រឿងក្តីក្តាំរវាងឧកញ៉ាហេងសៀនិងកញ្ញា មាន ពេជ្ររីតាពិធីការិនីទូរទស្សន៍រឿងរំលោភនិងលួចទូរសព្ទ័កំពុងមានការលូកដៃចូលច្រើន
10-November-2024 / ព័ត៌មានជាតិ
ភ្នំពេញ៖ កញ្ញា មាន ពេជ្ររីតា ហៅ យូប៊ី អាយុ២០ឆ្នាំ ជានិស្សិតឆ្នាំទី២ ផ្នែកពាណិជ្ជកម្មជាតារាបង្ហាញ ម៉ូត និង ជាពិធីការិនីទូរទស្សន៍ My TV ផងនោះ កាលពីថ្ងៃទី១១ ខែឧសភា ឆ្នាំ២០២១ ត្រូវបានលោក កូយ សៅ ចៅក្រមស៊ើបសូរសាលាដំបូងរាជធានីភ្នំពេញ ចេញដីកាឃុំខ្លួនដាក់ពន្ធនាគារបណ្តោះអាសន្ន ក្រោមការចោទប្រកាន់ពីបទ «លួចមានស្ថានទម្ងន់ទោស»បន្ទាប់ពីពាក្យបណ្តឹងរបស់កញ្ញាចំពោះ លោកឧកញ៉ា ហេង សៀដែល កំពុងដេគពេទ្យសង្គ្រោះពីបទប៉ុនប៉ងរំលោភដែលយ៉ាងហោចក៏បៀតបៀនកេរ្តិ៍ខ្មាស់ផងដែរ ។
ពេលដែលរឿងអាស្រូវមួយនេះបានផ្ទុះបង្ការចាប់អារម្មណ៍ពីមនុស្សខ្ទង់លាននាក់គេបានឃើញក្រុមមេធាវីស្ម័គ្រចិត្តសម្តេចតេជោ ដឹកនាំដោយលោក គី តិច ប្រធានក្រុមមេធាវីរាជរដ្ឋាភិបាល និងជាប្រធានក្រុមមេធាវីស្ម័គ្រចិត្តសម្តេចតេជោលូកដៃ។មេធាវីពីរនាក់បាន នដាក់ពាក្យស្នើសុំទៅកាន់តុលាការ ដើម្បីអនុញ្ញាតឲ្យកញ្ញា មាន ពេជ្ររីតា ពិធីការិនីទូរទស្សន៍ My TV ដែលត្រូវបានតុលាការឃុំខ្លួន បានស្ថិតនៅក្រៅឃុំជាបណ្តោះអាសន្នសិន ក្រោយពីស្នើសុំឲ្យតុលាការយកកញ្ញា ពេជ្ររីតា ពីពន្ធនាគារមកសាកសួរម្តងទៀតនៅរសៀលថ្ងៃទី១២ ខែឧសភា ឆ្នាំ២០២១នេះ។
សូមបញ្ជាក់ថាកញ្ញា មាន ពេជ្ររីតា ត្រូវបានឃាត់ខ្លួនកាលពីថ្ងៃទី៩ ខែឧសភា ពាក់ព័ន្ធការយកកាំបិតចុងស្រួចចាក់ទៅលើលោកឧកញ៉ា ហេង សៀ ចំនួន២កាំបិត បណ្តាលឱ្យរងរបួសក្បាលពោះស្តាំធ្ងន់ធ្ងរ ប្រព្រឹត្តនៅចំណុចផ្លូវលេខ១៣៨កែងផ្លូវលេខ២៥៩ សង្កាត់ទឹកល្អក់២ ខណ្ឌទួលគោក កាលពីថ្ងៃទី៤ ខែឧសភា តាមមាត្រា៣៥៣ និង មាត្រា៣៥៧ នៃក្រមព្រហ្មទណ្ឌ ។ នេះបើយោងតាមខ្លឹមសារនៃដីកាឃុំខ្លួនរបស់តុលាការ ។កញ្ញា មាន ពេជ្ររីតា ក៏បានដាក់ពាក្យបណ្តឹង ប្តឹងបកលោកឧកញ៉ា ហេង សៀ វិញ ពីបទ «ប៉ុនប៉ងរំលោភសេពសន្ថវៈមានស្ថានទម្ងន់ទោស» ក្នុងរថយន្ត ។ នេះបើយោងតាមពាក្យបណ្តឹងរបស់ កញ្ញា មាន ពេជ្ររីតា កាលពីថ្ងៃទី១១ ខែឧសភា ឆ្នាំ២០២១ ។
