វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3101 នាក់
ម្សិលមិញ 5378 នាក់
សរុប 14082394 នាក់
អាហ្កានីស្ថាន៖ប្រធានាធិបតីអាមេរិក លោក ចូ បៃដិន នឹងមិនអូសបន្លាយពេលក្នុងការដកកងទ័ពអាមេរិកទាំងអស់ ចេញពីអាហ្វហ្កានីស្ថាន លើសកាលបរិច្ឆេទកំណត់ត្រឹមថ្ងៃទី៣១ ខែសីហាខាងមុខនោះទេ ។ នេះបើតាមការចេញផ្សាយ ដោយទីភ្នាក់ងារព័ត៌មាន AP នៅព្រឹកថ្ងៃពុធ ទី២៥ ខែសីហា ឆ្នាំ២០២១។
ថ្លែងចេញពីសេតវិមាននៅថ្ងៃអង្គារសប្ដាហ៍នេះ (ម៉ោងនៅវ៉ាស៊ីនតោន) លោក ចូ បៃដិន បានគូសបញ្ជាក់យ៉ាងដូច្នេះថា «បច្ចុប្បន្នយើងកំពុងស្ថិតនៅលើល្បឿនមួយ ក្នុងការបញ្ចប់ប្រតិបត្តិការជម្លៀស ឱ្យបានមុនថ្ងៃទី៣១ ខែសីហា ហើយយើងនឹងបញ្ចប់ក្នុងពេលឆាប់ៗនេះ ខណៈពីមួយថ្ងៃទៅមួយថ្ងៃ ប្រតិបត្តិការនេះកំពុងបង្កហានិភ័យដល់កងទ័ពរបស់យើង»។ការថ្លែងរបស់លោក ចូ បៃដិន ធ្វើឡើង បន្ទាប់ពីលោកបានជួបពិភាក្សាការងារតាមវីដេអូ ជាមួយមេដឹកនាំក្រុមប្រទេស G7 ដែលបានដាក់សម្ពាធឱ្យសហរដ្ឋអាមេរិក បន្តរក្សាកងទ័ពនៅឯអាកាសយានដ្ឋានរដ្ឋធានីកាប៊ុល លើសកាលបរិច្ឆេទដែលលោក បៃដិន បានកំណត់។
លោកចូ បៃដិន បានបញ្ជាក់ពីមូលហេតុថា ការមិនបន្ថែមពេលវេលាលើប្រតិបត្តិការជម្លៀសនេះ គឺដោយសារតែមានការព្រួយបារម្ភពីការវាយប្រហារភេរវកម្ម លើអាកាសយានដ្ឋានទីក្រុងកាប៊ុល ពីសំណាក់ក្រុម ISIS នៅក្នុងអាហ្វហ្កានីស្ថាន ឬគេស្គាល់ថា ISIS-K។ការជន្លៀសនេះបើ គិតជាសរុបមនុស្ស ២១,៦០០នាក់ហើយ ត្រូវបានជម្លៀសចេញពីរដ្ឋធានីកាប៊ុលក្នុងរយៈពេល ២៤ម៉ោងកន្លងទៅ តាមរយៈយន្ដហោះអាមេរិក និងសម្ព័ន្ធមិត្ត ហើយបើតាមលោក ចូ បៃដិន កាលពីល្ងាចថ្ងៃអង្គារសប្ដាហ៍នេះ មនុស្សជិត ១២,០០០នាក់ត្រូវបានជម្លៀស ក្នុងនោះមាន ៦,៤០០នាក់ ត្រូវជម្លៀសចេញពីអាហ្វហ្កានីស្ថាន តាមយន្ដហោះយោធាអាមេរិក។
បើយោងតាមការចេញផ្សាយដោយ សារព័ត៌មាន BBC នៅយប់ថ្ងៃអង្គារ ទី២៤ ខែសីហា ឆ្នាំ២០២១បានឲ្យដឹងថាអ្នកនាំពាក្យតាលីបង់លោក Zabihullah Mujahid និយាយថា ពួកគេចង់ឲ្យជនបរទេសទាំងអស់ជម្លៀសចេញពីអាហ្វហ្គានីស្ថាន នៅត្រឹមថ្ងៃទី៣១ ខែសីហា ដោយប្តេជ្ញាបដិសេធរាល់ផែនការណាមួយ សម្រាប់ការពន្យាពេលឲ្យហួសពីកាលកំណត់នេះទេ។ ថ្លែងក្នុងសន្និសីទសារព័ត៌មានខ្លីនៅថ្ងៃនេះ លោក Mujahid បានឆ្លើយតបទៅនឹងសំនួររបស់ BBC ថា តាលីបង់ចង់ឲ្យជនបរទេសទាំងអស់ត្រូវបានជម្លៀសចេញ នៅត្រឹមថ្ងៃទី៣១ ខែសីហានេះ ដោយបន្ថែមថា ខ្លួនមិនពេញចិត្តឱ្យជនជាតិអាហ្វហ្គានីស្ថានចាកចេញពីប្រទេសទេ។
អ្នកនាំពាក្យក្រុមតាលីបង់រូបនេះបានព្រមានថាអាមេរិកមិនគួរលើកទឹកចិត្តពួកឥស្សរជនអាហ្វហ្គានីស្ថានឱ្យចាកចេញពីប្រទេសនោះទេ។
អ្នកនាំពាក្យក្រុមតាលីបង់រូបនេះ បានបន្តថា ''ពួកយើងមិនសប្បាយចិត្តនោះទេ ដែលឃើញពលរដ្ឋអាហ្វហ្គានីស្ថាន ត្រូវបានជម្លៀសចេញជាបន្តបន្ទាប់។ ហើយពួកយើងក៏លែងអនុញ្ញាតឱ្យមានការជម្លៀសជនជាតិអាហ្វហ្គានីស្ថានចេញជាបន្តទៀតដែរ" ។ទន្ទឹមនឹងនោះ លោក Mujahid ក៏បានជំរុញឲ្យស្ថានទូតបរទេសទាំងអស់បន្តការងារពួកគេ ដោយមិនត្រូវបិទទ្វានោះទេ ជាមួយការធានាសុវត្ថិភាពដល់ពួកគេ ខណៈដែលសាលារៀន សាកលវិទ្យាល័យ មន្ទីរពេទ្យ និងស្ថានីយ៍ទូរទស្សន៍ ក៏ដូចជាវិទ្យុកំពុងដំណើរការឡើងវិញធម្មតា៕