» កម្ពុជា​បញ្ជូន​តំណាង​ទៅ លើកទឹកចិត្ត​ដល់​វិនិយោគិន​កូរ៉េ ឱ្យ​បន្ត​ស្វែងរក​ឱកាស​វិនិយោគ នៅ​កម្ពុជា​ » រដ្ឋមន្ត្រីការបរទេស​វៀតណាម​ទៅ​ធានា​នៅ​អាមេរិក​ថា​គ្មាន​បញ្ហា​រឿង​ប្រធានាធិបតី​លាលែង​! » ខ្មាន់កាំភ្លើង​ខ្លី​បាន​បាញ់រះ​ចំនួន​០៦​គ្រាប់ ទម្លុះ​ទ្វារផ្ទះ​អ្នកលក់​ទូរស័ព្ទ និង​គ្រឿងអគ្គិសនី​មួយកន្លែង​ម្ចាសផ្ទះ​ថា​អត់​ដឹង​ហង​! » មន្ត្រី​សុរិយោដី​ស្រុក​សំរោង​ទង ស្រវឹងស្រា​បើកឡាន​បុក​ផ្ទាំង​ផ្សាយពាណិជ្ជកម្ម​នៅ​សួនច្បារ​សម្តេចព្រះសង្ឃរាជ ជួន ណាត » ក្រុមហ៊ុនចិន១៧ស្វែងយល់ពីឱកាសវិនិយោគនៅកម្ពុជា » លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 5024 នាក់

ម្សិលមិញ 6501 នាក់

សរុប 13953579 នាក់

ដុក​ទ​រ័​អូស្ត្រាលី​ម្នាក់​ដែល​ស្ម​គ្រ័​ចិត្ត​ជួយ​ថែ​ក្មេង​ក្នុង​រូងភ្នំ​ថាំ​ហ្លួង​ជួប​គ្រោះ​ធំ​ប្រញ៉ាប់ទៅស្រុកវិញ

​ថៃ​៖​នៅ​ល្ងាច​ថ្ងៃ​១០​កក្កដា​ឆ្នាំ​២០១៨ ជា​ពេលវេលា​ដ៏​អស្ចារ្យ និង​រំភើប​រីករាយ​សម្រាប់​ក្រុមគ្រួសារ​ក្មេង អាជ្ញាធរ ប្រជាជន​ថៃ និង​ពិភពលោក ព្រោះ​ជា​ថ្ងៃ​ចុងក្រោយ​ដែល​ក្រុម​សង្គ្រោះ បាន​យក​ក្មេង​និង​គ្រូ​របស់គេ​ចេញមកក្រៅ​ល្អាង​ភ្នំ​វិញ​ដោយ​សុវត្ថិភាព​។​ការសម្រេចចិត្ត​ចូលទៅ​សង្គ្រោះបាន​ទាំង​មិន​នឹកស្មាន​នេះ បាន​ចំណាយ​រយៈពេល ៣​ថ្ងៃ ដោយ​មួយថ្ងៃ​ជួយ ៤​នាក់ និង​ចំណាយពេល​ម្ដង​ប្រមាណ ៩​ម៉ោង​។a boy docter2

បន្ទាប់ពី​ក្មេង​ចេញមក​អស់ ទាំង​១៣​នាក់ ពេលនោះ​នៅមាន​មនុស្ស ៤​នាក់​ទៀត​មិនទាន់​ចេញមក​គឺ លោក​វេជ្ជបណ្ឌិត​ជនជាតិ​អូស្ត្រាលី​ឈ្មោះ​រី​ឆាត​ហារី​( Dr. Richard Harries) វេជ្ជបណ្ឌិត​ស្ម័គ្រចិត្ត​ម្នាក់​ចូល​នៅ​មើលថែ​ក្មេងៗ​ទាំង ១៣​នាក់ អំឡុងពេល​ជាប់គាំង និង​ក្រុម​ទាហាន​ជើង​ថៃ ៣​នាក់​។​មាន​មនុស្ស​ជាច្រើន​រង់ចាំ​ស្វាគមន៍​វត្តមាន​លោក​យ៉ាង​អន្ទះសា និង​ស្រែក​ហ៊ោ​ដោយ​ក្ដីរំភើប​ទាំងអស់គ្នា​។ ចេញពី​រូង​មិនទាន់បាន​ប៉ុន្មាន​នាទី​ផង បែរជា​ទទួលដំណឹង​ក្ដុកក្ដួល​ក្រៃលែង គឺ​ឪពុក​របស់លោក​បានទទួល​មរណភាព​នៅមុន​នោះ​បន្តិច​។​a boy docter1 

​ទោះជា​យ៉ាងណា លោក​មិនបាន​ឲ្យ​អ្នកសារព័ត៌មាន​ដឹងថា ឪពុក​លោក​ទទួលមរណភាព​ដោយសារ​អ្វី​នោះ រឿង​ដែល​ត្រូវធ្វើ គឺ​ត្រូវ​ត្រឡប់​ទៅ​ប្រទេស​កំណើត​វិញ​ឲ្យ​បាន​លឿន​បំផុត​ដោយ​ន​លុប​គម្រោង​ដើរ​លំហែ​នៅ​ភាគ​ខាងជើង​ប្រទេស​ថៃ ដែលជា​គម្រោង​អបអរសាទរ​ការយក​ក្មេង​ចេញពី​ល្អាង​ដោយ​សុវត្ថិភាព​ដែរ​។​

