វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5494 នាក់
ម្សិលមិញ 5378 នាក់
សរុប 14084787 នាក់
ប្រទេសថៃ៖អតីត យោធាម្នាក់បានចូលទៅបាញ់ប្រហារនៅក្នុងមន្ទីរពេទ្យបណ្តោះអាសន្ន សម្រាប់ព្យាបាលអ្នកជម្ងឺកូវីដ ១៩ ស្ថិតនៅក្នុងខេត្ត Pathum Thani ជាប់ទីក្រុងបាងកក់ បណ្តាលឲ្យមនុស្សពីរនាក់ស្លាប់នៅវេលាថ្ងៃត្រង់ថ្ងៃទី ២៤ខែមិថុនា ។
ខ្មាន់កាំភ្លើងមានឈ្មោះខាវីនសែងនីគុល( Kawin Saengnikul) អាយុ២៣ឆ្នាំ ជាអតីតទាហានបានបាញ់ប្រហារបណ្តាលឲ្យ អ្នកជំងឺកូវីដ ម្នាក់ស្លាប់ និងបុគ្គលិកហាង ម្នាក់នៅក្បែរនោះ ។ ប្រព័ន្ធផ្សព្វផ្សាយថៃបានផ្សាយថា ជនដៃដល់បានស្លៀកពាក់អាវទាហាននិងខោខៅប៊ុយ និងពាក់មួកក្រហម បានបាញ់បំផ្លាញ ទ្វារមន្ទីរពេទ្យ ហើយដើរចូលខាងក្នុង បាញ់សម្លាប់អ្នកជំងឺ ។ មុនពេលចូលបាញ់នៅក្នុងមន្ទីរពេទ្យ ជនដៃដល់បាញ់បាញ់សម្លាប់បុគ្គលិកហាងលក់គ្រឿងអគ្គិសនីយ៍ម្នាក់នៅក្បែរនោះ។
ក្រោយពេលបាញ់ប្រហារ ជនដៃដល់ក៏បានចាកចេញពីកន្លែងកើតហេតុដូចអត់មានរឿងអីទៅកាន់ខេត្តរ៉ាណង( Ranong )ចម្ងាយពីខេត្តប៉ាធុមថានី( Pathum Thani) ២០០គីឡូម៉ែត្រ ។ កម្លាំងប៉ូលិសចេញនិវាទក្រហមតាមចាប់ខ្លួនជនដៃដល់ក៏បានសារភាពជាមួយកម្លាំងប៉ូលិស នៅវេលាថ្ងៃត្រង់ថ្ងៃទី ២៤ខែមិថុនា។តុលាការថៃបានត្រៀមចោទប្រកាន់ ពីបទសម្លាប់មនុស្សនិងយកកាំភ្លើងទៅទីសាធារណៈដោយមិនមានមូលហេតុច្បាស់លាស់ ។ កម្លាំងប៉ូលិសបានឡើងថា ជនដៃដល់អាចមានបញ្ហាសសៃប្រសាធ ហើយត្រូវទាហានថៃរំសាយចេញពីជួរកងទ័ពនៅឆ្នាំ២០១៩៕