី ជិន​ពីង បាន​ផ្ញើ​សារ​អបអរសាទរ លោក​អេ​មឺ​សុន​ណាំង​ហ្គា​វ៉ា​( Emmerson Mnangagwa )​ដែល​បាន​ជាប់ឆ្នោត ជា​ប្រធានាធិបតី​ហ្ស៊ី​ម​បា​វ៉េ​សាជាថ្មី​បើទោះជា​គណបក្សប្រឆាំង​ប្រកាស​មិន​ទទួលស្គាល់​លទ្ធផល​បោះឆ្នោត​ក៏ដោយ​។

ទីភ្នាក់ងារសារព័ត៌មាន​ចិន​ស៊ីន​ហួរ​ចេញផ្សាយ​ការ​ពីថ្ងៃ​ទី​០៧​ខែសីហា​ឆ្នាំ​២០១៨​បាន​ឲ្យ​ដឹងថា​៖«​លោក ស៊ី ជិន​ពីង បាន​សម្ដែង ការ​សាទរ ក៏ដូចជា​ចេតនា​ចង់ឃើញ​រដ្ឋាភិបាល និង​ប្រជាជន​ហ្ស៊ី​ម​បា​វ៉េ អាច​សម្រេចបាន​នូវ​លទ្ធផល​បន្ថែម​សម្រាប់​ការអភិវឌ្ឍ​ជាតិ ក្រោម​ការដឹកនាំ​របស់​លោក​អេ​មឺ​សុន​ណាំង​ហ្គា​វ៉ា​( Emmerson Mnangagwa )»​។ បន្ថែម​ពីលើ​នេះ លោក​ប្រធានាធិបតី​ចិន ក៏បាន​បង្ហាញ​ពី​ក្ដីសង្ឃឹម​ផងដែរ​ថា​លោក អាច​នឹង​ពិភាក្សា​ការងារ​ជាមួយ​លោក​ណាំង​ហ្គា​វ៉ា​( Mnangagwa )​នៅ​ខែកញ្ញា​ខាង​នេះ ក្នុង​ទីក្រុង​ប៉េកាំង នាឱកាស​ចូលរួម​កិច្ចប្រជុំ​កំពូល​ចិន - អាហ្វ្រិក​។​a zim ba3 

ទូរទស្សន៍ BBC បាន​ផ្សព្វផ្សាយ​ព័ត៌មាន ឲ្យ​ដឹង​កាលពី​ថ្ងៃទី​៣ ខែសីហា ឆ្នាំ ២០១៨ នេះ​ថា គណៈកម្មាធិការ​រៀបចំ​ការ បោះឆ្នោត​បាន​ឲ្យ​ដឹងថា លោក​ប្រធានាធិបតី Emmerson Mnangagwa បានឈ្នះ​ឆ្នោត ក្នុងការ​ជ្រើសរើស​តំណែង ប្រធានាធិបតី របស់​ប្រទេស​ហ្ស៊ី​ម​បា​វ៉េ ។​មាន​ចំនួន​១០​ខេត្ត​ដែល​បានប្រកាសថា​លោក​Mnangagwa​បានឈ្នះ​៥០,៨​ភាគរយ​នៃ​ចំនួន​បោះឆ្នោត​ធៀប​នឹង​មេដឹកនាំ​បក្សប្រឆាំង​លោក Nelson Chamisa ទទួលបាន​សំឡេងគាំទ្រ​តែ​៤៤,៣​ភាគរយ ។​

