វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2333 នាក់
ម្សិលមិញ 5378 នាក់
សរុប 14081626 នាក់
ប្រទេសម៉ាឡេស៊ី៖រដ្ឋាភិបាលលោក មហាធៀ មហាម៉ាត់ កាលពីថ្ងៃទី៤ធ្នូ បានដាក់សេចក្តីព្រាងវិសោធនកម្មរដ្ឋធម្មនុញ្ញ ដើម្បីកំណត់អាណត្តិនាយករដ្ឋមន្ត្រីមកត្រឹមពីរអាណត្តិ តាមការសន្យាលោកមុនពេលបោះឆ្នោត។
សារព័ត៌មាន Channel News Asia បានឲ្យដឹងថារដ្ឋបាលលោក មហាធៀ មហាម៉ាត់ ដាក់ស្នើសេចក្តីព្រាងច្បាប់នេះឡើង ព្រោះដើម្បីបង្ហាញពីការប្តេជ្ញាចិត្តរបស់លោក មហាធៀ ដែលបានសន្យាក្នុងអំឡុងពេលឃោសនាបោះឆ្នោត ថានឹងកំណត់រយៈពេលដឹកនាំរបស់នាយករដ្ឋមន្ត្រី មកនៅត្រឹមតែពីរអាណត្តិ។ គោលបំណងធំនៃការកំណត់អាណត្តិនាយករដ្ឋមន្ត្រី ដោយលោក មហាធៀ មហាម៉ាត់ នេះ គឺធ្វើឡើងដើម្បីទប់ស្កាត់ការរំលោភអំណាច និងប្រព្រឹត្តអំពើពុករលួយ។
សេចក្តីស្នើវិសោធនកម្មច្បាប់រដ្ឋធម្មនុញ្ញនេះត្រូវការសម្លេងគាំទ្រ២ភាគ៣ នៃសម្លេងសមាជិកសភាជាប់ឆ្នោតសរុបចំនួន២២២។ តាម Channel News Asiaបានឲ្យដឹងថា៖ សេចក្តីព្រាងច្បាប់ដែល មានចំនួន២០១ទំព័រ នឹងត្រូវលើកយកទៅជជែកពិភាក្សានៅខែមីនាឆ្នាំក្រោយ។តាមរដ្ឋធម្មនុញ្ញម៉ាលេស៊ីសព្វថ្ងៃ អាណត្តិរបស់នាយករដ្ឋមន្ត្រីមានរយៈពេល៥ឆ្នាំនិងបន្តទៀតគ្មានកំណត់។
គណបក្សសម្ពន្ធ័ភាពរបស់លោក មហាធៀ មហាម៉ាត់និងលោកអានវ៉ាអ៊ីប្រាហ៊ីម បានឈ្នះគណបក្សលោកនាយករដ្ឋមន្ត្រីណាជីបរ៉ាហ្សាក់ដែលកាន់តំណែងជិតបីអាណត្តិក្នុងការបោះឆ្នោតកាលពីខែឧសភាឆ្នាំ២០១៨។ ក្រោយការឈ្នះឆ្នោត រដ្ឋាភិបាលរបស់លោក បានធ្វើការប្តឹងអតីតនាយករដ្ឋមន្ត្រី គឺ លោក ណាជីប រ៉ាហ្សាក់ និងភរិយាពិបទពុករលួយរឿងប្រាក់ពីគម្រោង 1 Malaysia Development Berhad (1MDB) ដើម្បីទិញសម្ភារប្រើប្រាស់ផ្ទាល់ខ្លួនតម្លៃរាប់រយលានដុល្លារអាមេរិក។
សម្ភារទាំងនោះរួមមាន គ្រឿងអលង្ការ លុយសុទ្ធ កាបូប និងរថយន្តដែលមានតម្លៃថ្លៃៗ។