សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

ជាច្រើនទៀត

ចំនួនអ្នកទស្សនា

ថ្ងៃនេះ 3895 នាក់

ម្សិលមិញ 5020 នាក់

សរុប 14119342 នាក់

ឧត្តមស្នងការសិទ្ធិមនុស្ស អំពាវនាវឲ្យរដ្ឋាភិបាលថៃ កែប្រែច្បាប់ ប្រមាថព្រះមហាក្សត្រ

27-March-2024 / ព័ត៌មានអន្តរជាតិ

ថៃ៖ នៅថ្ងៃទី១៨ ខែធ្នូ ឆ្នាំ២០២០ ឧត្តមស្នងការសិទ្ធិមនុស្សអង្គការសហប្រជាជាតិ (OHCHR) បានអំពាវនាវឲ្យរដ្ឋាភិបាលថៃ កែប្រែច្បាប់ដាក់ទោសអ្នកប្រមាថព្រះមហាក្សត្រ។ ឧត្តមស្នងការសិទ្ធិមនុស្សអង្គការសហប្រជាជាតិលើកឡើងថា៖ ច្បាប់នេះ ត្រូវបានយកមកប្រើដើម្បីចោទប្រកាន់សកម្មជន និងបាតុករយ៉ាងហោចណាស់៣៥នាក់ នៅប៉ុន្មានសប្តាហ៍ចុងក្រោយនេះ។ បាតុករថៃ កាលពីថ្ងៃ១០ធ្នូកន្លងទៅ បានជួបជុំមុខការិយាល័យUN នៅទីក្រុងបាងកក ដើម្បីឲ្យស្ថាប័នអន្តរជាតិ ដាក់សម្ពាធលើរដ្ឋាភិបាលថៃឲ្យលុបច្បាប់នេះចោល។ a thai demont2

ឧត្តមស្នងការសិទ្ធិមនុស្សអង្គការសហប្រជាជាតិ ថា៖ ការដាក់ទោសបែបនេះ គឺជាការបំពាន់លើសេរីភាព ក្នុងការបញ្ចេញមតិ។ ជាមួយគ្នានេះ OHCHR ក៏កត់សម្គាល់ថា ថៃក៏បានចោទប្រកាន់បាតុករ ដោយប្រើច្បាប់បះបោរ និងបទល្មើសកុំព្យូទ័រផងដែរ។បើយោងតាមទីភ្នាក់ងារព័ត៌មានReuters បានដកស្រង់ការលើកឡើង របស់លោកស្រី Ravina Shamdasani អ្នកនាំពាក្យ OHCHR នៅទីក្រុងហ្សឺណែវ ថា៖«យើងអំពាវនាវឲ្យរដ្ឋាភិបាលថៃ បញ្ឈប់ការចោទបាតុករ ដោយបទចោទព្រហ្មទណ្ឌធ្ងន់ធ្ងរ ទៅលើបុគ្គលដែលអនុវត្តសេរីភាពក្នុងការបញ្ចេញមតិ និងការជួបជុំដោយអហិង្សា»។ ដូចគ្នានេះដែរ លោកស្រីMichelle Bachelet ប្រធាន OHCHR ក៏ទទូចឲ្យរដ្ឋាភិបាលថៃ កែប្រែច្បាប់នេះ ដើម្បីឲ្យស្របតាមសេរីភាពនៃការបញ្ចេញមតិ។

ចំណែកលោកTanee Sangrat អ្នកនាំពាក្យក្រសួងការបរទេសថៃ ដើម្បីឆ្លើយតបទៅនឹងការទាមទារនេះ ក៏បាននិយាយថា ច្បាប់ដាក់ទោសអ្នកប្រមាថព្រះមហាក្សត្រ ពុំមានគោលដៅក្នុងការរឹតបន្តឹងសេរីភាព ក្នុងការបញ្ចេញមតិឡើយ។ អ្នកនាំពាក្យដដែល អះអាងថា ច្បាប់នេះស្រដៀងទៅនឹងច្បាប់ស្តីពីបទបរិហាកេរ្តិ៍។
អ្នកនាំពាក្យក្រសួងការបរទេសថៃរូបនេះ លើកឡើងបន្ថែមថា ក្នុងរយៈពេលប៉ុន្មានខែចុងក្រោយនេះ បាតុករត្រូវបានចាប់ខ្លួន មិនមែនមកពីការអនុវត្តសិទ្ធិសេរីភាពក្នុងការបញ្ចេញមតិ និងជួបជុំតែមួយមុខប៉ុណ្ណោះទេ។ លោកបន្តថា បាតុករត្រូវបានចាប់ខ្លួន ដោយសារបំពានទៅលើច្បាប់ថៃដទៃទៀតហើយមួយភាគធំ ត្រូវបានដោះលែងរួចទៅហើយ។

បាតុកម្មនៅប្រទេសថៃ បានផ្ទុះឡើងនៅខែកក្កដា ឆ្នាំ២០២០នេះ ដោយក្រុមបាតុករ ទាមទារឲ្យនាយករដ្ឋមន្ត្រីថៃ លោកប្រាយុទ្ធ ចាន់អូចារ ចុះចេញពីតំណែង និងបង្កើតរដ្ឋធម្មនុញ្ញថ្មី ដែលមានលក្ខណៈប្រជាធិបតេយ្យ ជាងរដ្ឋធម្មនុញ្ញបច្ចុប្បន្ន ដែលត្រូវបានតាក់តែងក្រោយរដ្ឋប្រហារឆ្នាំ២០១៤។
ខណៈដែលក្រុមបាតុករភាគច្រើនជានិស្សិត និងយុវជន ក៏ទាមទារផងដែរ ឲ្យមានកំណែទម្រង់របបរាជានិយម។ រីឯក្រុមបាតុករ ទាមទារឲ្យមហាក្សត្របោះបង់ការកាន់កាប់ទ្រព្យសម្បត្តិផ្ទាល់ខ្លួនមួយចំនួន ដែលតាមការប៉ាន់ស្មាន មានតម្លៃពី៣០ពាន់លាន ទៅ៤០ពាន់លានដុល្លារ។បច្ចុប្បន្នសកម្មភាពធ្វើបាតុកម្មត្រូវបានផ្អាកព្រោះចូលឆ្នាំសកលនិងត្រូវប្រឡងតែពួកគេសន្យាថានឹងវិលមកវិញនៅឆ្នាំថ្មីរួច៕ a brayut demo6 a brayut demo2 a thai demoa