គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 5519 នាក់

ម្សិលមិញ 9639 នាក់

សរុប 20695690 នាក់

TikTok ថា ច្បាប់អាមេរិក ដែលអាចហាមឃាត់បណ្តាញសង្គមរបស់ខ្លួន នឹងជាន់ឈ្លីសេរីភាពបញ្ចេញមតិ

21-September-2026 / ព័ត៌មានអន្តរជាតិ

អាមេរិក៖នាយកប្រតិបត្តិរបស់ TikTok បានប្តេជ្ញាកាលពីថ្ងៃពុធ ទី២៤ ខែមេសាថានឹងប្រយុទ្ធនៅក្នុងតុលាការដើម្បីលុបចោលច្បាប់ថ្មីរបស់សហរដ្ឋអាមេរិកដែលបានចុះហត្ថលេខាដែលអាចឃើញកម្មវិធីពេញនិយមមួយនេះត្រូវបានហាមឃាត់មិនឲ្យប្រើដោយសារតែការចោទប្រកាន់ថា វាត្រូវបានគ្រប់គ្រងដោយរដ្ឋាភិបាលចិន។ច្បាប់នេះទុកពេលឱ្យ TikTok ចំនួន៩ខែដើម្បីដកខ្លួនចេញពីក្រុមហ៊ុនមេរបស់ចិន ByteDance ឬត្រូវបិទទីផ្សារអាមេរិក។ a tic tok

មន្ត្រីអាមេរិក និងលោកខាងលិចផ្សេងទៀតបានចោទប្រកាន់ថា វេទិកាប្រព័ន្ធផ្សព្វផ្សាយសង្គមអនុញ្ញាតឱ្យទីក្រុងប៉េកាំងប្រមូលទិន្នន័យ និងចារកម្មលើអ្នកប្រើប្រាស់។ វាមានអ្នកប្រើប្រាស់១៧០លាននាក់នៅក្នុងសហរដ្ឋអាមេរិកតែម្នាក់ឯង ដែលភាគច្រើនពួកគេនៅក្មេង។អ្នករិះគន់និយាយថា TikTok ក៏ជាផ្លូវសម្រាប់ផ្សព្វផ្សាយការឃោសនាដែរប៉ុន្តែប្រទេសចិន និងក្រុមហ៊ុនបានបដិសេធយ៉ាងខ្លាំងចំពោះការអះអាងនេះ។
លោក Shou Zi Chew ថៅកែក្រុមហ៊ុន TikTok បាននិយាយនៅក្នុងវីដេអូមួយដែលបានបង្ហោះនៅលើ TikTok មួយរំពេចបន្ទាប់ពីលោកប្រធានាធិបតី Joe Biden បានចុះហត្ថលេខាលើច្បាប់នេះថា ” នេះគឺជាការហាមឃាត់ អ្នកនយោបាយអាចនិយាយផ្សេង ប៉ុន្តែកុំយល់ច្រលំ។ មនុស្សជាច្រើនដែលបានឧបត្ថម្ភទទួលស្គាល់ការហាមឃាត់ TikTok គឺជាគោលដៅចុងក្រោយ”។

ទាក់ការបង្ខំឲ្យប្តូការគ្រប់គ្រងនេះបណ្តាញទំនាក់ទំនងសង្គម TikTok កាលពីថ្ងៃអាទិត្យទី២១មេសា បានលើកឡើងជាថ្មីនូវការព្រួយបារម្ភ អំពីសេរីភាពបញ្ចេញមតិរបស់ខ្លួន ដែលរងការគំរាមកំហែងពីច្បាប់ ដែលបានអនុម័តដោយសភាជាន់ទាបអាមេរិក ដែលនឹងហាមឃាត់ កម្មវិធីបណ្តាញសង្គមដ៏ពេញនិយម នៅសហរដ្ឋអាមេរិកមួយនេះ ប្រសិនបើក្រុមហ៊ុន ByteDance មិនលក់ TikTok ក្នុងរយៈពេលមួយឆ្នាំ។
ទីភ្នាក់ងារព័ត៌មានរ៉យទ័របានរាយការណ៍ថា រដ្ឋសភាដែលជាសភាជាន់ទាបអាមេរិក បានអនុម័តច្បាប់នេះ កាលពីថ្ងៃសៅរ៍ក្នុងសំឡេង ៣៦០ ទល់នឹង ៥៨។ ឥឡូវ ច្បាប់នេះបានធ្លាក់ដល់ដៃសភាជាន់ខ្ពស់ជាទី ដែលច្បាប់នេះអាចត្រូវបានបោះឆ្នោតគាំទ្រ នៅប៉ុន្មានថ្ងៃខាងមុខនេះ។ លោកប្រធានាធិបតីអាមេរិក ចូ បៃឌិន ធ្លាប់បាននិយាយថា លោកនឹងចុះហត្ថលេខាលើច្បាប់ស្តីពី TikTok នេះ។

