វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7355 នាក់
ម្សិលមិញ 6001 នាក់
សរុប 13880185 នាក់
ភ្នំពេញ៖បាបកម្មពិតជាមានប្រាកដមែន មិនចាំបាច់ជាតិក្រោយទេ!។ លោកតា ខាន់ សុវណ្ណ ដែលអះ អាងខ្លួនឯងថា ជាអង្គព្រោកប្រាជ្ញតាម facebook ដ៏ល្បីម្នាក់ ផងដែរនោះ បែបបាត់មាត់លែងហ៊ានចេញមុខមកព្រោក ប្រាជ្ញហើយពេលនេះព្រោះកំសួល នៃកំហឹងមហា ជន ពិសេសបុព្វជិតរាប់ សិបអង្គ ដែលគង់នៅតាមវត្តអារ៉ាមនានាទូទាំងប្រទេស បានផ្ទុះ ចេញប្រតិកម្មយ៉ាងខ្លាំង ក្លាតាមបណ្តាញសង្គម Facebook បន្ទាប់ពី លោកតា ខាន់ សុវណ្ណ មេអង្គព្រោកប្រាជ្ញ ដែល គេដឹងថា ជាមន្ត្រីគយចូល និវត្តន៍ ហើយក៏ជា ថៅកែខារ៉ាអូខេ កូប្រា នៅក្នុងខណ្ឌច្បារអំពៅ បាននិយាយវាយប្រហារ ទៅលើស្ថាប័នព្រះសង្ឃ ព្រះពុទ្ធសាសនា នៅកម្ពុជា ។
កាលពីថ្ងៃទី២០ ឧសភា២០២០ ដែលជា ទិវាជាតិនៃការចងចាំ និងគោរពវិញ្ញាណក្ខន្ធ ដល់អ្នកដែលបានបាត់បង់ជីវិតក្នុងរបប កម្ពុជាប្រជាធិបតេយ្យ ( ប៉ុល ពត ) ។ លោក ខាន់ សុវណ្ណ មានចេតនា ចង់អោយស្ថាប័នគ្រប់គ្រងព្រះសង្ឃ ធ្វើការផ្សឹក ព្រះសង្ឃដែលមានអាយុក្រោម៥៦ឆ្នាំ អោយទៅធ្វើកម្មករ...។ ភាសាបែបរបរបប៉ុលពតនេះបានបញ្ឆេះកំហឹង ដល់ពុទ្ធបរិស័ទ និង ព្រះសង្ឃអោយផ្ទុះនូវ ប្រតិកម្មថ្កោលទោស លោក ខាន់ សុវណ្ណ យ៉ាងខ្លាំង រហូតដល់ សម្តេចសង្ឃរាជ និង សម្តេចសង្ឃនាយក ចេញសេចក្តីថ្លែងការណ៍ ថ្កោលទោសភ្លាមៗនៅថ្ងៃទី២១ ឧសភា ២០២០ នេះ ដោយចាត់ទុកយោបល់របស់លោក ខាន់ សុវណ្ណ ថា «អសីលធម៌ គំនិតលាមក និង ភាពយង់ឃ្នងសាហាវឃោរឃៅព្រៃផ្សៃបំផុត» ។
សេចក្តីថ្លែងការណ៍របស់គណៈសង្ឃនាយក នាពេលនេះ ធ្វើឡើងក្រោយពេលដែលលោក ខាន់ សុវណ្ណ បានបង្ហោះខ្លឹមសារមួយលើហ្វេសប៊ុក ថា «កម្ពុជាកំពុងខ្វះខាតកម្លាំងពលកម្មក្នុងវិស័យសំណង់ និង ត្រូវការកម្មករជំនាញ និង គ្មានជំនាញជាច្រើនមុឺននាក់ដើម្បីបង្គ្រប់ទីផ្សារ ។ ១,ចាត់ការផ្សឹកលោកសង្ឃដែលកំពុងពេញកម្លាំងក្រោមអាយុ៥៦ឆ្នាំចោលឲ្យអស់ ។ ២,ចាត់ការតម្លើងប្រាក់ឈ្នួលរបស់កម្មករសំណង់នោះឲ្យបានស្មើតម្លៃពលកម្មរបស់ប្រទេសថៃ ។ តើអាចទៅរួចដែរទេ?»។