គួរ​បញ្ជាក់ថា មេដឹកនាំ​គណបក្សប្រឆាំង​ហ្ស៊ី​ម​បា​វ៉េ លោក​ណៃ​សុន​ឆា​មី​សា​( Nelson Chamisa) រួមទាំង​បណ្ដា​ប្រទេស​លោកខាងលិច​ភាគច្រើន​បាន​ចាត់ទុកថា​ការបោះឆ្នោត​នៅ​ហ្ស៊ី​ម​បា​វ៉េ កាលពី​ថ្ងៃទី​០៣ កក្កដា​កន្លងទៅ មានការ​ក្លែងបន្លំ​លទ្ធផល​បោះឆ្នោត ស្របពេល សមាជិក​គណបក្សប្រឆាំង​មួយចំនួន កំពុង​ត្រូវបាន​គេ​បំភិតបំភ័យ​ឱ្យ​បញ្ឈប់​ការតវ៉ា​របស់ខ្លួន​។​

​សូមបញ្ជាក់ថា​៖​ការធ្វើ​រដ្ឋប្រហារ របស់​ក្រុម​យោធា​ស៊ីម​បា​វ៉េ កាលពី​ថ្ងៃទី ១៥​វិច្ឆិកា កន្លងទៅ​ទម្លាក់​លោក មូ​ហ្កា​បេ (Robert Mugabe)​ចេញពី​ប្រធានាធិបតី​ស៊ីម​បា​វ៉េ ដែល​កាន់កាប់​អំណាច​នេះ ៣៧​ឆ្នាំ​នោះ​មានការ​និយាយ​តៗ​គ្នា​ថា​មាន​ចិន​ន​នៅ​ពីក្រោយ​។ កងទ័ព​ស៊ីម​បា​វ៉េ ដាច់ចិត្ត​វាយបក​សម​មិត្ត​ខ្លួន​​បើទោះបីជា​ក្រុម​កងទ័ព បាន​បដិសេធថា វា​មិនមែនជា​រដ្ឋប្រហារ​ក៏ដោយ តែ​ធាតុពិត វា​គឺជា​រដ្ឋប្រហារ​ច្បាស់​ណាស់ តែ​ជា​រដ្ឋប្រហារ​បែប​ស្លូត ដោយ​មិន​ប្រើ​ហឹ​ង្សា​។ កងទ័ព គ្រាន់តែ​បាន ប​ង្ឃាំ​ង​លោ​កមូ​ហ្កា​បេ​ឲ្យ​នៅក្នុង​ផ្ទះ និង​បានដាក់​កំហិត​ឲ្យ​លោក មូ​ហ្កា​បេ ចុះ​ចេញពី​តំណែង​តាម​សម្រួល​។​

​ហេតុផល​ជា​ផ្លូវការ​របស់​កងទ័ព ដែល​សម្រេចចិត្ត​ធ្វើ​អន្តរាគមន៍​នេះ គឺ​ដើម្បី​កំចាត់​បក្សពួក​មួយក្រុម​របស់ ភរិយា​លោក​មូ​ហ្កា​បេ​។ លោកស្រី Grace Mugabe ភរិយា​ប្រធានាធិបតី ត្រូវបាន​កងទ័ព​ចោទថា​បាន​ញុះញង់ ស្វាមី​ខ្លួន ឲ្យ​បណ្តេញ​លោក Emmerson Mnangagwa ចេញពី​តំណែង​អនុ​ប្រធានាធិបតី​។លោក Emmerson Mnangagwa គឺជា​មនុស្ស​មាន​ប្រជាប្រិយភាព ដែល​កងទ័ព​គាំទ្រ ។ ភរិយា​លោក​មូ​ហ្កា​បេ ធ្វើ​ដូចនេះ ដ៏​ដោយសារតែ​ខ្លួន ចង់​ក្លាយជា​ប្រធានាធិបតី​ដែរ នៅពេលណា លោ​កមូ​ហ្កា​បេ ដែលមាន​វ័យ​៩៣​ឆ្នាំ ទៅហើយនោះ ទទួលមរណៈភាព​។​

