» សង្ឃ​មួយអង្គ ធ្វើអត្តឃាត​ដុត​ខ្លួនឯង នៅ​ក្រុង​បាត់ដំបង​ » ម្តាយ​និង​កូនស្រី រង គ្រោះ ប្រាប់ថា ឪពុក ធ្លាប់ វា យ ធ្វើ​បា ប មិន​ក្រោម​១០០០​ដង​ទេ ហើយ​បង្ខំ​អោយ​រកលុយ​ឲ្យ ទៀត​! » ក្រុមហ៊ុន ហាន់​ស៊ីង​(HanShin) ធ្វើ​ផ្លូវជាតិ​លេខ​៥ ពី​កំពង់ឆ្នាំង​-​ខេត្តពោធិ៍សាត់ ជិត​៣​ឆ្នាំ​ហើយ ដូចជា​គ្រាន់តែ​ស្ទាបៗ​ប៉ុណ្ណោះ​!! » លោក រដ្ឋា វិសាល អតីត​បុគ្គលិក​វិទ្យុ​អាស៊ីសេរី ចេញមុខ​ការពារ​លោក ហ៊ុន ម៉ា​ណែ​ត ហើយ​ទម្លាយ​ថា អាស៊ីសេរី​បម្រើ​វិស័យ​នយោបាយ​សម្ងាត់ ក្នុង​គោលដៅ​ផ្តួលរំលំ​រាជរដ្ឋាភិបាល » ប៉េអឹម​ទំនើង​បាញ់បោះ​សេរី​វាយ​ក្បាល​ពលរដ្ឋ​និង​ស្នាប់​កាំភ្លើង​អត់​មានទោស​! » កម្ពុជា​ប្រតិកម្ម​ចំពោះ​សម្តី​សមាជិកសភា និង​ឧបការី​រដ្ឋមន្ត្រីការបរទេស​អាមេរិក » មក​ស្រុក​ជួបគ្នា​សប្បាយ​តែ​បែ​ជា​ត្រូវ​រន្ទះបាញ់​ស្លាប់​៨​នាក់​សម្តេចក្រឡាហោមចូលបុណ្យសពមួយ៣លានរៀល » ព្យុះ​នូ​ល​បង្ក​ភ្លៀង​លិច​ស្រុក​ព្រៃនប់​ទៅដល់​វៀតណាម​ឡាវបាត់ហើយ​! » ឆេះ​ផ្សារ​សំរោង​យ៉ោ​ង​អស់​ពាក់កណ្តាល​ប៉ូលិស​ថា​ទុស្សេ​ខ្សែភ្លើង​ឧ​ប​ប៊ិន​ឈិន​ចេញ​៧​ម៉ឺន​ដុល្លារ​រៀបចំ​ឡើងវិញ​? » ចៅក្រម ឬ​ព្រះរាជអាជ្ញា​ណា​ដែលមាន​មុខងារ​ពីរ​ត្រូវដាក់​ពាក្យស្នើសុំ​ផ្តាច់​មួយ​! » លោក​ផៃ​ស៊ី​ផាន​៖ ក្រសួង​សេដ្ឋកិច្ច​អាមេរិក ដកស្រង់​សម្តី​លោក​ទៅ​បំភ្លៃ​! » លោក​ស៊ូ​ហ្កា ត្រូវបាន​សភា​បោះឆ្នោត​គាំទ្រ ឲ្យ​ឡើង​ធ្វើជា​នាយករដ្ឋមន្ត្រី​ថ្មី​របស់​ជប៉ុន​ហើយ​!! » ឃាត់​មិន​ឲ្យ​លេង​កាំភ្លើង​ក្នុង​ឡានរេចង្កូត​បុក​ខឿន​ផ្លូវស្លាប់​សង្សារ​ដឹក​ខ្មោច​ចូល​សារភាព​ទាំងយប់​! » ចាប់បាន​ម៉ាស៊ីន​ដែល​ឈ្មួញ ប្រើ​សម្រាប់​កែ​កាលបរិច្ឆេទ​ទំនិញ ហួស​ដឺ​ឡេ​! » គុម​ឬ​ស្សី​នៅ​ភូមិ​ក្រាំង​សង្កាត់​ត្រពាំង​ក្រសាំង​ឆ្នាំងបាយ​សម​ត្ត​កិច្ច​ព្រោះ​មាន​ល្បែង​ជល់​មាន​និង​អាប៉ោង​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 4828 នាក់

