វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 438 នាក់
ម្សិលមិញ 6501 នាក់
សរុប 13948993 នាក់
ថៃ ៖ អាជ្ញាធរនិយតករទូរគមនាគមន៍នៃប្រទេសថៃក្រោមអំណាចយោធា កាលពីថ្ងៃអង្គារ ទី១២ ខែកុម្ភៈ ឆ្នាំ២០១៩បានសម្រេចផ្អាកអាជ្ញាប័ណ្ណធ្វើប្រតិបត្តិការរបស់ប៉ុស្តិ៍ទូរទស្សន៍មួយ ដែលមានទំនាក់ទំនងជាមួយអតីតនាយករដ្ឋមន្ត្រី លោក ថាក់ស៊ីន ស៊ីណាវ៉ាត់ ក្រោមហេតុផលបញ្ហាសន្តិសុខជាតិ ខណៈដែលការបោះឆ្នោតសាកលនឹងប្រព្រឹត្តនាខែក្រោយ។
សារព័ត៌មាន Channel News Asiaបានឲ្យដឹងថា៖គណៈកម្មការត្រួតពិនិត្យសេវាទូរគមនាគមន៍ និងប្រព័ន្ធផ្សព្វផ្សាយជាតិថៃ (NBTC) បានអះអាងថា កម្មវិធីធំៗពីរបស់ប៉ុស្តិ៍ទូរទស្សន៍ Voice TV រួមមាន ៖ Tonight Thailand និង Wake Up News បានចែកចាយព័ត៌មានដែលបង្កឲ្យសាធារណជនមានការភ័ន្តច្រឡំ និងខ្វែងគំនិតគ្នា ប៉ុន្តែមិនមានការបញ្ជាក់លម្អិតច្បាស់នោះឡើយ។ សម្អាងលើហេតុនេះ NBTC បានសម្រេចផ្អាកអាជ្ញាប័ណ្ណធ្វើប្រតិបត្តិការរបស់ Voice TV រយៈពេល១៥ថ្ងៃ ដើម្បីឲ្យប៉ុស្តិ៍ទូរទស្សន៍នេះកែខ្លួនឲ្យត្រឹមត្រូវ។
សូមបញ្ជាក់ថា៖ប៉ុស្តិ៍ទូរទស្សន៍ Voice TV គឺជាកម្មសិទ្ធិរបស់កូនៗពីរនាក់របស់លោក ថាក់ស៊ីន ដែលត្រូវបានយោធាធ្វើរដ្ឋប្រហារទម្លាក់ចេញពីតំណែងនៅឆ្នាំ២០០៦ ហើយកំពុងរស់នៅឯក្រៅប្រទេសដោយការនិរទេសខ្លួន ចាប់តាំងពីឆ្នាំ២០០៨មក ដើម្បីរត់គេចការចោទប្រកាន់ពីបទពុករលួយ ។
ប៉ុស្តិ៍ទូរទស្សន៍ខាងលើកន្លងមកក៏ធ្លាប់ត្រូវបានបិទ០២ដងមកហើយផងដែរ ដោយលើកទីមួយនៅពីរថ្ងៃមុនរដ្ឋប្រហារយោធាឆ្នាំ២០១៤ ដែលបានធ្វើឲ្យប្អូនស្រីបង្កើតរបស់លោក ថាក់ស៊ីន គឺលោកស្រី យីងឡាក់ ដែលបច្ចុប្បន្នកំពុងស្ថិតនៅឯក្រៅប្រទេសថៃដូចគ្នា ជ្រុះចេញពីកៅអីនាយករដ្ឋមន្ត្រី ហើយមួយលើកទៀតនៅឆ្នាំ២០១៧។សូមបញ្ជាក់ថាកាលពីខែតុលាឆ្នាំ២០១៨កុនប្រុសលោកថាក់ស៊ីនក៏ធ្លាប់រងការចោទប្រកាន់ថាលាងលុយផងដែរតែបានបញ្ចប់ទៅវិញ។