» កម្ពុជា​បញ្ជូន​តំណាង​ទៅ លើកទឹកចិត្ត​ដល់​វិនិយោគិន​កូរ៉េ ឱ្យ​បន្ត​ស្វែងរក​ឱកាស​វិនិយោគ នៅ​កម្ពុជា​ » រដ្ឋមន្ត្រីការបរទេស​វៀតណាម​ទៅ​ធានា​នៅ​អាមេរិក​ថា​គ្មាន​បញ្ហា​រឿង​ប្រធានាធិបតី​លាលែង​! » ខ្មាន់កាំភ្លើង​ខ្លី​បាន​បាញ់រះ​ចំនួន​០៦​គ្រាប់ ទម្លុះ​ទ្វារផ្ទះ​អ្នកលក់​ទូរស័ព្ទ និង​គ្រឿងអគ្គិសនី​មួយកន្លែង​ម្ចាសផ្ទះ​ថា​អត់​ដឹង​ហង​! » មន្ត្រី​សុរិយោដី​ស្រុក​សំរោង​ទង ស្រវឹងស្រា​បើកឡាន​បុក​ផ្ទាំង​ផ្សាយពាណិជ្ជកម្ម​នៅ​សួនច្បារ​សម្តេចព្រះសង្ឃរាជ ជួន ណាត » ក្រុមហ៊ុនចិន១៧ស្វែងយល់ពីឱកាសវិនិយោគនៅកម្ពុជា » លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2788 នាក់

ម្សិលមិញ 6501 នាក់

សរុប 13951343 នាក់

ទីក្រុង​ម៉ា​រី​ប៉ូល​រង​ការវាយប្រហារ​ខ្លាំង​តាម​ផ្លូវអាកាស​ប្រធានាធិបតី​អ៊ុយ​ក្រែ​ន​ប្តេជ្ញា​នឹង​ប្រយុទ្ធ​ដល់ទី​បញ្ចប់​

​អ៊ុយ​ក្រែ​ន​៖​ប្រ​ធានា​ធិ​បត​អ៊ុយ​ក្រែ​ន​លោក​វ៉ូ​ឡូ​ឌី​ម​ហ្សេ​ឡិន​ស្គី​(VolodymyrZelensky)​បានប្រកាសថា​អ៊ុយ​ក្រែ​ន​នឹង​ប្រយុទ្ធ​ដល់ទី​បញ្ចប់​ក្នុងពេល​យុទ្ធនាការ​យោធា​តាមផ្លូវ​អាកាស​របស់​រុស្ស៊ី​កាន់តែខ្លាំង​ឡើង​។a russy uy2

លោក​វ៉ូ​ឡូ​ឌី​ម​ហ្សេ​ឡិន​ស្គី​(VolodymyrZelensky)​ថ្លែង​ទៅកាន់​សភា​អ៊ីតាលី​នៅ​ថ្ងៃទី​២២​ខែមីនា​ឲ​ក្យ​ដឹងថា​៖”​កិច្ចប្រជុំ​កំពូល​សំខាន់ៗ​ចំនួន​៣​ត្រូវបាន​គ្រោងទុក​នៅ​សប្តាហ៍​នេះ​ជាមួយ​G7,NATO​និង​EU​។​កញ្ចប់​ទណ្ឌកម្ម​ថ្មី​ការគាំទ្រ​ថ្មី​។​យើង​នឹង​បន្ត​ធ្វើការ និង​បន្ត​ការតស៊ូ​រហូតដល់​ទីប​ញ្ច​ប់​។ ក្លាហាន​និង​បើកចំហ​លើ​គ្រប់​វិស័យ​។ ដោយ​ថាមពល​ពេញលេញ​។ ដោយ​អស់ពី​កម្លាំង​របស់​យើង​។ យើង​មិនមាន​អារម្មណ៍​នឿយហត់​ទេ យើង​នឹង​សម្រាក​បន្ទាប់ពី​យើង​ឈ្នះ ហើយ​សេណា​រី​យ៉ូ​នោះ​នឹង​កើតឡើង​ជាក់​ជាមិនខាន​» ។​លោក​ប្រធានាធិបតី Zelensky បាន​និយាយថា​អ៊ុយ​ក្រែ​ន​កំពុង​បន្ត​ចរចា​ជាមួយ​រុស្ស៊ី ។​