សមាជិកសភាអាមេរិកជាច្រើននាក់ មកពីគណបក្សសាធារណរដ្ឋ និងគណបក្សប្រជាធិបតេយ្យ និងរដ្ឋាភិបាលរបស់លោក បៃឌិ និយាយថា TikTok បង្កហានិភ័យដល់សន្តិសុខជាតិ ពីព្រោះប្រទេសចិនអាចបង្ខំក្រុមហ៊ុននេះ ឱ្យចែករំលែកទិន្នន័យរបស់អ្នកប្រើប្រាស់ចំនួន ១៧០លាននាក់ នៅសហរដ្ឋអាមេរិក។បើយោងតាមទីភ្នាក់ងាររ៉យទ័រ វិធានការដែលរួមបញ្ចូល ច្បាប់ស្តីពីការហាមឃាត់ TikTok ទៅជាផ្នែកមួយនៃច្បាប់ ស្តីពីកញ្ចប់ជំនួយបរទេសដ៏ទូលំទូលាយ របស់អាមេរិកសម្រាប់រដ្ឋបរទេស អាចតាមដានពេលវេលាកំណត់ បានឆាប់រហ័សលើការហាមឃាត់ ដែលអាចកើតមានណាមួយបន្ទាប់ ពីច្បាប់ស្តីពីការហាមឃាត់មួយផ្សេងទៀត កាលពីមុនបានជាប់គាំងនៅក្នុងព្រឹទ្ធសភា ដែលជាសភាជាន់ខ្ពស់របស់អាមេរិក។

ទីភ្នាក់ងារព័ត៌មានរ៉យទ័រ បានរាយការណ៍ដោយដកស្រង់សេចក្ដីប្រកាសព័ត៌មាន ដែលចេញផ្សាយដោយក្រុមហ៊ុន TikTok ថា៖ «វាជារឿងអកុសលដែលសភាតំណាងរាស្ត្រ កំពុងប្រើលេសជំនួយបរទេសនិងមនុស្សធម៌សំខាន់ៗ ដើម្បីអនុម័តច្បាប់ហាមឃាត់ជាថ្មីម្តងទៀត ដែលនឹងជាន់ឈ្លីសិទ្ធិបញ្ចេញមតិដោយសេរី របស់ប្រជាជនអាមេរិកចំនួន ១៧០លាននាក់»។TikTok កាលពីខែកុម្ភៈបានរិះគន់ច្បាប់ដើម ដែលបានជាប់គាំងនៅក្នុងព្រឹទ្ធសភានោះដោយនិយាយថា វានឹង «ត្រួតពិនិត្យជនជាតិអាមេរិករាប់លាននាក់»។ ក្រុមហ៊ុន TikTok បានអះអាងស្រដៀងគ្នាថា ការហាមឃាត់ថ្នាក់រដ្ឋទៅលើ TikTok នៅរដ្ឋម៉ុងតាណាដែលបានអនុម័ត កាលពីឆ្នាំមុនគឺជាការរំលោភលើច្បាប់វិសោធនកម្មទីមួយ របស់សហរដ្ឋអាមេរិក។

