» អាមេរិក​កាត់បន្ថយ​ការ​កៀស​ង្ក​តដល់​ក្រុមហ៊ុន​បច្ចេកវិទ្យា​ចិន » នគរបាលដក​កាំភ្លើង​គម្រាម​ម្ចាស់​ហាង​ប្តឹង​ទា​១០​ម៉ឺន​ដុល្លារ​លេង​! » រដ្ឋបាល​រាជធានី​ភ្នំពេញ រៀប​ការ៉ូឡា នៅលើ​ចិញ្ចើម មហាវិថី​សហព័ន្ធរុស្ស៊ី ចាប់ផ្ដើម​ពី​ស្ពាន​អាកាស​ផ្សារ​ដី​ហុយ ដល់​ពោធិចិនតុង​សម្រេចបាន​ស្ទើរ ១០០%​ហើយ​ » វី​ធី​ដែល​ធ្វើ​ឲ្យ​អ្នកនាង​គង់​សុជាតិ​សំពះ​គឺ​លោក​ជា​វិបុល​ចូល សាង​ផ្នួស​បួស​ជា​ព្រះសង្ឃ​!!?​ » សេដ្ឋី​ចិន​ដែល​ហ៊ាន​រិះគន់​ប្រធានាធិបតី​ចិន​មួយជីវិត​លោក​ស៊ី​ជិ​ង​ពីង​ត្រូវ​ជាប់គុក​១៨​ឆ្នាំ​ » មើល​ឈុត​សម្លៀកបំពាក់​តំណាង​ជាតិ​សម្រាប់ Miss planet Cambodia ២០២០ ! » លោក យ៉ែ​ន សុ​យ៉ា​ចាងហ្វាង​ការផ្សាយ កាសែត​ហ៊ី​រ៉ូ​មែន​ញូ​បែកគំនិត​ជួញដូរ​គ្រឿងញៀន​ត្រូវ​ឃាត់ខ្លួន​! » ភ្លើង​ប្រចណ្ឌ​ឆេះ​ចាក់​ប្ដី​ខ្លួនឯង​សម្លាប់ចោល​ពេល​នៅ​ជាមួយ​ស្រី​កំណាន់​! » ប្រទេស​ជប៉ុន​បង្កើន​ថិ​វិកា​ការពារជាតិ​សម្រាប់​ឆ្នាំ​២០២១ » សង្ឃ​មួយអង្គ ធ្វើអត្តឃាត​ដុត​ខ្លួនឯង នៅ​ក្រុង​បាត់ដំបង​ » ម្តាយ​និង​កូនស្រី រង គ្រោះ ប្រាប់ថា ឪពុក ធ្លាប់ វា យ ធ្វើ​បា ប មិន​ក្រោម​១០០០​ដង​ទេ ហើយ​បង្ខំ​អោយ​រកលុយ​ឲ្យ ទៀត​! » ក្រុមហ៊ុន ហាន់​ស៊ីង​(HanShin) ធ្វើ​ផ្លូវជាតិ​លេខ​៥ ពី​កំពង់ឆ្នាំង​-​ខេត្តពោធិ៍សាត់ ជិត​៣​ឆ្នាំ​ហើយ ដូចជា​គ្រាន់តែ​ស្ទាបៗ​ប៉ុណ្ណោះ​!! » លោក រដ្ឋា វិសាល អតីត​បុគ្គលិក​វិទ្យុ​អាស៊ីសេរី ចេញមុខ​ការពារ​លោក ហ៊ុន ម៉ា​ណែ​ត ហើយ​ទម្លាយ​ថា អាស៊ីសេរី​បម្រើ​វិស័យ​នយោបាយ​សម្ងាត់ ក្នុង​គោលដៅ​ផ្តួលរំលំ​រាជរដ្ឋាភិបាល » ប៉េអឹម​ទំនើង​បាញ់បោះ​សេរី​វាយ​ក្បាល​ពលរដ្ឋ​និង​ស្នាប់​កាំភ្លើង​អត់​មានទោស​! » កម្ពុជា​ប្រតិកម្ម​ចំពោះ​សម្តី​សមាជិកសភា និង​ឧបការី​រដ្ឋមន្ត្រីការបរទេស​អាមេរិក

