វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7207 នាក់
ម្សិលមិញ 8227 នាក់
សរុប 14134088 នាក់
វៀតណាម៖សហភាពអឺរ៉ុបនៅថ្ងៃអាទិត្យទី៣០មិថុនានេះបាន ហត្ថលេខា លើកិច្ចព្រមព្រៀងពាណិជ្ចកម្មសេរីផ្តល់នូវការរួចពន្ធគយលើមុខទំនិញ ស្ទើរតែទាំងអស់ ជាមួយនឹងប្រទេសវៀតណាម ។
កិច្ចព្រមព្រៀងបានចុះហត្ថលេខាជាផ្លូវការ នៅថ្ងៃអាទិត្យ ទី៣០ មិថុនា នេះធ្វើ នៅក្នុងទីក្រុងហាណូយក្រោមអធិបតីភាពនាយករដ្ឋមន្ត្រីវៀតណាមនិងមន្ត្រីជាន់ខ្ពស់សហគមន៍អឺរ៉ុប។គេរំពឹងថាក្រោយពីកិច្ចព្រមព្រៀងនេះ សភាអឺរ៉ុបនឹងផ្តល់សច្ចាប័ន លើកិច្ចព្រមព្រមផ្តោះប្តូរពាណិជ្ជកម្មសេរី រវាងសហភាពអឺរ៉ុប និងប្រទេសវៀតណាម នាចុងឆ្នាំ ២០១៩ នេះផងដែរ។
កិច្ចព្រមព្រៀងខាងលើ បានដំណើរការចរចា តាំងតែពីខែធ្នូ ឆ្នាំ ២០១៥ មកម្ល៉ោះ ប៉ុន្តែសមាជិកសហភាពអឺរ៉ុប ទើបតែសម្រេចយល់ព្រមលើកិច្ចព្រមព្រៀងនេះ នាថ្ងៃពុធទី ២៥ មិថុនា ឆ្នាំ២០១៩កន្លងមកនេះ។
កិច្ចព្រមព្រៀងថ្មីនេះ ធ្វើឡើងក្នុងគោលបំណង៣សំខាន់ៗ ដែលទី១ នោះគឺដើម្បីបង្កើននូវផលប្រយោជន៍សេដ្ឋកិច្ច ទាំងរបស់បណ្តាប្រទេសសហភាពអឺរ៉ុប និងប្រទេសវៀតណាម។ ទី២ ដើម្បីបង្កើននូវការគោរពសិទ្ធិមនុស្ស និងទី៣ ដើម្បីចូលរួមការពារបរិស្ថាន បូករួមទាំងសិទ្ធិរបស់ពលករ។
លោកស្រី Cecilia Malmstrom ដែលកំពុងមានវត្តមាននៅក្នុងទីក្រុងហាណូយ ធ្លាប់បានលើកឡើងថា លោកស្រីពិតជាត្រេកអរខ្លាំងណាស់ ដែលបណ្តាប្រទេសជាសមាជិកសហភាពអឺរ៉ុប យល់ព្រមបើកភ្លើងខៀវ ចំពោះកិច្ចព្រមព្រៀងមួយនេះ។ លោកស្រីថា វៀតណាម គឺជាប្រទេសដែលមានសក្តានុពលសេដ្ឋកិច្ចរស់រវើក ដោយមានចំនួនប្រជាជនច្រើនជាង ៩៥ លាននាក់។ លោកស្រីថា ទាំងសហភាពអឺរ៉ុប និងទាំងប្រទេសរៀតណាម នឹងទទួលបានផលប្រយោជន៍យ៉ាងច្រើន ពីកិច្ចព្រមព្រៀងដោះដូរពាណិជ្ជកម្មសេរីរវាងគ្នា។
រដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាមលោក Tran Tuan Anh បានលើកឡើងថា តាមរយៈកិច្ចព្រមព្រៀងនេះ អ្នកវិនិយោគអឺរ៉ុប នឹងទទួលមានគុណប្រយោជន៍ ក្នុងការបណ្តាក់ទុននៅវៀតណាម។ វៀតណាម ដែលលោកថា ជាប្រទេសកំពុងមានសេដ្ឋកិច្ចរីកចម្រើន។
គួររំឭកជូនថា វៀតណាម គឺជាប្រទេសសមាគមប្រជាជាតិអាស៊ីអាគ្នេយ៍ទី២ បន្ទាប់ពីប្រទេសសិង្ហបុរីដែលជាដៃគូសេដ្ឋកិច្ចធំបំផុតរបស់អឺរ៉ុប ។ ការផ្តោះប្តូរពាណិជ្ជកម្មមុខទំនិញរវាងប្រទេសវៀតណាម និងអឺរ៉ុប មានតម្លៃទឹកប្រាក់ប្រមាណជា ៥៧ លានដុល្លារ និងមានតម្លៃប្រមាណជា ៤ លានដុល្លារ សម្រាប់សេវាកម្ម៕