ម្សិលមិញ 13251 នាក់

សរុប 5877951 នាក់

ស្ងាត់ៗ​លោក​ប្រាក់​គឹម​សេង​ទទួលបាន​ប្រាក់​ជិត​២​ម៉ឺន​ដុល្លារ​ដាក់​ក្នុង​កុង​ធនាគារ​របស់​ប្រពន្ធ​បន្ទាប់ពី​លេចឮ​ឈ្មោះ​រៀប​ដី​ឲ្យ​ឈ្មួញ​?


​កំពង់ឆ្នាំង​៖ តើ​ជា​ការពិត​ដែរឬទេ ដែល​ប្រភពព័ត៌មាន​ដែលជា​អ្នក​ស្និទ្ធ​ជាមួយ​លោក​ប្រាក់​គឹម​សេង និយាយថា ថ្មីៗ​នេះ​លោក​ប្រាក់​គឹម​សេង​បានទទួល​ប្រាក់​២ ម៉ឺន​ដុល្លារ​អាមេរិក​ពី​ឈ្មួញ​ដែល​រៀបចំ​ដី​ម្នាក់​?​។​a brak kimseng1 

មូលហេតុ​គឺ​ដោ​សារ​លោក​ប្រាក់​គឹម​សេង​បានទទួល​ការពឹង​ពាក់​ពី​ឈ្មួញ​អ្នករៀបចំ​ដី​ម្នាក់​ឲ្យ​រៀបចំ​ដី​នៅ​ចំណុច​ភ្នំ​ជឺ​ប្រះ ដែលមាន​ទីតាំង​ស្ថិតនៅក្នុង​ឃុំ​ជៀប​ស្រុក​ទឹកផុស​ខេត្តកំពង់ឆ្នាំង​ដែលមាន​ផ្ទៃដី​សរុប​២៥០ ហិតា​។​នៅក្នុង​នោះ​ដី​ដែលមាន​ប្លង់​ត្រឹមត្រូវ មាន​ត្រឹមតែ​៦៥​ហិតា​តែប៉ុណ្ណោះ រីឯ​ដី​១០០ ហិតា​ជាង​ទៀត​នោះ​​គឺ​សុទ្ធតែជា​ដីព្រៃ​ដែល​គ្រប់គ្រង​ដោយ​រដ្ឋ​។​បើ​ចឹ​ង​តើ​ហេតុអ្វី​លោក​ប្រាក់​គឹម​សេង​មាន​សិទ្ធិ​រៀបចំ​ដី​លក់​ដី​នោះ​ឲ្យ​ទៅ​ឈ្មួញ​បើ​ដី​ជាង​១០០ ហិកតា​នោះ​គឺ​សុទ្ធតែជា​ដីព្រៃ​របស់​រដ្ឋ​?​។​

​ប្រភពព័ត៌មាន​ដដែល​បាន​បន្តទៀតថា លោក​ប្រាក់​គឹម​សេង​នេះ ធ្លាប់មាន​រឿងអាស្រូវ​ជាច្រើន​ករណី​ដែល​ពាក់ព័ន្ធ​ជាមួយនឹង​ដីធ្លី​តាំងពី​លោក​នៅ​ធ្វើជា​ប្រធាន​សហគមន៍​ក្នុងភូមិ​កោះ​ខ្ទុំ​មកម្ល៉េះ​។​​មូលហេតុ​ដើម​ចង​ដែល​អាច​ឲ្យ​លោក​ប្រាក់​គឹម​សេង​ធ្វើ​ព្យុះ​ធ្វើ​ភ្លៀង​បាន​តាមចិត្ត​នោះ​ដោយសារតែ​អាជ្ញាធរ​នៅក្នុង​មូលដ្ឋាន​ត្រូវបាន​លោក​ប្រាក់​គឹម​ស្រេង​សែនព្រេន​រួចរាល់​អស់ហើយ​មិនអាច​កាច់​លោក​ប្រាក់​គឹម​សេង​ឲ្យ​ឈឺ​បានទេ​!​។ ។​

