វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 97 នាក់
ម្សិលមិញ 5304 នាក់
សរុប 14139623 នាក់
ប្រទេសឥណ្ឌា៖ប៉ូលិសបារ៉ាឥណ្ឌាចំនួនយ៉ាងតិច ៤០នាក់បានស្លាប់បាត់បង់ជីវិត នៅក្នុងហេតុការណ៍វាយប្រហារដោយបំផ្ទុះគ្រាប់បែកនៅតំបន់កាស្មៀ( Kashmir )ដែលគ្រប់គ្រងដោយឥណ្ឌា។
ឡានមួយគ្រឿងផ្ទកទៅដោយគ្រឿងផ្ទុះបានបើកបុកឡានក្រុងមួយគ្រឿងដែលមានដឹកទាហ៊ានឥណ្ឌាទៅទីក្រុង នៃតំបន់ Kashmir។ប៉ូលិសឥណ្ឌាថ្លែងប្រាប់ BBC។ ក្រុមសកម្មប្រយុទ្ធឈ្មោះចាអ៊ីសមូហាម៉ាដ( Jaish-e-Mohammad )ដែលមានមូលដ្ឋាននៅប្រទេសប៉ាគីស្ថាន បានចេញមុខអះអាងថាវាគឺជាទំនួលខុសត្រូវរបស់ពួកគេ។វាគឺជាការវាយប្រហារដ៏គ្រោះថ្នាក់ខ្លាំងបំផុតទៅលើកងកម្លាំងឥណ្ឌានៅតំបន់ខាងលើ ចាប់តាំងពីមានកុប្បកម្មប្រឆាំងនឹងការដឹកនាំរបស់ឥណ្ឌា ក្នុងឆ្នាំ ១៩៨៩។
ប្រទេសឥណ្ឌាបានស្នើឲ្យមានការដាក់ទណ្ឌកម្មជាអន្តរជាតិប្រឆាំងនឹងមេដឹកនាំក្រុមសកម្មប្រយុទ្ធខាងលើ ឈ្មោះMasood Azharនិងប្រកាសសងសឹកវិញចំពោះទង្វើមួយនេះ។ក្រុមមន្ត្រីបាននិយាយថា គណៈកម្មាធិការគណៈរដ្ឋមន្ត្រីឥណ្ឌា ស្តីពីសន្តិសុខ (CCS) ដែលជាអង្គភាពទទួលបន្ទុក លើបញ្ហាទាក់ទងនឹងសន្តិសុខរបស់ប្រទេស ដែលរួមមាននាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងមន្ត្រីផ្សេងទៀត នឹងជួបប្រជុំគ្នានៅថ្ងៃសុក្រ ដើម្បីពិនិត្យមើលស្ថានភាព។នេះបើតាមសារពត៍មានចិនស៊ិនហួ។
គួរឲ្យដឹងដែរថា ការវាយប្រហារអត្តឃាតនេះ ត្រូវបានកើតឡើងនៅលើផ្លូវជាតិ ជិតភូមិ Lethpora ក្នុងស្រុក Pulwama ចម្ងាយប្រហែ២៧ គីឡូម៉ែត្រខាងត្បូងទីក្រុង Srinagar រដ្ឋធានីរដូវក្តៅនៃកាស្មៀរ ដែលត្រួតត្រាដោយឥណ្ឌា ខណៈដែលមនុស្សបាត់បង់ជីវិត បានកើនឡើងដល់៤០នាក់៕
ចំណែកប្រទេសប៉ាគីស្ថានវិញបាននិយាយថាការវាយប្រហារនោះគឺជាក្តីកង្វល់យ៉ាងខ្លាំង ប៉ុន្តែបានបដិសេធថា ខ្លួនពុំបានជាប់ពាក់ព័ន្ធក្នុងការវាយប្រហារនោះទេ។
សូមបញ្ជាក់ថា ទាំងប្រទេសឥណ្ឌា និងប៉ាគីស្ថានសុទ្ធតែដណ្តើមគ្នាគ្រប់គ្រងតំបន់ Kashmir ទាំងមូល ប៉ុន្តែពួកគេបានគ្រប់គ្រងតែមួយផ្នែកម្នាក់ប៉ុណ្ណោះ។ តំបន់នោះមានអ្នកកាន់សាសនាអ៊ីស្លាមភាគច្រើន៕