ទាហានឈុតខ្មៅថៃដើរល្បាតតាមព្រំដែនក្នុងដីខ្មែរយ៉ាងគឃ្លើន តែទាហានខ្មែរបែរជាហាមពលរដ្ឋខ្មែរកុំបង្ហោះព័ត៌មានឬ Videos ស្តីពីសកម្មភាពរបស់ទាហានថៃទៅវិញ !?

សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ជាច្រើនទៀត

ចំនួនអ្នកទស្សនា

ថ្ងៃនេះ 1225 នាក់

ម្សិលមិញ 3717 នាក់

សរុប 14149558 នាក់

លោ យូ តារាវុធ អ្នកកាសែតប្រជាជននិងកងទព័ ជំនាន់ក្រោយថ្ងៃ ៧មករា១៩៧៩ ធ្លាក់ខ្លួនឈឺធ្ងន់ធ្ងរដង្ហោយរកការជួយ សង្គ្រោះជីវិតចុងក្រោយ!!

03-April-2024 / សុខភាពនិងកីឡា

ភ្នំពេញៈ លោក យូ តារាវុធ ជាអ្នកកាសែតជំនាន់ទី១ ក្រោយថ្ងៃរំដោះ៧ មករា ១៩៧៩ បានធ្លាក់ខ្លួនឈឺធ្ងន់ នឹងកំពុងសំរាកនៅលើកន្ទេលអស់រយៈពេល២ឆ្នាំកន្លងហើយ ។ លោកបានលាក់ខ្លួនពួនសម្ងំ រស់នៅក្នុងផ្ទះកូនស្រីយ៉ាងស្ងៀមស្ងាត់ជាមួយនឹងភរិយា ។ a daravut

ឥឡូវនេះជម្ងឺរបស់លោកហាក់មិនអាចថយក្រោយដូចធម្មតាបានទេ មានតែដំណក់ទឹកភ្នែកហូរកាត់ថ្ពាល់ធ្លាក់ទៅគុមត្រចៀក នៅពេលលោកបានឃើញ មិត្តភក្តបងប្អូន ទៅសួរសុខទុក្ខ ដោយមិនអាចនិយាយរួច ( និយាយលែងកើត ) ។ អ្នកកាសែតជើងចាស់ភាគច្រើន ច្បាស់ជាស្គាល់ឈ្មោះ យូ តារាវុធ ជាពុំខាន ។ ព្រោះលោកជាធនធានមនុស្សដែលសេសសល់ពីការកាប់សម្លាប់ នៃរបបប្រល័យពូជសាសន៍ប៉ុល ពត ។

ក្រោយថ្ងៃរំដោះ ៧មករា ១៩៧៩ លោកបានចូលមកទីក្រុងភ្នំពេញ ហើយលោកក៏ចាប់យកអាជីពជាអ្នកសារព័ត៌មានជាមួយអ្នកសារព័ត៌មានជើង ចាស់មួយចំនួនទៀត ហើយនៅក្នុងក្របខណ្ឌកាសែតប្រជាជនរបស់បក្ស ច្បាស់ជាគេស្គាល់លោកយូ តារាវុធ ច្បាស់ណាស់។ សូម្បីតែអង្គភាពសារព័ត៌មាន មាតុភូមិ ក៏លោក យូ តារាវុធ ធ្លាប់សរសេរបទអត្ថាធិប្បាយ ឬ វិចារណកថាអោយកាសែត មាតុភូមិ ជាច្រើនលេខផងដែរ ។ ក្រៅពីឯ.ឧ រដ្ឋមន្ត្រីក្រសួង ព័ត៌មាន ខៀវ កាញារិទ្ធ ដែលជាអតីតអ្នកកាសែតជើងចាស់ ស្គាល់ច្បាស់លោក យូ តារារុធ ក៏ត្រូវបានលោកជំទាវឧបនាយក រដ្ឋមន្ត្រី ម៉ែន សំអន ស្គាល់ច្បាស់ផងដែរ ព្រោះ លោក យូ តារាវុធ តែងតែចុះជាប់ និងផ្សព្វផ្សាយពីសកម្មភាព ការងារបំរើសង្គម និងពលរដ្ឋរបស់លោកជំទាវ ម៉ែន សំអន សឹងគ្រប់ទីកន្លែង ។

-លោក យូ តារាវុធ បានទៅសិក្សា អាជីពសារព័ត៌មានជំនាន់ទី១ នៅប្រទេសវៀតណាម នៅចុងឆ្នាំ១៩៧៩ ។-ឆ្នាំ១៩៨១ លោក យូ តារាវុធ លោកចូលបំរើជាអ្នកកាសែត និងទស្សនាវដ្តី កងទ័ព ចំណុះឲ្យអគ្គស្នងការនយោបាយ ក្រសួងការពារជាតិដែលកាលនោះលោកសមមិត្តសុវណ្ណនិងសមមិត្តប្រាក់សុខុនដែលបច្ចុបប្បន្នជារដ្ឋមន្ត្រីក្រសួងការបរទេសជាមេកើយ ។ -លោក យូ តារាវុធ ជាអ្នកនិពន្ធប្រលោមលោក ( ល្ខោននិយាយ ) ដ៏ល្បីឈ្មោះមួយរូបក្នុងចំណោមអ្នកនិពន្ធមួយចំនួនទៀត ។

អ្នកនិយមស្តាប់ល្ខោននិយាយ នៅក្នុងសម័យក្រោយរំដោះ ប្រហែលជាចាំច្បាស់ ព្រោះស្នាដៃរបស់លោក ត្រូវបានគេចាក់ផ្សាយ នៅវិទ្យុសម្លេងប្រជាជនកម្ពុជា ( បច្ចុប្បន្ន វិទ្យុជាតិកម្ពុជា ) និងវិទ្យុ ក្រុងភ្នំ ពេញ ( AM ) ។-ឆ្នាំ១៩៩២ លោក យូ តារាវុធ បានផ្ទេរពីកាសែតកងទ័ព មកធ្វើជានិពន្ធនាយកពិតមាន កាសែតប្រជាជន ដោយផ្តាច់ចេញពីក្របខណ្ឌកងទ័ព ។តែក្រោយមក ដោយមានការយកចិត្តទុកដាក់ពីថ្នាក់ដឹកនាំ លោក យូ តារាវុធ ក៏បានត្រឡប់ចូលក្របខណ្ឌកងយោធពលខេមរៈភូមិន្ទវិញ នៅឆ្នាំ២០០៤ រហូតមកដល់បច្ចុប្បន្ន ក្នុងឋានន្តរស័ក វរសេនីយ៍ឯក ។ទោះជាយ៉ាងណាលោកយូតារាវុធក្នុងនាមជាអ្នកាសែតមិនមានអ្វីសេសសល់ច្រើនសម្រាប់ទប់ទល់និងជម្ងឺរបស់ខ្លួនឡើយ។សង្ឃឹមថានឹងមានសប្បុរសជនជាពិសេសមេៗរបស់លោកជួយជ្រោមជ្រែងក្រែងបានរស់នៅជាមួយគេឯងបានយូបន្តិច! a daravut1 a daravut2 a daravut3 a daravut4