​មុន​រដ្ឋប្រហារ​២​ថ្ងៃ មេបញ្ជាការ​កងទ័ព​ទៅ​ប៉េកាំង​​ក៏ប៉ុន្តែ​អ្វីដែល​ជាការ​កត់សម្គាល់ គឺ​លោក Constantino Chiwenga អគ្គមេបញ្ជាការ​កងទ័ព​ស៊ីម​បា​វ៉េ បាន​ទៅ​ទីក្រុង​ប៉េកាំង ២​ថ្ងៃ មុន​មាន​រដ្ឋប្រហារ​។ នៅ​ទីនោះ លោក​បាន​ជួប​ជាមួយ​លោក​រដ្ឋមន្ត្រី​ការពារ​ជាតិចិន និង​មេទ័ព​ចិន​ជាច្រើន​នាក់​។ ក្រសួងការបរទេស ក៏ដូចជា​ក្រសួងការពារជាតិ​ចិន បាន​អះអាងថា វា​គឺជា​ជំនួប​ធម្មតា​ប៉ុណ្ណោះ ពុំមាន​អ្វី​ទាក់ទង​នឹង​រឿង​រដ្ឋប្រហារ​ឡើយ​។​

​ប៉ុន្តែ របាយការណ៍​របស់​ក្រសួងការពារជាតិ​ចិន បានលើកឡើង​ពី​ប្រសាសន៍​របស់លោក មេបញ្ជាការ Li Zuocheng ដែល​បាន​និយាយថា ទំនាក់ទំនង​សហប្រតិបត្តិការ​រវាង​កងទ័ព​ចិន និង​កងទ័ព​ស៊ីម​បា​វ៉េ មាន​លក្ខណៈ​ល្អ​ណាស់ ហើយ​គេ​នឹង​រឹតចំណង​នេះ ឲ្យ​កាន់តែ​តឹង​ណែន​ជាងនេះទៅទៀត​។ ដូច្នេះ គេ​សឹងតែ​មិន​ជឿ​ទេ ដែលថា​មេទ័ព​ចិន និង​មេទ័ព​ស៊ីម​បា​វ៉េ មិនបាន​លើកឡើង​ពី​ផែន​ការធ្វើ​រដ្ឋប្រហារ​យោធា​នោះ​។​

​ចិន ជា​អ្នក​បោះទុន​វិនិយោគ​ធំជាងគេ​បង្អស់ នៅ​ស៊ីម​បា​វ៉េ​
​ជាងនេះទៅទៀត លោក​អតីត​អនុ​ប្រធានាធិបតី​ស៊ីម​បា​វ៉េ ដែល​ត្រូវគេ​ទំលាក់​ពី​តំណែង ក៏​គឺជា​មនុស្ស​ស្និទ​នឹង​ប៉េកាំង​ដែរ ធ្លាប់​ទៅ​រៀន ហ្វឹកហាត់​នៅ​ចិន តាំងតែ​ពី​ចុង​ទសវត្ស​ឆ្នាំ​៦០​ម្លេះ​។ យ៉ាងណាមិញ មាន​ពាក្យ​ចចាមអារ៉ាម បាន​លើកឡើងថា ក្រោយពេល​ត្រូវ​លោក​ម៉ូ​ហ្កា​បេ បណ្តេញ​ចេញពី​តំណែង លោក​អនុ​ប្រធានាធិបតី​រូបនេះ បានមក​សំងំ​ស្នាក់នៅ​ប៉េកាំង មួយរយៈ​តូច​ទៀតផង​។​

​គួររំលឹកថា ចិន គឺជា​ដៃគូ​ពាណិជ្ជកម្ម​ធំ​បំផុត សម្រាប់​ស៊ីម​បា​វ៉េ​។ តាំងតែ​ពី​ដើម​រាងមក ចិន តែងតែ​គាំទ្រ រដ្ឋាភិបាល​ផ្តាច់ការ របស់លោក មូ​ហ្កា​បេ​ជានិច្ច បើទោះបីជា​រដ្ឋាភិបាល​នេះ ត្រូវបាន​ប្រទេស​លោកខាងលិច កាត់​ការលែង​រាបរក ក៏ដោយ​។ អ្វីដែល​ចិន សម្លឹង​ឃើញ គឺ​ធនធាន​រ៉ែ​ពេជ្រ រ៉ែ​ដែក ព្រមទាំង​ដំណាំ​ថ្នាំជក់​របស់​ស៊ីម​បា​វ៉េ​។​