ប៉ុន្តែ​ការចរចា​ទាំងនេះ​នៅតែ​ប្រឈមមុខ​នឹង​ការលំបាក​ជាច្រើន​។​លោក Zelensky បាន​និយាយថា “​យើង​បន្ត​ធ្វើការ​នៅ​កម្រិត​ផ្សេងៗ​គ្នា​ដើម្បី​ប្រាកដថា​រុស្ស៊ី​ជឿថា​សង្គ្រាម​ដ៏​សាហាវ​នេះ​ត្រូវតែ​បញ្ឈប់​។ យើង​បន្ត​មានការ​ចរចា​ដ៏​លំបាក​។ វា​គឺជា​បញ្ហា​ប្រឈម​មួយ​” Zelensky បាន​និយាយ​បន្ថែម​។​ប្រធានាធិបតី Zelensky ក៏បាន​អំពាវនាវ​ឱ្យ​ប្រទេស​អឺរ៉ុប “​ពង្រឹង​ការដាក់ទណ្ឌកម្ម​ប្រឆាំងនឹង​រុស្ស៊ី​” ។ លោក​បាន​អំពាវនាវ​ឱ្យមាន​ការដាក់ទណ្ឌកម្ម​ប្រឆាំងនឹង​”​ជនជាតិ​រុស្ស៊ី​ទាំងអស់​” ដែល​ចូលរួម​ក្នុង​យុទ្ធនាការ​យោធា​នៅ​អ៊ុយ​ក្រែ​ន​ដែល​កំណត់​គោលដៅ​លើ​ទ្រព្យសម្បត្តិ អចលនទ្រព្យ និង​គណនី​ធនាគារ​របស់​ពួកគេ​។​Zelensky បាន​និយាយថា “​ខ្ញុំ​ប្រាកដថា​នឹងមាន​ការដាក់ទណ្ឌកម្ម​ថ្មី ហើយ​ខ្ញុំ​ពេញចិត្ត​ចំពោះ​ការគាំទ្រ​របស់​អ៊ីតាលី​” ។​

សេចក្តីថ្លែងការណ៍​រប​ស់​ប្រធានាធិបតី Zelensky បានធ្វើ​ឡើង​ក្នុង​បរិបទ​នៃ​ទីក្រុង​Mariupol ត្រូវបាន​ទទួលរង​ការវាយប្រហារ​តាម​ផ្លូវអាកាស​យ៉ាងខ្លាំង បន្ទាប់ពី​រដ្ឋាភិបាល​អ៊ុយ​ក្រែ​ន​បាន​បដិសេធ​សំណើ​របស់​រុស្ស៊ី​ក្នុងការ​ចុះចាញ់​នៅក្នុង​តំបន់​នេះ​។​ក្រុមប្រឹក្សា​ក្រុង​Mariupol​នៅ​ថ្ងៃទី​២២​ខែមីនា​បាន​ចោទប្រកាន់​ការ​វាយឆ្មក់​តាម​អាកាស​របស់​រុស្ស៊ី​យ៉ាងខ្លាំង​ក្លា​ថា​បានប្រែក្លាយ​Mariupol​ទៅជា​”​ផេះ​” ។ មន្ត្រី​អ៊ុយ​ក្រែ​ន​និយាយថា​ការទម្លាក់​គ្រាប់បែក​និង​ការប្រយុទ្ធ​គ្នា​តាម​ដងផ្លូវ​បាន​កក្រើក​ក្រុង Mariupol​។​មនុស្ស​រាប់សែន​នាក់​នៅ Mariupol ត្រូវបាន​គេ​ជឿថា​ជាប់​នៅក្នុង​អគារ ដោយ​មិនមាន​អាហារ ទឹក អគ្គិសនី ឬ​កំដៅ​។​

