ទាហានឈុតខ្មៅថៃដើរល្បាតតាមព្រំដែនក្នុងដីខ្មែរយ៉ាងគឃ្លើន តែទាហានខ្មែរបែរជាហាមពលរដ្ឋខ្មែរកុំបង្ហោះព័ត៌មានឬ Videos ស្តីពីសកម្មភាពរបស់ទាហានថៃទៅវិញ !?

សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ជាច្រើនទៀត

ចំនួនអ្នកទស្សនា

ថ្ងៃនេះ 1412 នាក់

ម្សិលមិញ 4027 នាក់

សរុប 14154082 នាក់

របបសឹកភូមាប្រកាសត្រៀមបង្កាភាពចល្លាចលយោធាដោយសារពួកយោធាប្រឆាំងវាយប្រហារ

03-April-2024 / ព័ត៌មានអន្តរជាតិ

ប្រទេសមីយ៉ានម៉ា៖នៅថ្ងៃព្រហស្បតិ៍មន្ត្រី នៃរបបសឹកមីយ៉ាន់ម៉ាបានរាយការណ៍អំពី «ការវាយលុកយ៉ាងធ្ងន់ធ្ងរ» ពីសំណាក់ចលនាក្រុមប្រដាប់អាវុធ និងបានប្រាប់បុគ្គលិករដ្ឋាភិបាលឲ្យត្រៀមលក្ខណៈសម្រាប់ភាពអាសន្ន។ ទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី១៦ ខែវិច្ឆិកា ឆ្នាំ២០២៣បានឲ្យដឹងងថា៖អ្នកនាំពាក្យយោធានៃរបបសឹក លោក Zaw Min Tun បាននិយាយថា យោធាកំពុងប្រឈមនឹងការវាយលុកយ៉ាងខ្លាំង ពីក្រុមប្រដាប់អាវុធជាច្រើននាក់ក្នុងរដ្ឋ Shan នៅភាគឦសាន រដ្ឋ Kayah នៅភាគខាងកើត និងរដ្ឋ Rakhine នៅភាគខាងលិច។ a army burma

អ្នកនាំពាក្យរូបនេះ បានបញ្ជាក់កាលពីល្ងាចថ្ងៃពុធសប្តាហ៍ថា «យើងកំពុងចាត់វិធានការជាបន្ទាន់ ដើម្បីការពារប្រឆាំងនឹង ការវាយប្រហារយ៉ាងខ្លាំងក្លា ដោយគ្រាប់បែកទម្លាក់ចេញពីយន្តហោះដ្រូន»។
លោក Tin Maung Swe លេខាធិការនៃក្រុមប្រឹក្សារដ្ឋធានីណៃពិដោ បាននិយាយថា បុគ្គលិករដ្ឋាភិបាលត្រូវបានបញ្ជា ឲ្យបង្កើតអង្គភាពដើម្បីឆ្លើយតបទៅនឹងស្ថានភាព «គ្រាអាសន្ន» នៅក្នុងរដ្ឋធានីណៃពិដោ។ ប៉ុន្តែលោក Tin Maung Swe បានបដិសេធថា បទបញ្ជានេះមិនសម្រាប់ឆ្លើយតបនឹងស្ថានភាពសន្តិសុខនោះទេ តែជាផែនការត្រៀមលក្ខណៈដើម្បីជួយ ក្នុងករណីមានអាសន្ន ជាពិសេសគ្រោះមហន្តរាយធម្មជាតិ»។

សូមបញ្ជាក់ថាក្រុមប្រដាប់អាវុធជនជាតិភាគតិច នៅថ្ងៃចន្ទទី១៣វិច្ឆិកាបានវាយប្រហារទៅលើប៉ុស្ដិ៍សន្ដិសុខមីយ៉ាន់ម៉ាជាច្រើនកន្លែង ដែលបានជំរុញឱ្យប្រជាជនរាប់ពាន់នាក់ភៀសខ្លួនទៅកាន់ប្រទេសជិតខាងដើម្បីស្វែងរកសុវត្ថិភាព ខណៈដែលជម្លោះបានផ្ទុះឡើងនៅសមរភូមិថ្មីចំនួន ២កន្លែងផ្សេងទៀត។អ្នកនាំពាក្យនៃក្រុមប្រដាប់អាវុធជនជាតិភាគតិច Arakan Army (AA) និយាយថា Arakan Army កំពុងប្រយុទ្ធដណ្ដើមស្វ័យភាពនៅរដ្ឋ Rakhine ប៉ែកខាងលិចមីយ៉ាន់ម៉ា និងគ្រប់គ្រងតំបន់ Rathedaung និង Minbya ចម្ងាយ ២០០គីឡូម៉ែត្រពីរដ្ឋ Rakhine។

ប្រជាជនដែលរស់នៅក្នុងរដ្ឋ Rathedaung បាននិយាយថា ពួកគេលឺស្នូកាំភ្លើង ជាមួយនឹងគ្រាប់ផ្លោង ហើយបានឃើញទិដ្ឋភាពដែលកងកម្លាំងយោធាព្យាយាមរារាំងនៅច្រកចូល និងអគាររដ្ឋបាល។ មកទល់ពេលនេះ ប្រជាជនមីយ៉ាន់ម៉ាប្រមាណ ៥,០០០នាក់បានរត់ភៀសខ្លួនទៅកាន់រដ្ឋ Mizoram នៃប្រទេសឥណ្ឌា ដើម្បីស្វែងរកសុវត្ថិភាព។ នេះបើយោងតាមការបញ្ជាក់ដោយមន្ដ្រីប្រចាំការនៅព្រំដែនមីយ៉ាន់ម៉ា និងឥណ្ឌា លោក James Lalrinchhana។គួររំលឹកថា ជម្លោះនេះគឺជាបញ្ហាប្រឈមដ៏ធំបំផុតរបស់រដ្ឋាភិបាលរបបសឹកមីយ៉ាន់ម៉ា ចាប់តាំងពីកាន់អំណាចនៅឆ្នាំ ២០២១។ កាលពីសប្ដាហ៍មុន ប្រធានាធិបតីរបបសឹកមីយ៉ាន់ម៉ាក៏បានក្រើនរំលឹកថា មីយ៉ាន់ម៉ាអាចនឹងបែកខ្ញែកជាក្រុមតូចៗ ប្រសិនបើពុំមានដំណោះស្រាយដ៏មានប្រសិទ្ធិភាពសម្រាប់ជម្លោះនេះ៕ a army burma1