វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1725 នាក់
ម្សិលមិញ 10264 នាក់
សរុប 14140907 នាក់
អាមេរិក៖ អាជ្ញាធររុស្ស៊ីនៅថ្ងៃទី២៤ខែតុលា បានថ្កោលទោសចំពោះអាមេរិកដែលបានសម្រេចដាក់ពលរដ្ឋរុស្ស៊ីសុំទិដ្ឋាការចូលក្នុងទឹកដីអាមេរិក ស្ថិតនៅក្នុងបញ្ជីពលរដ្ឋគ្មានផ្ទះសម្បែង ដើម្បីឲ្យពួកគេអាចដាក់លិខិតសុំវីសាទៅកាន់ប្រទេសទីបី។
ការសម្រេចខាងលើកើតឡើង ក្រោយពេលដែលពលរដ្ឋរុស្ស៊ីដាក់លិខិតសុំវីសានៅក្នុងទីក្រុងវ៉ាសូវី( Warsaw )ប្រទេសប៉ូឡូញបន្ទាប់ពីស្ថានទូតអាមេរិកប្រចាំនៅក្នុងប្រទេសរុស្ស៊ីត្រូវបានផ្អាករាល់សកម្មភាពផ្តល់វីសាតាំងពីខែឧសភា ឆ្នាំ២០២១មកដោយសារទីក្រុងមូស្គូ ហាមស្ថានទូតអាមេរិកមិនឲ្យជ្រើសរើសបុគ្គលិកជាជនជាតិរុស្ស៊ី។
អាមេរិកបានសម្រេចដាក់ពលរដ្ឋរុស្ស៊ីសុំដិដ្ឋាការក្នុងបញ្ជីជនគ្មានផ្ទះសម្បែង ប្រសិនបើពួកគាត់មកពីតំបន់ដែលមិនមានតំណាងស្ថានទូតអាមេរិក ឬស្ថានទូតមិនអាចផ្តល់វីសាឱ្យបានដោយសារតែបញ្ហាសន្តិសុខ ។ សកម្មភាពទាំងនោះបង្កឲ្យរុស្ស៊ីខឹងសម្បាយ៉ាងខ្លាំង ។ រុស្ស៊ីបានក្លាយជាប្រទេសទី ១០ ហើយដែលត្រូវអាមេរិកដាក់ក្នុងបញ្ជីពលរដ្ឋគ្មានផ្ទះសម្បែង បន្ទាប់ពីគុយបា អ៊ីរ៉ង់ លីប៊ី សូម៉ាលី ស៊ូដង់ខាងត្បូង ស៊ីរី វេណេហ្ស៊ុយអេឡា យេម៉ែន និង អេរីទ្រា(Eritrea) ។ទំនាក់ទំនងការបរទេសប្រទេសទាំងពីរបានធ្លាក់ចុះយ៉ាងខ្លាំង ក្រោយសង្គ្រាមត្រជាក់ ដោយអាមេរិកនិងរុស្ស៊ីមានវិវាទជាបន្តបន្ទាប់ស្តីពីចំនួនមន្ត្រីការបរទេសនៅក្នុងប្រទេសទាំងពីរ ។ រុស្ស៊ីក៏បានដាក់អាមេរិកនៅក្នុងបញ្ជីប្រទេសមិនជិតស្និទ្ធ ហើយអាមេរិកត្រូវសុំច្បាប់ប្រសិនបើចង់ជ្រើសរើសបុគ្គលិកជាជនជាតិរុស្ស៊ី៕