Zelensky​បាន​និយាយ​នៅក្នុង​សុន្ទរកថា​ទៅកាន់​សភា​អ៊ីតាលី​ថា “​មិនមាន​អ្វី​នៅសល់​នៅ​ទីនោះ​” ។​អភិបាលរងក្រុង Mariupol លោក Sergei Orlov បាន​និយាយថា​ទីក្រុង​នេះ​ស្ថិតក្នុង​ការបិទផ្លូវ​ទាំងស្រុង ហើយ​មិន​បានទទួល​ជំនួយ​មនុស្សធម៌​ទេ​។ អ៊ុយ​ក្រែ​ន​បាន​រិះគន់​រុស្ស៊ី​ចំពោះ​ការរារាំង​ក្បួន​រថយន្ត​ស្បៀងអាហារ​និង​គ្រឿង​ផ្គត់ផ្គង់​ចាំបាច់​ដល់ទី​ក្រុង Mariupol ព្រមទាំង​រថយន្ត​ដឹក​មនុស្ស​ដើម្បី​ជម្លៀស​ចេញពី​ទីក្រុង​។​លោក​Orlov​បាន​និយាយថា​”​ទីក្រុង​នេះ​ស្ថិតនៅក្រោម​ការទម្លាក់​គ្រាប់បែក​ឥតឈប់ឈរ​ពី​៥០​ទៅ​១០០​គ្រាប់​ដែល​ត្រូវបាន​ទម្លាក់​ដោយ​យន្តហោះ​ជា​រៀងរាល់ថ្ងៃ​។ មនុស្ស​ជាច្រើន​ត្រូវបាន​សម្លាប់​” ។​

រុស្ស៊ី​មិនបាន​ធ្វើ​អត្ថាធិប្បាយ​លើ​ព័ត៌មាន​ដែល​ផ្តល់​ដោយ​ភាគី​អ៊ុយ​ក្រែ​ន​ទេ​។ ទីក្រុង​ម៉ូស្គូ​បាន​បដិសេធ​ម្តង​ហើយ​ម្តង​ទៀតថា​ខ្លួន​បាន​វាយប្រហារ​លើ​ជន​ស៊ីវិល ដោយ​ទទូចថា ប្រតិបត្តិការ​ក្នុងប្រទេស​អ៊ុយ​ក្រែ​ន​ផ្តោត​តែ​លើ​មូលដ្ឋាន​យោធា​ប៉ុណ្ណោះ​។​Mariupol​ដែលជា​ទីក្រុង​កំពង់ផែ​យុទ្ធសាស្ត្រ​នៅ​ភាគ​ខាងកើត​បាន​ក្លាយជា​ចំណុច​មួយ​នៅក្នុង​យុទ្ធនាការ​យោធា​របស់​រុស្ស៊ី​នៅ​អ៊ុយ​ក្រែ​ន​នាពេល​ថ្មីៗ​នេះ នៅពេលដែល​ទីក្រុង​ម៉ូស្គូ​បានចេញ​ឱសានវាទ​កាលពី​ថ្ងៃទី ២១​ខែមីនា ដោយ​ទាមទារ​ឱ្យ​កងកម្លាំងប្រដាប់អាវុធ​អ៊ុយ​ក្រែ​ន​នៅ​ទីក្រុង Mariupol ទម្លាក់អាវុធ និង​ចុះចាញ់​។ ទោះបីជា​យ៉ាងណាក៏ដោយ ប្រធានាធិបតី Zelensky​បាន​បញ្ជាក់ថា អ៊ុយ​ក្រែ​ន​នឹងមិន​ចុះចាញ់​នឹង​ឱសានវាទ​ឡើយ​។ ឧបនាយករដ្ឋមន្ដ្រី​អ៊ុយ​ក្រែ​ន Iryna Vereshchuk ក៏បាន​បញ្ជាក់​ផងដែរ​ថា​មិន​ចុះចាញ់​នឹង​ការទាមទារ​របស់​រុស្ស៊ី​ទេ​៕​យោងតាម​Guardiana uy maripol