​ប៉ុន្មាន​ឆ្នាំ​ចុងក្រោយ​នេះ ក្រុមហ៊ុន​ចិន ជាង​១០០​ក្រុមហ៊ុន បាន​ទៅ​តាំងទី​រកស៊ី​នៅ​ស៊ីម​បា​វ៉េ​។ យោងតាម​តួលេខ​របស់ South African Institute of International Affairs បាន​បង្ហាញថា ចាប់ពី​ឆ្នាំ​២០០៩​មក វិនិយោគ​របស់​ចិន នៅ​ស៊ីម​បា​វ៉េ បាន​កើន​ឡើងដល់​ទៅ​៥០០០%​។ នៅ​ឆ្នាំ​២០១៥ ទឹកប្រាក់​៤៥០​លាន​ដុល្លារ ដែលជា​ការវិនិយោគរ​បស់​ចិន នៅ​ស៊ីម​បា​វ៉េ គឺមាន​ទំហំ​ស្មើនឹង​ពាក់កណ្តាល នៃ​ទឹកប្រាក់​វិនិយោគ​បរទេស​សរុប​ទាំងអស់ នៅ​ស៊ីម​បា​វ៉េ​។​

​ចិន​បាន​បោះទុន​វិនិយោគ​ជាច្រើន តួយ៉ាង ការសាងសង់​សាលា​បណ្តុះ​បណ្តាល​នាយទាហាន ក្នុង​ទឹកប្រាក់​១០០​លាន​ដុល្លារ សាងសង់​ផ្សារ​ទំនើប Longcheng Plaza នៅ​ក្រុង​ហា​រ៉ា​រ៉េ ក្នុង​ទឹកប្រាក់ ២០០​លាន​ដុល្លារ ព្រមទាំង​បាន​ជួយ​វិភាគទាន​សង់​អាគារ​រដ្ឋ​សភា​ថ្មី ក្នុង​ទឹកប្រាក់​៤៦​លាន​ដុល្លារ​។ ក្រុមហ៊ុន​ឧស្សាហកម្ម​ចិន​ធំៗ ដូចជា R&F បានប្រកាសថា នឹង​បោះទុន​វិនិយោគ​ក្នុង​ទឹកប្រាក់​២​ពាន់​លាន​ដុល្លារ នៅ​ស៊ីម​បា​វ៉េ ដើម្បី​ជីក​យក​រ៉ែ​ដែក និង​ដែកថែប ដែល​ចិន​ត្រូវការ​បំផុត​។​

​បើទោះបី​ជាមាន​ទុនវិនិយោគ​បែបនេះ​ក្តី តែ​រដ្ឋាភិបាល​លោក មូ​ហ្កា​បេ មិនអាច​ស្រោចស្រង់​សេដ្ឋកិច្ច​ប្រទេស​បានទេ​។ កាន់អំណាច​៣៧​ឆ្នាំ​មកនេះ លោ​កមូ​ហ្កា​បេ បាន​បង្កើន​ចំនួន​អ្នក​អត់​ការងារ​ធ្វើ កាន់តែ​ខ្ពស់​ទៅៗ ដល់​ទៅ​៩០%​ឯណោះ​។ ស៊ីម​បា​វ៉េ ពោរពេញ ដោយ​អំពើពុករលួយ បក្សពួកនិយម គ្មាន​សេវា​សា​ធា​រៈ​ត្រឹមត្រូវ​។​a zim ba a zim ba1