កញ្ញា មាន ពេជ្ររីតា បានរៀបរាប់ថា រូបនាងបានស្គាល់ឧកញ៉ា ហេង សៀ ក្នុងពិធីសម្ភោធហាងរបស់ឧកញ៉ារូបនេះ ហើយពេលនោះក៏បានឃើញ និងស្គាល់រូបនាង ហើយក៏បានធ្វើការទំនាក់ទំនង តាមរយៈប្រព័ន្ធតេលេក្រាមមកនាងជាបន្តបន្ទាប់។ នាងរៀបរាប់ក្នុងបណ្ដឹងទៀតថា ក្នុងពេលទំនាក់ទំនងនាង ឧកញ៉ា ហេង សៀ បានផ្ញើលុយចំនួន៥ដងឲ្យនាង តែនាងបានបដិសេធថា នាងមិនយកនោះទេ កុំផ្ញើមកនាងអី ព្រោះនាងមានលុយចាយគ្រប់គ្រាន់ហើយ។ ប៉ុន្តែឧកញ៉ារូបនេះ នៅតែផ្ញើលុយជាបន្តបន្ទាប់ទៀត។
បន្ថែមពីលើនេះ បើតាមបណ្ដឹងរបស់កញ្ញា មាន ពេជ្ររីតា បានឲ្យដឹងទៀតថា ឧកញ៉ាខាងលើនេះ បានប្រើពាក្យលួងលោមចង់ជួប និងស្គាល់រូបនាង តែនាងបដិសេធមិនព្រមជួប លុះត្រាទាក់ទងនឹងការងារទើបនាងព្រមជួប។ រហូតដល់ថ្ងៃកើតហេតុ ប្រហែលជាថ្ងៃទី៤ ខែឧសភា ឧកញ៉ាខាងលើនេះ បានទូរស័ព្ទទៅនាងថា «ចង់ជួបហើយចង់ឲ្យអីវ៉ាន់មួយចំនួនមកនាង ដើម្បីយកទៅចែកអំណោយឲ្យប្រជាពលរដ្ឋ ដែលទទួលរងគ្រោះដោយសារជំងឺកូវីដ-១៩» ហើយវីដអូពីកាមេរ៉ាសុវត្ថិភាពបង្ហាញពីការប្រទុសសារ៉ាយចេញពីក្នុងរថយន្ត បន្ទាប់មកក៏កើតមានការប្តឹងផ្តល់ ចាប់នាងយកទៅឃុំខ្លួន។
ទោះជាយ៉ាងណាតាមការសង្កេតមើលវីដេអូឃើញនាងកាន់កាំបិតផង ទូរស័ព្ទផង ដើរចេញពីឡានធម្មតាអត់មានឃើញភ័យសោះ។ ដូចនេះអ្នកខ្លះដាក់ជាសំណួរថាម្តេចបានចាក់គេហើយបដិសេធថាមិនបានចាក់ទេ? តើទូរស័ព្ទនេះជាទូរស័ព្ទរបស់ជនរងគ្រោះដែរឬទេ?ព្រោះកញ្ញាក៏មានទូរសព្ទ័ទំនើបដែរតើ?។
មជ្ឈដ្ឋានជាច្រើនកំពុងតាមដានយ៉ាងចិត្តទុកដាក់បំផុត អំពីដំណើររឿងនេះ ដោយភាគីលោកឧកញ៉ា ហេង សៀ ចោទប្រកាន់ កញ្ញា មាន ពេជ្ររីតា ថា បានលួចទូរស័ព្ទ និង ចាក់លោកឧកញ៉ា ហេង សៀ នៅក្នុងឡានបណ្តាលឱ្យរងរបួសធ្ងន់ទាំងថ្ងៃ?។
តារាល្បីៗក្នុងប្រទេសជាបន្តបន្ទាប់ ដូចជាតារាចម្រៀង តន់ ច័ន្ទសីម៉ា, រ៉េត ស៊ូហ្សាណា, ទេព បូព្រឹក្ស , ជីដេវីត, វណ្ណដា និងតារាសម្តែង តារាម៉ូដែល និងអ្នកក្នុងចង្កោមសិល្បៈល្បីជាច្រើនទៀតរួមទាំងអ្នកនាងចនចន្ទ័លក្ខិណាឱកសុគុន្ធកញ្ញា បានចេញមកអំពាវនាវតាមរយៈបណ្តាញសង្គម ក្នុងន័យដូចគ្នា ដោយអំពាវនាវដល់ស្ថាប័នច្បាប់ ជួយរកយុត្តិធម៌ ជូនពិធីការិនីទូរទស្សន៍ My TV កញ្ញា មាន ពេជ្ររីតា ដែលកំពុងមានរឿងក្ដីក្ដាំជាមួយនឹងលោកឧកញ៉ា ហេង សៀ។ប្រយោគដែលដកចេញពីឃ្លិបវីដេអូដែលកញ្ញា មាន ពេជ្ររីតាយំស្រែក «គេស្ទាបខ្ញុំ» «ខ្ញុំខ្ពើមខ្លួនឯង» ខ្លួនខ្ញុំត្រូវគេរំលោភលើរាងកាយ ហើយខ្ញុំត្រូវជាប់ខ្នោះទៀត ហើយចូលគុកទៀត» បង្ហោះក្នុងបណ្តាញសង្គម ស្តែងពីការឈឺចាប់ ហើយត្រូវបានតារាល្បីៗយកមកសរសេរ បង្ហោះចែកចាយភ្លូកទឹកភ្លូកដី ដើម្បីទាមទារយុត្តិធម៌ជូនតារាស្រីរូបនេះ។