ជុំវិញខ្លឹមសារនេះ គណៈសង្ឃនាយកនៃព្រះរាជាណាចក្រកម្ពុជា យល់ឃើញថា គំនិតយោបល់នេះ បានបង្កប់នូវអត្ថន័យខ្លឹមសារនិងការឆ្លុះបញ្ចាំងចំនួន៧ចំណុច ៖ ១- ភាពអសីលធម៌ គំនិតលាមក និង ភាពយង់ឃ្នងសាហាវឃោរឃៅព្រៃផ្សៃបំផុត .២- ការប្រមាថមាក់ងាយមកលើព្រះសង្ឃពុទ្ធសាសនាគ្រប់លំដាប់ថ្នាក់ទូទាំងប្រទេស ។៣- ការបង្វែរគំនិតមហាជនឱ្យដើរជាន់ដានប្រវត្តិសាស្ត្រ ល្វីងជូរចត់(បីឆ្នាំប្រាំបីខែម្ភៃថ្ងៃ) ជារបប ខ្មៅងងឹតទមិឡឥតសាសនាដែលពិភពលោក និង មនុស្សជាតិស្អប់ខ្ពើមជាទីបំផុត ៤- រំលោភក្រមព្រហ្មទណ្ឌកម្ពុជាត្រង់មាត្រា៥១៦ ពីបទប្រមាថកាតតៀនចំពោះព្រះសង្ឃ និងជាការប៉ះពាល់ស្មារតីមាត្រា៤៣ នៃច្បាប់រដ្ឋធម្មនុញ្ញកម្ពុជាចែងថា ពុទ្ធសាសនាជាសាសនារបស់រដ្ឋ ដែលរដ្ឋ មានកាតព្វកិច្ចការពារមិនឱ្យបុគ្គលណារំលោភបំពានបានឡើយ
៥- ជាការរំលោភសិទ្ធិមនុស្សជាសកលដែលចែងអំពីសិទ្ធិជំនឿ និងការរស់រានមានជីវិតប្រកបដោយសេចក្តីថ្លៃថ្នូរក្នុងភេទជាបព្វជិតក្តី និងជីវភាពជាគ្រហស្ថក្តី
៦- គំនិតខ្វះការគិតគូរវែងឆ្ងាយ ខ្វះពិសោធន៍ ខ្វះចំណេះដឹងប្រវត្តិសាស្ត្រ គ្មានសុចរិតភាព គ្មានភាពយុត្តិធម៌ និងគ្មានសេចក្តីថ្លៃថ្នូរក្នុងការប្រើប្រាស់សំណេរ និងការបញ្ចេញមតិ ។
៧- បង្កើតនូវភាពឈឺចាប់ និង ការចងកម្មពៀរវេរាដល់យុវសង្ឃ និង ពុទ្ធបរិស័ទ ។ តែ មកដល់ពេលនេះ គេ មិនទាន់ឃើញក្រសួងធម្មការ និង សាសនា មានចំណាត់ ការបែបណានៅឡើយទេ ចំពោះ តា ខាន់ សុវណ្ណ នោះ? ។ ទោះជាសម្តេចព្រះសង្ឃ នាយក ចេញសេចក្តីថ្លែងការណ៍នេះហើយក្តី ក៏នៅតែមិនទាន់រំងាប់ អារម្មណ៍មហាជនបាន នៅឡើយទេ ។ តាខាន់សុវណ្ណបន្ទាប់ពីកើតរឿងនេះបានប្រកាសលើកទង់សសុំសម្រាកសិន!។ ប៉ុន្តែ សំរាប់អ្នកមានជំនឿលើកម្មផល បាន បញ្ចេញទស្សន: ថាបាប កម្មពិតជាមានប្រាកដមែនមិនចាំបាច់ជាតិក្រោយទេ ។ បើមិន គោរពបដិបត្តិ ព្រះសង្ឃ កុំប្រមាថ! ៕