វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1840 នាក់
ម្សិលមិញ 2791 នាក់
សរុប 13404365 នាក់
ខេត្តព្រហសីហនុ៖អ្នកគ្រូពេទ្យព្យាបាលជម្ងឺកូវីត១៩នៅខេត្តព្រះសីហនុម្នាក់ទោះជាបានចាក់វ៉ាកសាំងការពារហើយក៏ដោយបានស្លាប់នៅម៉ោង១០យប់ ថ្ងៃ២៩ ខែសីហា ឆ្នាំ២០២១ ។អ្នកគ្រូពេទ្យវ័យក្មេងមានឈ្មោះ អ៉ឹម ស្រីនិ ដែលជាគ្រូពេទ្យបម្រើការងារ នៅមន្ទីរពេទ្យបង្អែកខេត្តព្រះសីហនុ។
អ្នកគ្រូពេទ្យ បានឆ្លងជំងឺកូវីដ១៩ និងព្យាបាលនៅខេត្តព្រះសីហនុ ដោយសារស្ថានភាពជំងឺធ្វើទុកខ្លាំង ក៏ត្រូវបញ្ជូនមកព្យាបាល នៅមណ្ឌលព្យាបាលជំងឺកូវីដ១៩ ព្រីមៀម សែនសុខ បានតែរយៈពេល២ថ្ងៃ ក៏ទទួលមរណភាព ដោយសារស្ថានភាពជំងឺធ្ងន់ធ្ងរ មិនអាចជួយសង្គ្រោះបាន។ នេះបើតាមការបញ្ជាក់របស់លោកស្រី យក់ សម្បត្តិ រដ្ឋលេខាធិការក្រសួងសុខាភិបាល។
អង្គភាព(Cambodia Escort Ambulance) បានបង្ហោះសារបង្ហាញនូវក្តីសោកស្តាយរកទីបំផុតគ្មាន ខណ:បាត់បង់នូវ វីរះជនអាវស ម្នាក់ គួររអោយគោរព ស្រឡាញ់។អង្គភាព(Cambodia Escort Ambulance) បានសរសេរថា, យើងខ្ញុំ ជាគណះគ្រប់គ្រងក្រុមអ្នកសម្រួលផ្លូវរថយន្ដសង្គ្រោះបន្ទាន់នៅកម្ពុជា ( C.E.A.S ) សូមចូលរួមរំលែកទុក្ខដ៏ក្រៀមក្រំជាទីបំផុតចំពោះការបាត់បង់នូវ វីរះជនអាវស របស់មហាគ្រួសារខ្មែរទាំងមូល ។ អ្នកគ្រូ អ៉ឹម ស្រីនិ បានលះបង់គ្រប់បែបយ៉ាង នឹង ចូលរួមយ៉ាងសកម្មនៅក្នុងបុព្វហេតុ ប្រយុទ្ធប្រឆាំងនឹងជំងឺ កូវីដ-១៩ ។ អ្នកគ្រូជាអ្នកគ្រូដែលគោរពស្រលាញ់អ្នកជំងឺ ណាស់ ដោយមិនគិតពីភាពនឿយហត់របស់ខ្លួនឯងឡើយ ។
លោកស្រី ពេជ ច័ន្ទមុនី ប្រធានអនុប្រធានក្រុមប្រឹក្សាភិបាលសមាគម គ្រូពេទ្យស្ម័គ្រចិត្តយុវជនសម្តេចតេជោ បានសម្តែងនូវការស្តោកស្តាយ ចំពោះការបាត់បង់អ្នកគ្រូពេទ្យឈ្មោះ អ៊ឹម ស្រីនិ និងចាត់ទុកមរណភាពនេះ គឺជាការលះបង់ដើម្បីជាតិ ។