គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 8669 នាក់

ម្សិលមិញ 9639 នាក់

សរុប 20698840 នាក់

គម្រោងចែងវ៉ាក់សាំងប្រឆាំងកូវិត១៩របស់អង្គការសុខភាពពិភពលោក

21-September-2026 / ព័ត៌មានអន្តរជាតិ

អង្គការសហប្រជាជាតិ៖នៅថ្ងៃពុធ ទី៣ កុម្ភៈអង្គការសុខភាពពិភព( WHO) បានផ្សព្វផ្សាយនូវបញ្ជីឈ្មោះប្រទេសដែលនឹងទទួលបានវ៉ាក់សាំងបង្ការកូវីដ១៩ តាមរយៈយន្តការកូវ៉ាក់ (Covax) ។ a co who

តាមរយៈយន្តការកូវ៉ាក់របស់ខ្លួនអង្គការសុខភាពពិភពលោក គឺចែកចាយវ៉ាក់សាំងប្រមាណជាជាង ៣៣៧លានដូសទៅឲ្យ ១៤៥ប្រទេសនៅក្នុងរយៈពេល ៦ខែដើមឆ្នាំ ២០២១ នេះ។ នៅក្នុងចំណោម ១៤៥ប្រទេសនេះ មានភាគច្រើនជាប្រទេសក្រីក្រដែលមានចំណូលតិច និងមធ្យម។ ការបែងចែកវ៉ាក់សាំងនឹងត្រូវធ្វើឡើងជាលក្ខណៈសមាមាត្រដោយផ្អែកលើចំនួនពលរដ្ឋរបស់ប្រទេសនីមួយៗ។

ប្រទេសដែលនឹងទទួលបានវ៉ាក់សាំងច្រើនជាងគេពីយន្តការកូវ៉ាក់មានឥណ្ឌាចំនួន ៩៧ ២០០ ០០០ដូស ប៉ាគីស្ថានចំនួន ១៧ ២០០ ០០០ដូស នីហ្សេរីយ៉ាចំនួន ១៦ ០០០ ០០០ដូស ឥណ្ឌូណេស៊ីចំនួន ១៣ ៧០០ ០០០ដូស បង់ក្លាដែសចំនួន ១២ ០០០ ០០០ដូស និងប្រទេសប្រេស៊ីលចំនួន ១០ ៧០០ ០០០ដូស។ វៀតណាមនឹងទទួលបានជិត ៤ ៩០០ ០០០ដូស ហើយកម្ពុជានឹងទទួលបានជិត ១ ៣០០ ០០០ដូស។ គួរបញ្ជាក់ថា ក្នុងចំណោមប្រទេសដែលស្ថិតក្នុងបញ្ជីឈ្មោះទទួលវ៉ាក់សាំងបង្ការកូវីដ១៩ ពីយន្តការកូវ៉ាក់របស់ WHO មានភាគច្រើនក៏បានចំណាយលុយទិញវ៉ាក់សាំងខ្លួនឯង ហើយមានប្រទេសខ្លះថែមទាំងបានចាប់ផ្តើមចាក់វ៉ាក់សាំងទៀតផង។

ទោះជាយ៉ាងណា វ៉ាក់សាំងទាំងជាង ៣៣៧លានដូសដែល WHO សង្ឃឹមមានសម្រាប់ ៦ខែដើមឆ្នាំ ២០២១ នេះនៅមិនគ្រប់គ្រាន់ដើម្បីចាក់ទៅលើពលរដ្ឋទាំង ១៤៥ប្រទេសបានឡើយ។ អ៊ីចឹងហើយបានជា WHO បានស្នើឲ្យប្រទេសដែលនឹងទទួលវ៉ាក់សាំងនាពេលខាងមុខចាក់លើក្រុមមនុស្សអាទិភាពមុនគេ ពិសេសក្រុមមនុស្សងាយរងគ្រោះខ្លាំង និងក្រុមបុគ្គលិកបម្រើការក្នុងមន្ទីរពេទ្យ ឬសេវាសុខភាព។តាមការគន់គូររបស់ WHO វ៉ាក់សាំងទាំងជាង ៣៣៧លានដូសដែលអាចទទួលបានក្នុង ៦ខែដើមឆ្នាំ ២០២១ អាចចាក់បានមនុស្សប្រមាណជា ៣,៣% នៃចំនួនប្រជាជនសរុបនៅក្នុង ១៤៥ប្រទេស។ តែមកទល់ពេលនេះ គឺទើបមានតែវ៉ាក់សាំងរបស់មន្ទីរពិសោធន៍ Pfizer-BioNTech មួយគត់ដែល WHO បានអនុញ្ញាតឲ្យប្រើ។

