វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2097 នាក់
ម្សិលមិញ 5020 នាក់
សរុប 14117544 នាក់
អាមេរិក៖កូនខ្មែរកាត់អាមេរិក ម្នាក់ឈ្មោះឈុន សុធារ៉ា (Sotheara Chhun) ត្រូវបានសម្គាល់ថាជាជនជាតិខ្មែរដំបូងគេបង្អស់ មានសមត្ថភាពបង្ហាញខ្លួននៅសង្វៀនកីឡាកាសលំដាប់កំពូល គឺស្ថាប័ន AEW (All Elite Wrestling)។
នៅ សង្វៀនAEW សុធារ៉ត្រូវានសម្គាល់ពីអត្តសញ្ញាណរបស់ខ្លួនជាខ្មែរដោយប្រើប្រាស់ខោ ព័ណមាស មានរូបប្រាសាទអង្គរវត្ត ឡើងសង្វៀនទទួលបានការចាប់អារម្មណ៍ច្រើនពីសំណាក់ប្រជាជនកម្ពុជា។ គេហទំព័រ Asian Weekly បានឲ្យដឹងថាសុធារ៉ា មានចិត្តស្រលាញ់វិស័យកីឡាកាស តាំងពីគេនៅក្មេងមកម្ល៉េះ ដោយរូបគេតែងតាមដាន និងទស្សនា តាមកញ្ចក់ទូរទស្សន៍ជាមួយលោកតា និងអុំប្រុស។
សុធារ៉ា បង្ហើបថា លោកតារបស់គេមានការព្រួយបារម្ភ មិនចង់ឲ្យរូបគេប្រកបអាជីពមួយនេះឡើយ ជាពិសេសម្ដាយរបស់គេ ក៏មិនគាំទ្រដែរ ដោយលើកហេតុផលថា ខ្លាចមានបញ្ហារបួស។តែក្នុងរយៈពេល៤ឆ្នាំ នៅក្នុងអាជីពជាអ្នកកីឡាកាស សុធារ៉ា មិនដែលជូបបញ្ហារបួសធ្ងន់ធ្ងរម្ដងណាឡើយ។
លោកសុធារ៉ា បានហ្វឹកហាត់ចំបាប់ តាំងពីនៅថ្នាក់វិទ្យាល័យ នាសាលា Global Connections ។ ក្រោយពេលបញ្ចប់ថ្នាក់វិទ្យាល័យ ដោយសារចិត្តស្រលាញ់វិស័យកីឡាកាស សុធារ៉ា បានបោះបង់ការសិក្សាថ្នាក់មហាវិទ្យាល័យ រួចចូលហ្វឹកហាត់កីឡាបែបចំបាប់ នៅ Buddy Wayne Academy ដោយនៅទីនោះ រូបគេបានរៀនពីរបៀប ដួល វាយ និងសម្ដែងលើសង្វៀន។ លុះដល់ឆ្នាំ២០២០នេះ សុធារ៉ា បានសម្រេចបំណងរបស់ខ្លួន ដោយរូបគេ បានមានឱកាសចូលប្រឡូក្នុងស្ថាប័ន AEW ដោយប្រកួតដំបូង គេវាយលក្ខណៈ Tag Team ចាប់ដៃគូជាមួយ VSK។
ស្ថាប័ន AEW និយាយថាជាជំហានដំបូងរបស់ សុធារ៉ា ក្នុងការឈានទៅសម្រេចគោលដៅបន្ទាប់ ។តាមប្រភពដដែល កូនកាត់ខ្មែរ អាមេរិករូបនេះ មានបំណងប្រាថ្នាទៅប្រកបអាជីព នៅស្ថាប័នកីឡាកាសលេខ១ពិភពលោក WWE ។