​លោកហារី( Harry) ជា​គ្រូពេទ្យ​ទាហាន និង​ជា​អ្នកជំនាញ​មុខទឹក​ល្បីឈ្មោះ​លំដាប់​ពិភពលោក​ជាង ៣០​ឆ្នាំ និង​តែងតែ​ស្ម័គ្រចិត្ត​ចេញទៅ​សង្គ្រោះ​មនុស្ស​ជាប់​ក្នុង​រូងភ្នំ​តាម​ប្រទេស​នានា​ជុំវិញ​ពិភពលោក​។ ការសង្គ្រោះ​ក្រុមបាល់ទាត់​ជ្រូកព្រៃ​ដែលមាន​មនុស្ស ១៣​នាក់​នេះ លោក​បាន​ប្រថុយ​ជីវិត​យ៉ាងខ្លាំង​ចូលទៅក្នុង​រូង​ដែល​ទឹក​ជន់​លិច​មាន​ចម្ងាយ​ប្រមាណ​ជាង ៤​គីឡូម៉ែត្រ​។ លោក​ជា​មនុស្ស​ម្នាក់​ក្នុងចំណោម​ជនជាតិ​អូស្ត្រាលី ២០​នាក់​ចូលរួម​សង្គ្រោះ​នេះ​។​គាត់ បម្រើការ​ជា​វេជ្ជបណ្ឌិត​ឯកទេស​ស្ពឹក​នៅ​គ្លីនិក SAAS MedSTAR នៅ​ទីក្រុង Adelaide ភាគខាងត្បូង​អូស្ត្រាលី​។

លោក  បាន​បដិសេធ​មិន​ធ្វើ​អធិប្បាយ​ជាមួយ​អ្នកព័ត៌មាន ប៉ុន្តែ​លោកអេនឌ្រូភៀស( Andrew Pearce )ប្រធាន​គ្លីនិក​ខាងលើ បានបញ្ជាក់​ប្រាប់​សារព័ត៌មាន ABC អូស្ត្រាលី​ថា «​វា​ជា​ពេលវេលា​ដ៏​សោកសៅ​ខ្លាំង​បំផុត​ដែល​ខ្ញុំ​ប្រាប់ថា ឪពុក​របស់ Harry បានទទួល​មរណភាព​យប់មិញ​បន្ទាប់ពី​ប្រតិបត្តិការ​ជួយសង្គ្រោះ​ក្មេង​នៅ​ថៃ​បានបញ្ចប់​ដោយ​ជោគជ័យ​។ ដើម្បី​ជាការ​គោរព​ដល់​អ្នកស្លាប់ យើង​មិនអាច​ប្រាប់​មូលហេតុ​ទៅកាន់​ប្រព័ន្ធ​ផ្សព្វផ្សាយ​បានទេ​។ Harry គាត់​ជាម​នុស្ស​ស្ងប់ស្ងាត់ ចិត្តល្អ និង​ជួយ​អ្នកដទៃ​មិនដែល​ចង់​បានការ​តបស្នង​សងគុណ​មកវិញ​ទេ​»​។​

​កុមារ​អាយុ​ចន្លោះ​ពី ១១ ដល់ ១៦​ឆ្នាំ ចំនួន ១២​នាក់ និង​ជំនួយការ​គ្រូបង្វឹក​ម្នាក់​អាយុ ២៥​ឆ្នាំ បាន​ជាប់គាំង​ក្នុង​រូង​ល្អាង​ថាំ​ហ្លួង ខេត្ត​ឈៀង​រ៉ា​យ ប្រទេស​ថៃ ចាប់តាំងពី​ថ្ងៃទី ២៣ មិថុនា ដោយសារ​ភ្លៀង​ធ្លាក់ ជន់​លិច​ពី​ភ្នំ​ធ្វើ​ឲ្យ​ហូរ​ចាក់​ក្នុង​ល្អាង​បិទផ្លូវ​ចេញចូល​។ រហូតដល់​ថ្ងៃទី ៣ កក្កដា ម៉ោង ៩​កន្លះ​យប់ អ្នកជំនាញ​មុជទឹក​ជនជាតិ​អង់គ្លេស ២​រូប បាន​រកឃើញ​ក្មេង​ទាំងនោះ​មុនគេ ពោល​ជាប់​បាន​រយៈពេល ៩​ថ្ងៃ និង​ជាង ៥​ម៉ោង​។​​ការរកឃើញ​នេះ មិនអាច​យកចេញ​បាន​ភ្លាមៗ​ទេ ដំបូង​គេ​គិតថា​ទុក​រយៈពេល ៤​ខែ ឲ្យ​ពួកគេ​រៀន​មុជទឹក​ចេះ​ស្ទាត់​សិន​ទើប​អាច​ហែល​ចេញពី​ល្អាង​បាន​។ ប៉ុន្តែ​ដោយសារ​ការ​ប្រឈម​គ្រោះថ្នាក់​ច្រើន​ដូចជា មេឃ​បន្ត​ភ្លៀង​ឥត​ឈប់​ពីមួយថ្ងៃ​ទៅមួយថ្ងៃ ការកើនឡើង​កាបូនឌីអុកស៊ីត​ក្នុង​ល្អាង និង ខ្វះ​អុកស៊ីហ្សែន​ជាដើម​។ ដូច្នេះហើយ​ទើប​ក្រុម​អ្នក​មុជទឹក​បរទេស ១៣​នាក់ និង​ថៃ ៥​នាក់​ចូលទៅ​សង្គ្រោះ​ចេញ​យ៉ាង​ប្រញាប់​តែម្ដង​៕a boy docter