ប្រជាពលរដ្ឋ​ជាច្រើន​គ្រួសារ​ដែល​ធ្លាប់មាន​បញ្ហា​ជាមួយនឹង​លោក​ប្រាក់​គឹម​សេង​បាន​សម្តែង​ការព្រួយបារម្ភ​យ៉ាងខ្លាំង​ចំពោះ​រឿង​លោក​ប្រាក់​គឹម​សេង​ចុះ​រៀបចំ​ដី​ឲ្យ​ឈ្មួញ​នេះ​។ ព្រោះ​រយៈកាល​កន្លងមក​លោក​ប្រាក់​គឹម​សេង​ធ្លាប់បាន​ត្រូវ​ប្រជាពលរដ្ឋ​ពីរ​គ្រួសារ​ប្ដឹង​ពាក់ព័ន្ធ​ជាមួយនឹង​ការទិញ​ដី​គេ​ហើយ​មិន​ឲ្យ​លុយ​នៅក្នុង​ទឹកដី​ភូមិ​កោះ​ខ្ទុំ​និង​ភូមិ​តា​នៃ​ឃុំ​ជៀប​ស្រុក​ទឹកផុស​ខេត្តកំពង់ឆ្នាំង​នេះ​រួចមកហើយ ប៉ុន្តែ​គ្មាន​ឃើញ​អាជ្ញាធរ​ឬ​សមត្ថកិច្ច​ពាក់ព័ន្ធ​ណាមួយ​ចាត់ការ​លើ​សំណុំរឿង​ក្ដី​របស់​ប្រជាពលរដ្ឋ​ប្ដឹង​លោក​ប្រាក់​គឹម​សេង​នេះ​បានឡើយ​។​

​ទាក់ទង​នឹង​បញ្ហា​ខាងលើនេះ​ភ្នាក់ងារ​របស់​អង្គភាព​សារពត៌មាន​យើង​បាន​ព្យាយាម​ទាក់ទង​តាម​ទូរស័ព្ទ​ទៅ​លោក​ប្រាក់​គឹម​សេង​ជាច្រើនលើក​ច្រើនសា​ពេល​តេ​ចូល​គ្មាន​អ្នក​លើក​។

ប្រជាពលរដ្ឋ​បាន​ទទូច​ស្នើសុំ​ដល់​លោក​អភិបាលស្រុក​ទឹកផុស​លោក​ម៉េង ហាក់ជា​ពិសេស ឯកឧត្តម​ឈួ​រ​ច័ន្ទ​ឌឿ​ន​អភិបាល​នៃ​គណៈ​អភិបាលខេត្ត​កំពង់ឆ្នាំង​មេត្តា ជួយ​អន្តរាគមន៍​ដាក់​មន្ត្រី​មក​ស៊ើបអង្កេត​អោយបាន​ស៊ី​ជំរៅ ចំពោះ​រឿង​លោក​ប្រាក់​គឹម​សេង​នេះ​ផង​។​

