វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 141 នាក់
ម្សិលមិញ 4563 នាក់
សរុប 14167517 នាក់
វៀតណាម៖ អ្នកនៅប្រតយត្ន័យផងនៅ នៅទីក្រុងហូជីមិញ ទីក្រុងញ៉ាត្រាង ទីក្រុងកាន់ថឺ( Can Tho) និងទីក្រុងកាម៉ាវ( Ca Mau) ប្រទេសវៀតណាមសន្ទស្សន៍កាំរស្មី វិទ្យុសកម្មយូវី នឹងឡើងដល់កម្រិតហានិភ័យខ្ពស់គឺពី ១០ឡើងទៅ។
កាសែត Vietnam News ចេញផ្សាយថ្ងៃទី១៧ ខែកុម្ភៈ ឆ្នាំ២០២១ បានឱ្យដឹងថាក្រៅពីតំបន់ខាងលើនេះ នៅខេត្តធឿធៀនហ្វេ(Thua Thien Hue) និងទីក្រុងដាណាង សន្ទស្សន៍កាំរស្មី វិទ្យុសកម្មយូវី ក៏នឹងឡើងដល់កម្រិតហានិភ័យខ្ពស់គឺ ៨ ហើយវានឹងកើតមានភាគច្រើនមាននៅចន្លោះម៉ោង ១១ព្រឹក ដល់ ១រសៀល។
ទាក់ទងបញ្ហានេះដែរ ស្ថានឯកអគ្គរាជទូតកម្ពុជា ប្រចាំនៅប្រទេសវៀតណាម បានប្រាប់ដល់ និស្សិត សិក្ខាកាម យោធា នគរបាល និងប្រជាពលរដ្ឋកម្ពុជា កំពុងមានវត្តមានក្នុងប្រទេសវៀតណាម ពិសេសនៅទីក្រុងហូជីមិញ និងខេត្តភាគខាងត្បូងមួយចំនួនឲ្យមានការប្រុងប្រយ័ត្ន ចាប់ពីថ្ងៃនេះ ទី១៧កុម្ភៈរហូតដល់ថ្ងៃសុក្រចុងសប្តាហ៍នេះ។
សេចក្តីជូនដំណឹងបន្តថា ចំពោះសន្ទស្សន៍កាំរស្មីវិទ្យុសកម្មយូវី ពី ៨ ទៅ ១០ មានន័យថា ជាកម្រិតកាំរស្មីយូវីខ្លាំង អាចឆ្លងកាត់ពពក វ៉ែនតា និងធ្វើឱ្យរលាកក្នុងរយៈពេល ២៥នាទី។ សន្ទស្សន៍ចាប់ពី ១១ឡើងទៅ ជាកាំរិតកាំរស្មីយូវីខ្លាំងណាស់ អាចបង្កឱ្យខូចខាតស្បែក និងភ្នែក ក្នុងរយៈពេល ១៥នាទី បើប៉ះពាល់ផ្ទាល់នឹងពន្លឺព្រះអាទិត្យ។
ដូច្នេះ និស្សិត សិក្ខាកាម និងប្រជាពលរដ្ឋកម្ពុជា កំពុងមានវត្តមាននៅប្រទេសវៀតណាម ពិសេសនៅតាមខេត្ត និងក្រុងដូចមានរាយឈ្មោះខាងលើ ត្រូវមានការប្រុងប្រយ័ត្ន ការពារ ដោយត្រូវស្លៀកសម្លៀកបំពាក់ការពារកំដៅ, បាំងមុខ, ក, ត្រចៀក និងពាក់វ៉ែនតាការពារពន្លឺព្រះអាទិត្យ លាបឡេការពារស្បែក នៅពេលចេញក្រៅ ទោះបីពេលមានពពក និងត្រូវទទួលទានទឹកឱ្យបានច្រើន និងមានវីតាមីន C បំប៉នបន្ថែមឱ្យបានគ្រប់គ្រាន់ និងយកចិត្តទុកដាក់ការពារសុខភាពឱ្យបាន ហ្មត់ចត់ ជៀសវាងការឆ្លងជំងឺកូវីដ-១៩។ ក្នុងករណីបន្ទាន់ សូមទំនាក់ទំនងផ្នែកកុងស៊ុល +៨៤ ៩៦ ៥៧៥៦៥៧២៕។
សូមបញ្ជាក់ថា៖នៅកម្ពុជាក្រសួងធន ធានទឹក និងឧតុនិយមបានចេញ នូវសេចក្តីជូនដំណឹងដោយ បានសន្និដ្ឋានថា ប្រទេសកម្ពុជា មិន ទាន់មានសភាព ធ្ងន់ធ្ងរពីឥទ្ធិពល នៃកាំរស្មីយូវី ( UV ) នៅឡើយទេ ហើយអាស៊ីតទឹកភ្លៀងក៏មិនទាន់ធ្ងន់ធ្ងរនោះដែរ ។