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 5483 នាក់

ម្សិលមិញ 8003 នាក់

សរុប 5889323 នាក់

និស្សិត​ខ្មែរ​២៣​នាក់​ដេក​ក្នុងផ្ទះ​នៅ​ក្រុង​វូ​ហាន​រង់ចាំ​ការជួយ​ឲ្យ​វិល​មក​ស្រុក​ខ្មែរ​

 


​ចិន​៖​ពី​ទីក្រុង​វូ​ហាន លោក ប៉ែន​បារាំង​និស្សិត​ខ្មែរ​នៅ​ក្រុង​វូ​ហាន​តំបន់​ដែលជា​ប្រភព​ឆ្លង​ជម្ងឺ​បណ្តា​លពី​វីរុស​កូ​រ៉ូ​ណា បាន​អះអាង​ប្រាប់​វិ​ទ្យ​ថា គម្រោង​ត្រឡប់មកផ្ទះ​វិញ​របស់​ពួកគេ​គឺ​មានការ​ជ្រោមជ្រែង​ពី​ប្រមុខ​រដ្ឋាភិបាល​លោក ហ៊ុន សែន និង​ស្ថានទូត​ខ្មែរ​ប្រចាំ​នៅ​ទីក្រុង​ប៉េកាំង​។a khmer vohan

ប៉ុន្តែ នៅ​មិនទាន់​ដឹង​ទេ​ថា លោក​ធ្វើដំណើរ​មក​ប្រទេស​កម្ពុជា​ដោយ​របៀប​ណា បន្ទាប់ពី​ជើងហោះហើរ​ពី​ទីក្រុង​ហ្វូ​ហាន​មក​កម្ពុជា​ត្រូវបាន​ផ្អាក​ជា​បណ្តោះអាសន្ន​ទៅហើយ ។ និស្សិត​ខ្មែរ​រូបនេះ បាន​អំពាវនាវ​ឲ្យ​ស្ថាប័ន​ជួយ​ព​ន្លឿ​ន​នីតិវិធី​ដើម្បី​បញ្ជូន​លោក និង​អ្នកដទៃ​មក​កម្ពុជា​ឲ្យ​បាន​ឆាប់​តាម​ដែល​អាចធ្វើ​ទៅបាន​។

​លោក ប៉ែន បារាំង បាន​អះអាងថា ក្រៅពី​កម្ពុជា ប្រទេស​ក្នុង​តំបន់​អាស៊ាន​ដែលមាន​និស្សិត​កំពុង​សិក្សា​នៅ​វូ​ហាន ក៏​ត្រៀម​ទទួលយក​និស្សិត​របស់​ពួកគេ​ត្រឡប់ទៅផ្ទះ​វិញ​ក្នុងពេល​ឆាប់ៗ​ផងដែរ​។ សម្រាប់​លោក​បារាំង អំឡុងពេល​ប្រឈម​ជាមួយនឹង​ការរីក​រាតត្បាត​មេរោគ​កូ​រ៉ូ​ណាវី​រុស មន្ត្រី​ស្ថានទូត​ខ្មែរ​ប្រចាំ​នៅ​ទីក្រុង​ប៉េកាំង​បាន​ទូរ​សព្ទ​មក​សួរសុខទុក្ខ និង​ប្រាប់​ពី​របៀប​ការពារ​ខ្លួន​។ របៀប​ការពារ​ខ្លួន​ដែល​លោក​បារាំង កំពុងតែ​អនុវត្ត​រាល់ថ្ងៃ​គឺ​ពាក់​អាវធំ​និង​ម៉ាស់​បិទ​ច្រមុះ ហើយ​និស្សិត ស្ថិត​នៅតែ​ក្នុង​បន្ទប់​រៀងៗ​ខ្លួន ព្រមទាំង​ត្រូវ​ជូនដំណឹង​ទៅ​អាជ្ញាធរ​ជា​រៀងរាល់ថ្ងៃ អំពី​ស្ថានភាព​សុខភាព​របស់ខ្លួន​។​

