វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1239 នាក់
ម្សិលមិញ 6501 នាក់
សរុប 13949794 នាក់
កណ្ដាល៖ករណីប្រជាពលរដ្ឋពុលស្រាស្លាប់ បានកើនដល់ចំនួន ១១នាក់ហើយ គិតត្រឹមថ្ងៃត្រង់ទី១៩ ខែឧសភា ឆ្នាំ២០២១។ នេះបើយោងតាមការឱ្យដឹងពី លោក កន សុកកាយ អភិបាលស្រុកល្វាឯម ខេត្តកណ្តាល។ មូលហេតុត្រូវបានរកឃើញថាស្រាដែលពលរដ្ឋផឹកជាស្រាដែលមានសារជាតិមេតាណុលលលើសកំរឹត។ជាងនេះទៀត លទ្ធផលធ្វើតេស្តទៅនៅតាមតៀមលក់ស្រាស ស្រាថ្នាំទាំង ២៨តូប បានរកឃើញថា ស្ទើរតែទាំងអស់ អ្នកដែលលក់ស្រាស មានលាយសារធាតុមេតាណុលពុលលើសកម្រិត។
រីឯផ្ទះផលិតស្រាវិញ ដែលមានម្ចាស់ឈ្មោះ ប៊ូ ស៊ន កំពុងស្ថិតក្រោមការសង្ស័យ និងរង់ចាំការស៊ើបអង្កេតដោយមន្ត្រីជំនាញបន្តទៀត។ អាជ្ញាធរបានកោះហៅពលរដ្ឋដែលបានផឹកស្រាស ស្រាថ្នាំ ចាប់តាំងពីថ្ងៃទី១០ ខែឧសភា មកពិនិត្យសុខភាពបានចំនួន ៥៦នាក់ ក្នុងនោះមានមនុស្សចំនួន ៥នាក់ ស្ថិតក្នុងអាការៈត្រូវសង្គ្រោះបន្ទាន់ និងបានបញ្ជូនមនុស្សទៅព្យាបាលនៅឯមន្ទីរពេទ្យរាជធានីភ្នំពេញ។ ទន្ទឹមនឹងនេះ អាជ្ញាធរនៅតែបន្តពិនិត្យមនុស្សជាង ២០នាក់ផ្សេងទៀត ដែលបានផឹកស្រាស ស្រាថ្នាំនោះ។ ឯស្រាស ស្រាថ្នាំទាំងអស់ កំពុងសុំគោលការណ៍ ដើម្បីដុតកម្ទេចចោលទាំងអស់ មិនឱ្យនៅសល់ទៀតឡើយ។
អភិបាលស្រុកល្វាអែម បានកោះហៅមេឃុំទាំង១៤ក្នុងស្រុក មកប្រជុំបន្ទាន់ ដើម្បីដាក់ផែនការបិទការលក់ស្រានៅតាមតូប ឬតៀមគ្រប់ប្រភេទ និងពិសេសកន្លែងផលិតស្រាគ្រប់ប្រភេទ ត្រូវមានវិធានការណ៍ម៉ឺងម៉ាត់បំផុត។ ក្នុងករណីរកឃើញថា ហ៊ានលួចលក់ទៀត អាជ្ញាធរចាត់ការតាមច្បាប់ភ្លាមៗតែម្ដង ដោយគ្មានការយោគយល់ ដើម្បីទប់ស្កាត់ឱ្យបានមិនឱ្យមានបញ្ហានៅពេលខាងមុខ។បានន័យថាអាជ្ញាធរស្រុកល្វាអែមគោដា់ច់បានថ្វើរបង។អារឿងលក់គ្រឿងស្រវឹងនេះបើមិនច្រឡំទេអាច្ញាធរខេត្តកណ្តាលបានចេញបំរាមហាមហើយតើម៉េចក៏នៅស្រុកល្វាអែមនៅមានស្រាលក់ហើយជាស្រាមិនល្អលក់ទៀត?។
សូមបញ្ជាក់ថា មនុស្សចំនួន ១១នាក់ បានស្លាប់ជាបន្តបន្ទាប់ ក្រោយបាននាំគ្នាផឹកស្រាសនៅក្នុងពិធីបុណ្យសពមួយកាលពីថ្ងៃទី១០ ខែឧសភា ឆ្នាំ២០២១ នៅឯភូមិតាស្គរ ឃុំសារិកាកែវ ស្រុកល្វាឯម ខេត្តកណ្ដាល ហើយក៏មានមនុស្សស្លាប់ជាបន្តបន្ទាប់ពីមួយថ្ងៃទៅថ្ងៃ។ប្រភពពីក្រសួងសុខាភិបាលឲ្យដឹងថា ចាប់ពីឆ្នាំ២០១៥ដល់២០១៧ មានករណីពុលស្រាសប្រមាណ៣៩០ករណីហើយ បណ្ដាលឱ្យមានមនុស្សជិត៦០នាក់ស្លាប់ នៅតាមខេត្តមួយចំនួនមានជាអាទិ៍ខេត្តមណ្ឌលគិរី ត្បូងឃ្មុំ ក្រចេះ និងកំពង់ឆ្នាំងជាដើម៕