តុលាការម៉ាឡេស៊ីរៀបចំធ្វើបត្យាបន័អតីតធនាគារិកGoldmanSachsម្នាក់ទៅកាន់អាមេរិកព្រោះរឿងពុករលួយ
21-September-2026 / ព័ត៌មានអន្តរជាតិ
ម៉ាឡេស៊ី៖ម៉ាឡេស៊ីកាលពីថ្ងៃពុធទី១៩ធ្នូបានចាប់ផ្តើមចាត់ការដើម្បីធ្វើបត្យាប័នអតីតធនាគារិកGoldmanSachsម្នាក់ទៅកាន់អាមេរិកដោយសារមានជាប់ពាក់ព័ន្ធនឹងរឿងអាស្រូវរបស់មូលនិធិ1MDB ទោះជាបុរសនេះប្រឈមការចោទប្រកាន់នៅម៉ាឡេស៊ីក្តី។
ធនាគារGoldmanបានជួយ1MDBចេញលក់មូលបត្រតំលៃ៦,៥ពាន់លានដុល្លារ តែរដ្ឋាភិបាលក្រុងគូឡាឡាំពួរបានចោទប្រកាន់ធនាគារនេះនិងអតីតនិយោជិតរបស់វាថាចាត់ចែងមិនត្រឹមត្រូវប្រាក់២,៧ពាន់លានក្នុងអំឡុងពេលចេញលក់មូលបត្រនេះ។មេធាវីរបស់ង៉បាននិយាយកាលពីថ្ងៃពុធទី១៩ធ្នូថាកូនក្តីរបស់លោកនឹងប្តឹងប្រឆាំងនឹងការធ្វើបត្យាប័ននេះ។ង៉ត្រូវបានបញ្ជូនខ្លួនទៅតុលាការនៅថ្ងៃពុធ ហើយនឹងត្រូវចោទប្រកាន់ ។
Goldmanបានក៏ប្តេជ្ញាតតាំងនឹងការចោទប្រកាន់នេះ ដោយអះអាងថា ខ្លួនត្រូវបានអតីតរដ្ឋាភិបាលម៉ាឡេស៊ីនិង1MDBប្រាប់កុហក។កន្លងមកលោក Tim Leissner ក៏បានសារភាពដល់តុលាការអាមេរិកផងដែរចំពោះការចូលរួមក្នុងការសមគំនិតដើម្បីទទួលបានជំនួញរកស៊ីពីគម្រោងមូលនិធិអភិវឌ្ឍន៍(1MDB)សម្រាប់ក្រុមហ៊ុន Goldman Sachs តាមរយៈប្រាក់សំណូកនិងការផ្តល់ប្រាក់ជាច្រើនទៅឱ្យក្រុមមន្ត្រីរដ្ឋាភិបាលនៅទីក្រុងអាប៊ុយដាប៊ី ប្រទេសអេមីរ៉ាតអារ៉ាប់រួម និងនៅប្រទេសម៉ាឡេស៊ី និងបានសារភាពថាបានក្លែងបន្លំកិបកេងលុយពីគម្រោងមូលនិធិអភិវឌ្ឍន៍(1MDB)សម្រាប់ខ្លួនលោកនិងអ្នកដទៃទៀត។
រដ្ឋាភិបាលម៉ាឡេស៊ីបានប្រកាសថាខ្លួនក៏ប្តឹងប្រឆាំង ង៉ និងប្រធានរបស់គាត់ប្រចាំអាស៊ីអាគ្នេយ៍ លោក ធីម ឡេសនឺ និងធនាគារGoldman Sachsជុំវិញការចាត់ចែងចេញលក់មូលបត្រមិនត្រឹមត្រូវជាហេតុនាំអោយ1MDBខាតបង់ប្រាក់រាប់រយលានដុល្លារ។លោក Tim Leissner ត្រូវបានចោទប្រកាន់ ដោយក្រសួងយុត្តិធម៌អាមេរិក កាលពីថ្ងៃទី១ខែវិច្ឆិកាហើយត្រូវបានរកឃើញថាមានទោសកំហុសតាមការចោទប្រកាន់ជាច្រើនករណីដែលរួមបញ្ចូល ការសមគំនិតដើម្បីលាងលុយកខ្វក់។