ក្រៅពីអ្នកសិល្បៈមមហាជនផ្សេងៗក្រសួងកិច្ចការនារីក៏បានចេញមុខមកជួយស្វែងរកយុត្តិធម៍ផងដែរ។លោក ផុន ពុធបូរី ប្រធាននាយកដ្ឋានការពារផ្លូវច្បាប់នៃក្រសួងកិច្ចការនារី បានអះអាងថា ក្រុមការងារក្រសួងបានស្នើទៅខាងអគ្គស្នងការនគរបាលជាតិហើយ ឲ្យជួយស៊ើបអង្កេតបន្ថែមជុំវិញករណីរបស់កញ្ញា ពេជ្ររីតា។ លោក ពុធបូរី បានសង្កត់ធ្ងន់ថា ក្រសួងនឹងផ្ដល់ជួយគាំទ្រនីតិវិធីផ្លូវច្បាប់នៅតុលាការទៀតផង។
ក្នុងកិច្ចសម្ភាសន៍ជាមួយសារព័ត៌មានថ្មីៗ លោក ពុធបូរី ថ្លែងថា៖ «កាលពីព្រឹកមិញយើងបានធ្វើជាមួយអគ្គស្នងការនគរបាលជាតិ ដើម្បីស្នើកិច្ចសហការឲ្យមានការស៊ើបអង្កេតបឋមស្រាវជ្រាវករណីហ្នឹង ដោយសារមានពាក្យបណ្ដឹងពីរ ព្រោះឧកញ៉ា ហេង សៀ បានបណ្ដឹងនារីរងគ្រោះ…ហើយពាក្យបណ្ដឹងនារីរងគ្រោះគឺប្ដឹងតទល់នឹងឧកញ៉ា! យើងមិនទាន់ដឹងរឿងពិតឬមិនពិតយ៉ាងនោះទេ។ ក្រុមការងារកំពុងទាក់ទងទៅគ្រួសារជនរងគ្រោះដើម្បីសាកសួរហើយផ្ដល់ប្រឹក្សាយោបល់ទាំងផ្លូវចិត្តនិងផ្លូវច្បាប់ដើម្បីឲ្យជនរងគ្រោះមានភាពនឹងនរឡើងវិញ»។
ដោយសាររឿងវារស៊ើបក្នុងសង្គមខាងក្រសួងយុត្តិធម៍ក៏មិនហ៊ាននៅស្ងៀមដែរ។លោកគឹមសន្តិភាពរដ្ឋលេខាធិការនិងជាអ្នកនាំពាក្យក្រសួងយុត្តិធម៍បានចេញមកធ្វើអាជ្ញាកណ្តាលថា៖ក្រសួងយុត្តិធម៌បានតាមដានដោយយកចិត្តទុកដាក់ចំពោះព័ត៌មាននេះ និងបានស្នើសុំឲ្យស្ថាប័នតុលាការ យកចិត្តទុកដាក់ក្នុងការស្រាវជ្រាវសំណុំរឿងទាំងពីរនេះ ឲ្យបានច្បាស់លាស់ ដើម្បីស្វែងរកការពិតនៃអង្គហេតុទំនាស់ និងផ្តល់យុត្តិធម៌ដល់ភាគីពាក់ព័ន្ធ។
ក្រសួងយុត្តិធម៌ សូមជម្រាបជូនសាធារណជន មេត្តាជ្រាបថា រហូតមកដល់ម៉ោងនេះ សាធារណជនទទួលបានតែព៌ត័មានមួយចំនួន និងភស្តុតាងខ្លះនៃអង្គហេតុ ដែលត្រូវបានផ្សព្វផ្សាយ និងចែករំលែកតាមបណ្តាញសារព័ត៌មាន ក៏ដូចជាបណ្តាញសង្គមនានា។ ដូចនេះ ដើម្បីកំណត់ភាគីណាខុសដែលត្រូវទទួលខុសត្រូវចំពោះមុខច្បាប់ គឺត្រូវការស្រាវជ្រាវឲ្យបានច្បាស់លាស់ ពេញលេញ និងគ្រប់ជ្រុងជ្រោយ ដើម្បីរកឲ្យឃើញដំណើររឿងពិត និងអង្គហេតុពិតប្រាកដក្នុងសំណុំរឿងទាំងពីរនេះ។សូមអំពាវនាវបងប្អូនសាធារណៈជន មេត្តារក្សាភាពស្ងប់ស្ងាត់ និងទុកសមត្ថកិច្ចនេះជូនទៅស្ថាប័នតុលាការដំណើរការចំណាត់ការតាមនីតិវិធីរបស់ខ្លួន។