នៅពេលខាងមុខ WHO នឹងអនុញ្ញាតឲ្យប្រើវ៉ាក់សាំងរបស់មន្ទីរពិសោធន៍ផ្សេងទៀត ពិសេស AstraZeneca។ តែក្នុងពេលរង់ចាំ WHO ទើបមានវ៉ាក់សាំងក្នុងដៃតែចំនួន ១លាន ២សែនដូសប៉ុណ្ណោះដែលជាវ៉ាក់សាំងរបស់មន្ទីរពិសោធន៍ Pfizer-BioNTechគឺជាចំនួនតិចតួចបំផុត បើធៀបនឹងចំនួនប្រទេសដល់ទៅ ៧២ប្រទេសដែលចង់បានវ៉ាក់សាំងភ្លាមៗ។ជាដំបូង WHO បានធ្វើការជ្រើសរើស និងសម្រេចចែកចាយឲ្យតែ ១៧ប្រទេសដំបូងនៅក្នុង ៣ខែដើមឆ្នាំ ២០២១ នេះ។ ជម្រើសយក ១៧ប្រទេសដំបូងបានធ្វើឡើងផ្អែកលើកត្តាមួយចំនួន ដូចជាការពិនិត្យមើលលើអត្រាស្លាប់បុគ្គលិកពេទ្យនៅក្នុងប្រទេសនីមួយៗ ។

ក្នុងចំណោម ១៧ប្រទេសដែលនឹងទទួលបានវ៉ាក់សាំងនា ៣ខែដើមឆ្នាំ ២០២១ រួមមាន ដែនដីប៉ាឡេស្ទីនចំនួន ៣៧ ៤៤០ដូស ហើយប្រទេសកូឡុំប៊ី ប៉េរូ អ៊ុយក្រែន ហ្វីលីពីន អាហ្វ្រិកខាងត្បូង និងប្រទេសកូរ៉េខាងត្បូងទទួលបានម្នាក់ៗចំនួន ១១៧ ០០០ដូស។ បន្ទាប់មកនៅមានប្រទេសហ្សកហ្ស៊ី រវ៉ាន់ដា ម៉ុលដាវី ឬមួយក៏ប្រទេសឥណ្ឌូណេស៊ី។

WHO និង Gavi បានយល់ឃើញថា សាមគ្គីភាពជាមួយក្រុមប្រទេសក្រីក្រជារឿងចាំបាច់មិនអាចខ្វះបានដើម្បីប្រឆាំងនឹងកូវីដ១៩។ មានជាង ១៨០ប្រទេសបានចូលរួមជាមួយយន្តការកូវ៉ាក់ និងមានការរួមសហការពីមន្ទីរពិសោធន៍ចំនួន ៩ ក្នុងចំណោមបេក្ខជនវ៉ាក់សាំងបង្ការកូវីដ១៩។ WHO និង Gavi សង្ឃឹមទទួលបានវ៉ាក់សាំងបង្ការកូវីដ១៩ ចំនួន ២ ០០០លានដូសពីពេលនេះទៅដំណាច់ឆ្នាំ ២០២១ ក្នុងនោះ មានជិតពាក់កណ្តាលនឹងយកទៅជួយប្រទេសចំនួន ៩២ប្រទេសដែលក្រខ្លាំងជាងគេក្នុងលោក។

គួររម្លឹកថាមកទល់ពេលនេះ គឺទើបតែមានវ៉ាក់សាំងផលិតដោយមន្ទីរពិសោធន៍ Pfizer-BioNTech មួយគត់ដែល WHO បានអនុញ្ញាតឲ្យប្រើ។ បន្ទាប់ពីវ៉ាក់សាំងរបស់ Pfizer-BioNTech គឺវ៉ាក់សាំងរបស់ AstraZeneca ដែល WHO នឹងអនុញ្ញាតឲ្យប្រើនាពេលខាងមុខ។
(ដក ស្រង់ពីវិទ្យុបារាំង) a co who2