ក្រុមអាជ្ញាធររូបិយវត្ថុសិង្ហបុរី បាននិយាយថា ការហាមឃាត់ដោយ ក្រុមអាជ្ញាធររូបិយវត្ថុសិង្ហបុរីនេះ គឺជាការកែប្រែបន្ថែមនៃបទបញ្ជាហាមឃាត់១០ឆ្នាំកាលពីពេលមុនរបស់ធនាគារកណ្តាលនេះ ប្រឆាំងលោក Tim Leissner កាលពីខែមីនា។ វាត្រូវបានធ្វើឡើងបន្ទាប់ពី លោកTim Leissnerត្រូវបានរកឃើញថាបានចេញលិខិតគ្មានការអនុញ្ញាតក្នុងនាមក្រុមហ៊ុន Goldman Sachs (Asia)នេះ ទៅកាន់គ្រឹះស្ថានហិរញ្ញវត្ថុមួយដែលមានមូលដ្ឋាននៅប្រទេសលុចសំបួ ជាទីដែលដែលលោកបានធ្វើសេចក្តីរាយការណ៍ក្លែងក្លាយ ដោយគ្មានការដឹងឮពីក្រុមហ៊ុននេះ។
សូមរំលឹកថា ប្រាក់សន្ធឹកសន្ធាប់នៃមូលនិធិវិនិយោគរដ្ឋនេះ ត្រូវបានគេលួចនិងយកទៅទិញរបស់របរមានតំលៃផ្សេងៗ ចាប់ពីនាវាកម្សាន្ត ផ្ទះរហូតដល់ផ្ទាំងគំនូរនៅក្នុងគំរោងមួយដែលគេថាមានជាប់ពាក់ព័ន្ធនឹងអតីតនាយករដ្ឋមន្ត្រីម៉ាឡេស៊ីលោកណាជីប រ៉ាហ្សាក់ ដែលចាញ់ឆ្នោតកាលពីខែឧសភា។
ពាក់ព័ន្ធនឹងអតីតនាយករដ្ឋមន្ត្រីម៉ាឡេស៊ីនេះដែរកាលពីថ្ងៃពុធមន្ត្រីជាន់ខ្ពស់ម្នាក់នៃគណបក្ស Umnoដែលទើបចាញ់ឆ្នោត បានអំពាវនាវអោយលោកណាជីប វិលមកកាន់តំណែងមេដឹកនាំតាមការជាក់ស្តែងវិញ ក្រោយពីប្រធានបច្ចុប្បន្នលោក អាម៉ាដ ហ្សាហ៊ីត ហាមីឌី បានសម្រាកនិងប្រគល់ភារកិច្ចប្រធានជូនអនុប្រធានម្នាក់។
លោកហ្សាហ៊ីតដែលប្រឈមការចោទប្រកាន់ជាង៤០នៅឯតុលាការពីបទរំលោភសេចក្តីទុកចិត្តនិងប្រព្រឹត្តអំពើពុករលួយបាននិយាយថាលោកយល់ថាមេដឹកនាំUmnoខ្លះមានការបារម្ភថាពួកគេរងសម្ពាធដោយសារតែការចោទប្រកាន់និងការស៊ើបអង្កេតលើរូបលោក។
សូមបញ្ជាក់ថាសមាជិសភាUmno១១នាក់បានលាឈប់ពីបក្សកាលពីសប្តាហ៍មុននិងឥឡូវអតីតបក្សកាន់អំណាចចាស់វស្សានេះនៅសល់កៅអីសភាតែ៣៧ក្រោយឈ្នះបាន៥៤នៅក្នុងការបោះឆ្នោតកាលពីខែឧសភា។
