វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4688 នាក់
ម្សិលមិញ 4292 នាក់
សរុប 14114387 នាក់
បន្ទាយមានជ័យ៖មន្ត្រីក្រុមប្រឹក្សាសង្កាត់ប៉ោយប៉ែតម្នាក់និងគូកនត្រូវបានកម្លាំងចំរុះចាប់ខ្លួននៅថ្ងៃទី២៩ ខែមីនា ឆ្នាំ២០២១ ម៉ោង០៩នាទីព្រឹក ស្ថិតក្នុងភូមិសាមគ្គីមានជ័យ សង្កាត់និងក្រុងប៉ោយប៉ែត ពីបទនាំយកមនុស្សឆ្លងដែនដោយខុសច្បាប់ប្រព្រឹត្ត ។
លោក រស់ ពិសិដ្ឋ នាយប៉ុស្តិ៍ បឹងសាគូបានឲ្យដឹងមកថា៖ កម្លាំងប៉ុស្តិ៍ សហការជាមួយកម្លាំងចម្រុះកងរាជអាវុធហត្ថនិង យោធាផង បាន ដេញតាម មុខសញ្ញាឡានដឹកមនុស្សឆ្លងដែនខុសច្បាប់នៅចំណុចស្តារហ្គោល ស្ថិតក្នុង ភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ហើយមនុស្សចំនួន០៣នាក់ ត្រូវបានឃាត់ខ្លួន។ជនសង្ស័យដែលឃាត់ខ្លួនបានរួមមាន÷
១- ឈ្មោះ យឹម នៅ ភេទប្រុសមានអាយុ ៤៤ ឆ្នាំ ជាមន្ត្រីក្រុមប្រឹក្សាសង្កាត់ប៉ោយប៉ែត រស់នៅភូមិសាមគ្គីមានជ័យ សង្កាត់និងក្រុងប៉ោយប៉ែត ខេត្តបន្ទាយមានជ័យ (ជាអ្នកដឹកមនុស្សឆ្លងដែនខុសច្បាប់ យ៉ាងសកម្ម) ។
២- ឈ្មោះ ចាន់ ណារ៉ុង ភេទប្រុស អាយុ៤០ឆ្នាំបុគ្គលិកបំរើការងារ កាស៊ីណូ និងជា ម្ចាស់ផ្ទះនៅភូមិសាមគ្គីមានជ័យ សង្កាត់និង ក្រុងប៉ោយប៉ែត និង៣- ឈ្មោះ ដែង ជុំ ភេទប្រុស អាយុ៤៦ឆ្នាំ បុគ្គលិកកាស៊ីណូស្នាក់នៅភូមិក្បាលស្ពាន១ សង្កាត់និង ក្រុងប៉ោយប៉ែត ខេត្តបន្ទាយមានជ័យ ។
ក្រោយពីបានឃាត់ខ្លួនជនសង្ស័យ ត្រូវបានកម្លាំងអាវុធហត្ថ ក្រុងប៉ោយប៉ែតជាអ្នកនាំយកទៅ កសាងសំណុំរឿងតាម នីតិវិធីនៃច្បាប់ ។
យោងតាម មាត្រា១៨ អំពើនាំឆ្លងដែន ជនណាដែលដឹងថា ជននោះត្រូវបាននាំយក ដោយមិនស្របច្បាប់ ឬដឹកជញ្ជូន ទៅក្រៅប្រទេស កម្ពុជា ត្រូវផ្ដន្ទាទោសដាក់ពន្ធនាគារពី ៧ទៅ១៥ឆ្នាំ បើជនប្រព្រឹត្តនោះ ជាមន្ត្រីសាធារណៈ ត្រូវផ្ដន្ទាទោសពី១៥ឆ្នាំទៅ២០ឆ្នាំ ដែល បំពានដោយអំណាចរបស់ខ្លួន លើជនរងគ្រោះ ។ ច្បាប់ត្រូវពិន័យជាប្រាក់ ពី៤លានរៀលទៅ ១០លានរៀលទៀតផង ។មេខ្លោងមេខ្យល់ដ៏សកម្ម ត្រូវបានប្រភពទម្លាយមកថាឈ្មោះ យឹម នៅ នោះបានធ្វើសកម្មភាពដឹកជញ្ជូនមនុស្ស តាមរយរថយន្តម៉ាក Camry ពណ៌សស្លាកលេខ ព្រះសីហនុ 2A-1354 ។មនុស្សដែលគេដឹកម្តងៗ ចាប់ពី៥នាក់ទៅ៦នាក់ជាក់ស្តែង ថ្ងៃនេះឈ្មោះ យឹម នៅបានដឹកមនុស្សចំនួន៥នាក់ ម្នាក់ជា ស្រី ហើយអ្នកទាំង០៥នាក់នោះ បានរត់ចូលទឹកដីថៃបាត់បន្សល់ទុកតែវាលីដាក់ខោអាវ ចំនួន២ និងឆ្នាំងអ៊ុតខោអាវ ចំនួន១ ។