សហភាពសេរីភាពស៊ីវិលអាមេរិក បានជំទាស់សេចក្តីព្រាងច្បាប់ ដែលអនុម័តដោយរដ្ឋសភានេះ ដោយលើកហេតុផលសេរីភាពបញ្ចេញមតិ។ ក្រុមហ៊ុន TikTok ទទូចថា ខ្លួនមិនដែលបានចែករំលែកទិន្នន័យរបស់ពលរដ្ឋអាមេរិកទេ ហើយនឹងមិនធ្វើដូច្នេះដែរ។សូមបញ្ជាក់ថាTikTok Lite ត្រូវបានគេដឹងថា ជាកម្មវិធីមួយអនុញ្ញាតឱ្យអ្នកប្រើប្រាស់ទទួលបានពិន្ទុ តាមរយៈការចូលទស្សនាវីដេអូ ឬតាមដានអ្នកបង្កើតមាតិកា។ បន្ទាប់មកពិន្ទុទាំងនេះ អាចប្តូរទៅជា កាតអំណោយ (gift card) ឬ ប័ណ្ណ Vouchers Amazon ជាដើម។ តែយ៉ាងណា នៅពេលនេះ TikTok Lite ហាក់ប្រឈមនឹងបញ្ហានៅក្នុងសហភាពអឺរ៉ុប ក្រោយជាប់សង្ស័យថា មុខងារមួយនេះបង្ករហានិភ័យចំពោះកុមារ។ នេះបើតាមការចេញផ្សាយដោយសារព័ត៌មាន Reuters នៅថ្ងៃទី២៣ ខែមេសា ឆ្នាំ២០២៤។

គណៈកម្មការអឺរ៉ុប បាននិយាយកាលពីថ្ងៃចន្ទទី២២មេសាដើមសប្តាហ៍នេះថា ខ្លួនបានបើកការស៊ើបអង្កេតលើការបើកដំណើរការកម្មវិធីថ្មីនេះ នៅក្នុងប្រទេសបារាំង និងអេស្ប៉ាញ។ កម្មវិធីរង្វាន់របស់ TikTok Lite នេះទៀតសោត អាចត្រូវបានផ្អាកនៅក្នុងសហភាពអឺរ៉ុបតែម្តង ប្រសិនបើ TikTok មិនអាចដោះស្រាយការព្រួយបារម្ភ អំពីឥទ្ធិពលអាក្រក់ ដែលអាចកើតមានលើកុមារ។ស្នងការទទួលបន្ទុកទីផ្សារផ្ទៃក្នុងរបស់ EU លោក ធៀរី ប្រ៊េតុន (Thierry Breton) បានប្រកាសនៅថ្ងៃចន្ទនេះថា «លុះត្រាតែ TikTok ផ្តល់ភស្តុតាងគួរសម អំពីសុវត្ថិភាពរបស់កម្មវិធីនេះ ត្បិតរហូតមកទល់នឹងពេលនេះ TikTok បានបរាជ័យក្នុងការផ្តល់ភស្តុតាង ហើយយើងត្រៀមខ្លួនរួចជាស្រេច ក្នុងការចាប់ផ្តើមវិធានការបណ្តោះអាសន្នក្រោមច្បាប់សេវាកម្មឌីជីថល (DSA) រួមទាំងការផ្អាកមុខងារ TikTok Lite ដែលយើងសង្ស័យថា អាចបង្កើតការញៀន ឬជះផលអាក្រក់ដល់កុមារ»។

TikTok ដែលជាកម្មសិទ្ធិរបស់ក្រុមហ៊ុនចិន ByteDance ត្រូវបានផ្តល់ពេលវេលាឲ្យ ២៤ម៉ោង ដើម្បីផ្តល់របាយការណ៍វាយតម្លៃហានិភ័យនៅលើ TikTok Lite ឬប្រថុយនឹងការផាកពិន័យរហូតដល់ ១% នៃចំណូលប្រចាំឆ្នាំជាសកល។ជុំវិញបញ្ហានេះ TikTok បាននិយាយថា ខ្លួនខកចិត្តជាខ្លាំង នឹងការសម្រេចចិត្តរបស់គណៈកម្មការអឺរ៉ុប។ អ្នកនាំពាក្យរបស់ TikTok បាននិយាយថា «មុខងារផ្តល់រង្វាន់របស់ TikTok Lite មិនមានសម្រាប់ក្មេងអាយុក្រោម ១៨ឆ្នាំទេ ពោលគឺអនុញ្ញាតសម្រាប់តែអាយុ១៨ឆ្នាំឡើងលើប៉ុណ្ណោះ ហើយវាមានដែនកំណត់ប្រចាំថ្ងៃលើការទស្សនាវីដេអូ។ យើងនឹងបន្តពិភាក្សាជាមួយគណៈកម្មការ...»៕ a tic tok1