វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2757 នាក់
ម្សិលមិញ 6501 នាក់
សរុប 13951312 នាក់
វៀតណាម៖ ទីភ្នាក់ងាររដ្ឋក្នុងស្រុក រួមទាំងទីភ្នាក់ងារសហប្រតិបត្តិការអន្តរជាតិជប៉ុន (JICA) បានឲ្យដឹងថា ផ្ទៃដីនៅក្នុងទីក្រុងហូជីមិញ ប្រទេសវៀតណាមបាន ស្រុតចុះជាមធ្យមពី ២ ទៅ ៥ ឬ ពី៧ ទៅ ៨ សង់ទីម៉ែត្រក្នុងមួយឆ្នាំៗ ដែលបណ្តាលឱ្យការជន់លិចទីក្រុងមានកាន់តែញឹកញាប់ជាងពេលមុន។ ទីក្រុងមួយនេះ ទទួលការលិចលង់ជាបន្តបន្ទាប់ចាប់តាំងពីឆ្នាំ ១៩៩០ រហូតដល់ពេលបច្ចុប្បន្ន ផ្ទៃដីផ្នែកខ្លះក្នុងទីក្រុងនេះ បានស្រុតចុះប្រមាណជា ១០០សង់ទីម៉ែត្រហើយ។
នាយកដ្ឋានផែនការ និងស្រាវជ្រាវធនធានទឹកភាគខាងត្បូងប្រទេសវៀតណាមក៏ បានបង្ហើបឲ្យដឹងផងដែរថា ផ្ទៃដីក្នុងទីក្រុងហូជីមិញ បានស្រុតចុះប្រមាណជា ២៣សង់ទីម៉ែត្រ រាប់ចាប់តាំងពីឆ្នាំ ២០០៥ ដល់ឆ្នាំ ២០១៧ ខណៈនៅសង្កាត់ An Lac ក្នុងខណ្ឌ Binh Tan ផ្ទៃដីស្រុតចុះរហូតដល់ ៨១សង់ទីម៉ែត្រ។ ខណៈនៅតំបន់ខ្លះទៀត កម្រិតស្រុតមាន ៤៣សង់ទីម៉ែត្រ រយៈពេល ១៥ឆ្នាំជាមធ្យម (២០០៦-២០២០) ឬប្រមាណជា ៣សង់ទីម៉ែត្រក្នុងមួយឆ្នាំៗ នេះបើតាមការត្រួតពិនិត្យដោយសាកលវិទ្យាល័យបចេ្ចកវិទ្យាក្រុងហូជីមិញ។
ដោយផ្អែកលើបទពិសោធន៍ទីក្រុងហ្សាការតា និងទីក្រុងតូក្យូ ទីភ្នាក់ងារ JICA ស្នើឱ្យក្រុងហូជីមិញ ទប់ស្កាត់កម្រិតដីដែលស្រុតចុះ។ ខណៈនាយកដ្ឋានធនធានធម្មជាតិ បរិស្ថាន សំណង់ ផែនការ និងវិនិយោគ ត្រូវបានចាត់តាំងឱ្យជួយភ្នាក់ងារ JICA ដើម្បីបង្កើតផែនការឆ្លើយតបទៅនឹងកម្រិតស្រុតចុះផ្ទៃដីនេះ នៅក្នុងត្រីមាសទី៤។
កាលពីឆ្នាំ ២០១៩ អង្គការ Climate Central និងជាអង្គការព័ត៌មានមិនរកប្រាក់ចំណេញដែលមានមូលដ្ឋាននៅសហរដ្ឋអាម៉េរិក បានធ្វើការវិភាគ និងរាយការណ៍ទៅលើអាកាសធាតុវិទ្យាសាស្ត្រ ដោយបានបង្ហើបថា ភាគច្រើននៃទឹកដីវៀតណាមភាគខាងត្បូង រួមតាំងដីសណ្តទន្លេមេគង្គ និងទីក្រុងហូជីមិញ មជ្ឈមណ្ឌលសេដ្ឋកិច្ចប្រទេសវៀតណាម អាចនឹងត្រូវជន់លិចនៅឆ្នាំ ២០៥០។ ដោយបានបន្ថែមថា នៅឆ្នាំ ២១០០ កម្ពស់ទឹកសមុទ្រនឹងកើនឡើងដល់ ១ម៉ែត្រ ហើយអាចជន់លិចក្រុងហូជីមិញប្រមាណជា ១៨% និងដីសណ្តទន្លេមេគង្គប្រមាណជា ៣៩%ឯណោះ៕ប្រភព៖ VN Express