ឯ​និស្សិត ចាន់ថន រស្មី កំពុង​សិក្សា​ថ្នាក់បរិញ្ញាប័ត្រ​វិស្វកម្ម​មេកានិច​នៅ​សាកលវិទ្យាល័យ​វិទ្យាសាស្ត្រ និង បច្ចេកវិទ្យា Huazhong នៃ​ទីក្រុង​វូ​ហាន​បាន ប្រាប់ថា​ដោយ​តែមាន​ការបារម្ភ​ពី​ការឆ្លង​នៃ​កូ​រ៉ូ​ណាវី​រុស គាត់ និង​មិត្ត​ភ័​ក្រ បាន​ទិញ​សំបុត្រ​យន្តហោះ​ថា​នឹង​ចាក​ចេញពី​ទីក្រុង​វូ​ហាន​នៅ​ថ្ងៃទី​២៤ ខែមករា ប៉ុន្តែ​មិនទាន់​ដល់ពេល​ចេញមក​ផង​រដ្ឋាភិបាល​ចិន​បានប្រកាស​បិទ​ជើងហោះហើរ​ចេញពី​តំបន់​នេះ​បាត់ទៅហើយ​។​«​មុន​ហ្នឹង​រដ្ឋាភិបាល​ចិន​ប្រកា​សបិទ​ក្រុង​វូ​ហាន ឬ​ព្រលានយន្តហោះ​ហ្នឹង ខ្ញុំ​បាន​ទិញ​សំបុត្រ​យន្តហោះ​រួចហើយ​គឺ​តាម​គម្រោង​គឹ​នឹង​ហោះ​ចេញពី​ទីក្រុង​វូ​ហាន​នៅ​ថ្ងៃទី​២៤ (​ខែមករា​) នៅវេលា​ម៉ោង​៧ កន្លះ​ព្រឹក​។ ប៉ុន្តែ​ជា​អកុសល​បន្ទាប់ពី​យើង​ទិញ​សំបុត្រ​យន្តហោះ​ហើយ ស្អែក​ឡើង​រដ្ឋាភិបាល​ចិន បានប្រកាស​បិទ​ព្រលានយន្តហោះ​តែម្តង​។ អ៊ីចឹង​ហើយ​យើង​ធ្វើ​ឲ្យ​យើង​មានការ​កត់​ស្ល​ត់​។​»

​ក្រោយពី​ក្រុង​វូ​ហាន​ត្រូវបាន​បិទ បញ្ហា​ធំ​មួយទៀត​សម្រាប់​និស្សិត​ខ្មែរ​នៅ​ទីនោះ​គឺ​បញ្ហា​ម្ហូប​បរិភោគ​ប្រចាំថ្ងៃ​។ និស្សិត​រូបនេះ បន្តថា​គាត់​បាន​ទិញ​ម្ហូប​មក​ទុក​ខ្លះ ហើយ​មាន​ម្ហូប​មួយចំនួន​ដូចជា​ត្រីងៀត សាច់គោ​ងៀត​ដែល​យកទៅ​ពី​ប្រទេស​កម្ពុជា​។​​រស្មី ថា​រហូតមក​ដល់ពេលនេះ​ស្ថានទូត​ខ្មែរ​ហាក់​មិនទាន់មាន​ចំណាត់ការ​ណាមួយ​ដើម្បី​ជួយ​ពួកគេ​ដែល​កំពុង​ជាប់​ក្នុង​ក្រុង​វូ​ហាន​នៅឡើយ​ទេ ក្រៅពី​តែ​ការផ្តែផ្តាំ​តាមរយៈ​សមាគមនិស្សិត​ឲ្យ​ពួកគេ​ថែទាំ​ខ្លួន ថែរក្សា​សុខភាព និង​ប្រយ័ត្នប្រយែង​ជាង​មុន​។ បើតាម​រស្មី និស្សិត​ខ្មែរ​ដែល​កំពុងស្នាក់នៅ​ក្នុង​ក្រុង​វូ​ហាន​មាន​ចំនួន​២០​នាក់​។​សូម​បញ្ជាក់ដែរថា​ស្រុក​ចិន​មាន​និស្សិត​ខ្មែរ​ជា​២៤០០​នាក់​នៅ​រៀនសូត្រ​។​តែ​សមណាងល្អ​ពួកគេ​ប្រមាណ​៧០​ភាគរយ​បានមក​លេង​ស្រុក​បាន​មុន​។​

 សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា បាន​ផ្ញើ​សារ​អំពាវនាវ ឲ្យ​ពលរដ្ឋ​ចូលរួម​ទប់ស្កាត់ ជំងឺឆ្លង​តាមផ្លូវ​ដង្ហើម​ថ្មី ដែលមាន​ឈ្មោះថា កូ​រ៉ូ​ណា (Corona) ដែល​កំពុង​រាតត្បាត នៅ​ប្រទេស​ចិន ។​​បច្ចុប្បន្ន​ជំងឺ​នេះ​ប​ច្ចប្ប​ន្ន បាន​មកដល់​ប្រទេស អាមេរិក​, អូស្ត្រាលី​, កាណាដា​, បារាំង​, នេ​ប៉ាល់​, ជប៉ុន​, សិង្ហបូរី​, កូរ៉េខាងត្បូង​, តៃវ៉ាន់​, ថៃ​, វៀតណាម និង​ម៉ាឡេស៊ី​ហើយ​។ ក្នុងនោះ​គិត​ត្រឹម​ថ្ងៃទី​២៦​មករា មាន​អ្នកស្លាប់​៥៦​នាក់ និង​អ្នក​ឆ្លង​ប្រមាណ​ជា ២​ពាន់​នាក់​។

​អាការៈរោគ​គឺមាន ផ្តាសាយ ហៀរ​សំបោរ ក្អក ឈឺក្បាល ក្តៅខ្លួន​ខុសប្លែក​ខុសពី​ធម្មតា ដូច្នេះ​អាច​ប្រើ​ម៉ាស​ពាក់​ការពារ​ច្រមុះ និង​លាងដៃ​សម្អាត ជាមួយ​សាប៊ូ ឬ​អាល់កុល​សម្លាប់​មេរោគ ឲ្យ​បាន​ញឹកញាប់​។ កុំ​នៅក្បែរ​អ្នក​ដែលមាន​អាកា​រៈ រោគ​ខាងលើ និង​កុំ​នៅ​ជិត សត្វ​ពាហា​នៈ ឬ​កសិដ្ឋាន​ចិញ្ចឹមសត្វ​។ ត្រូវ​ញាំ​ម្ហូបអាហារ ដែល​ចម្អិន​ឆ្អិន គ្រប់ពេលវេលា​។

​ក្រសួងសុខាភិបាល​កម្ពុ​ជា​បាន​បន្ត​ធានាថា មិនទាន់មាន​ករណី​ជំងឺ​រលាក​សួត​បង្កដោយ​មេរោគ​កូ​រ៉ូ​ណា​វីរុស​នៅឡើយ​ទេ គិត​មកដល់​នៅ​ថ្ងៃអាទិត្យ​នេះ​។ អ្នកនាំពាក្យ​ក្រសួងសុខាភិបាល​កម្ពុជា លោក​លី សុវណ្ណ បាន​បញ្ជាក់ថា កម្ពុជា​គ្រាន់តែ​មានការ​សង្ស័យ​លើ​ជនជាតិ​ចិន និង​ជនជាតិខ្មែរ​មួយចំនួន ហើយ​នាំយកទៅ​ពិនិត្យ ប៉ុន្តែ​មិនទាន់មាន​ឆ្លង​មេរោគ​រលាក​ផ្លូវដង្ហើម​ថ្មី កូ​រ៉ូ​ណាវី​រុស នៅឡើយ​ទេ​។

a khmer vohan1 ​ក្រសួងសុខាភិបាល​ក៏បាន​ជម្រុញ​ឲ្យ​ពលរដ្ឋ មានការ​ប្រុងប្រយ័ត្ន​ខ្ពស់​ចំពោះ​ការការពារ​ខ្លួន ដូចជា​ត្រូវ​ពាក់​ម៉ាស់ លាងដៃ​នឹង​សាប៊ូ​ជាប្រចាំ និង​មិនត្រូវ​បរិភោគ​សាច់សត្វ​ឆៅ​ជាដើម​។ ហើយ​ប្រសិនបើ​មាន​ករណី​សង្ស័យ​ណាមួយ ពលរដ្ឋ​អាច​ទូរស័ព្ទ​សាកសួរ​ព័ត៌មាន​ទៅកាន់​លេខ ១១៥ ដោយ​មិន​គិតថ្លៃ ជា​រៀងរាល់​ម៉ោង​៕