​សូមបញ្ជាក់ថា​អាណាចក្រ​កំពង់ឆ្នាំង​នេះ​កើតរឿង​អាស្រូវ​ច្រើន​ដែល​ធ្វើអោយ​អាជ្ញាធរខេត្ត​ឈឺក្បាល​​។ បើ​និយាយ​រឿង​ទំនាស់​ដីធ្លី​វិញ​គឺជា​ប្រធានបទ​ក្ដៅគគុក​តែម្ដង ហើយ​ច្រើន​កើតចេញពី​ក្រុមមន្ត្រី​មានអំណាច មាន​លុយ​រំលោភ​យក​ប្រជាពលរដ្ឋ​លួច​លក់​អោយ​ឈ្មួញ​៖​ដូចជា​ដី​អធិការដ្ឋាន​ស្រុក​ជល​គី​រី ដី​អតីត​ទា​ហ៊ាន​K88​នៅ​ភ្នំ​បង្គោល​កី​ស្រី​ម៉ៅ​ក្នុង​ឃំ​ុ​ស្រែ​ថ្មី ស្រុក​រលាប្អៀរ ដី​អតីត​បន្ទាយ​យោធា​នៅ​ខាងក្រោយ​ទីតាំង​សាលាស្រុក​កំពង់ត្រឡាច និង​ដី​បឹង​ធម្មជាតិ​ឈ្មោះ​បឹង​សំរោង​ដែលមាន​ទីតាំងនៅ​ខា​លិច​ផ្សារ​ថ្នល់ទទឹង​ក្នុង​ឃំ​ុ​តា​ជេស ស្រុក​កំពង់ត្រឡាច​ជាដើម ដែល​ដី​ទាំងនោះ​ត្រូវបាន​គេ​ឃុបឃិត​ជា​ប្រព័ន្ធ​លួច​កល់​អោយ​ឈ្មួញ​អង្កន់​ពុះ​ឡូត៍​លក់​តំលៃ​រាប់ម៉ឺន​ដុល្លា​ក្នុង​១​ប្លង់ៗ​។

ដី​នៅ​ស្រុក​ទឹកផុស​រាប់ម៉ឺន​ហិច​តា​នៅក្នុង​ឃុំ​ជៀប​ដូចជា​ដី​នៅ​តំបន់ភ្នំ​សូរិយា​ចំណុច​រ៉ា​ក់​ចំបក់ ដី​ចំណុច​ច្រ​ម៉ុះ​ជ្រូក ដី​ចំណុច​អន្លុង​ជ្រូក ដី​ចំ​ណុ​អូ​នាល ដែលជា​ដី​សហគមន៍​ដែល​ការពារ​ដោយ​ព្រះរាជ​ក្រិត​ត្រូវបាន​ពួក​ឈ្មួញរ​ស៊ី​រៀប​ដី​លក់​ឃុបឃិត​គ្នា​ជាមួយ​អាជ្ញាធរ​មូលដ្ឋាន​រំលោភ​យក​ដី​រដ្ឋ​ទាំងនោះ​លក់​អោយ​ឈ្មួញ​អស់​ផងដែរ​។​

ប្រភពពី​ប្រជាពលរដ្ឋ​បាន​បង្ហើប​អោយដឹងថា មេ​ឈ្មួញ​ល្បីៗ​ដែល​ពូកែ​ខាង​រកស៊ី​រៀប​ដី​លក់​នៅ​ឃុំ​ជៀប​រាល់ថ្ងៃ​មានឈ្មោះ ប្រាក់ គឹម​សេង ឈ្មោះ នុត មឺ​យ ឈ្មោះ​នុត រ៉ា​(​ស្រី​)​បុគ្គល​ទាំង​ប៉ុន្មាន​នាក់​ខាងលើ​គឺជា​ជើង​ខ្លាំង​ខាង​អូសទាញ​ទាក់ទង​ម៉ូយ​ធំៗ​អោយ​ទំលាក់​លុយ​អោយមក​ទិញ​ដី​នៅ​តំបន់​ខាងលើ​។ ឈ្មួញ​ធំៗ​ទាំងនោះ​មកពី​ភ្នំពេញ​ដែលមាន​ងារ​និង​ឋានន្ត​តរ​ស័ក្ដិ​សុទ្ធតែ​ឯកឧត្តម សុទ្ធតែ​ឧក​ញ្ញ៉ា​ពាក់​សុទ្ធតែ​ផ្កាយ​ចាប់ពី​ផ្កាយ​៣​ឡើង​។​a brak kimseng a brak kimseng3 a brak kimseng2