មេដឹកនាំប៉ាឡេស្ទីន ថ្លែងអំណរគុណដល់ប្រធានាធិបតីចិន ចំពោះជំនួយមនុស្សធម៌ ១០០លានដុល្លារក្នុងពេលអ៊ីស្រាអែលនៅបន្តវាយប្រហារ

ប៉ាឡេស្ទីន៖ទោះបីមានកិច្ចព្រមព្រៀងសន្តិភាពក៏ដោយក៏អ៊ីស្រាអ៊ែលនៅ បានវាយប្រហារប្រហារលើជំរំជនភៀសខ្លួនក្នុងទីក្រុងខាន់យូនីស (Khan Younis) ភាគខាងត្បូងតំបន់ហ្គាហ្សា កាលពីយប់ថ្ងៃពុធ ទី៣ ខែធ្នូ ឆ្នាំ ២០២៥បណ្តាលឲ្យមានទអ្នកស្លាប់និងរបួស ត្រូវគេបញ្ជូនទៅកាន់មន្ទីរពេទ្យគុយវ៉ែត និងមន្ទីរពេទ្យណាស៊ើរ (Nasser) ។

ក្រុមការពារជនស៊ីវិល និយាយថាពួកគេបានទទួលរបាយការណ៍ថា ជំរំអាល់-ណាចាហ៍ (Al-Najah) ដែលស្ថិតនៅជិតមន្ទីរពេទ្យគុយវ៉ែត រងនូវការវាយប្រហារ ហើយរថយន្តពន្លត់អគ្គិភ័យ និងរថយន្តសង្គ្រោះបន្ទាន់ បានឆ្លើយតបយ៉ាងលឿនដើម្បីសង្គ្រោះ និងគ្រប់គ្រងស្ថានការណ៍ឆាបឆេះ ។

សាច់ញាតិជនរងគ្រោះ បានបង្ហាញនូវក្ដីសោកសៅនៅខាងក្រៅមន្ទីរពេទ្យ ដោយសមាជិកគ្រួសារម្នាក់បានចោទសួរថា ហេតុអ្វីបានជាការវាយប្រហារបែបនេះបន្តកើតឡើងក្នុងអំឡុងស្ថិតនៅក្នុងបទឈប់បាញ់? ដោយបន្ថែមថា ជំរំនេះគួរតែជាទីកន្លែងមានសុវត្ថិភាពសម្រាប់ជនភៀសខ្លួន និងអាចចៀសឆ្ងាយពីគ្រោះថ្នាក់ ។

អ្នកចូលរួមកាន់ទុក្ខបានប្រមូលផ្តុំគ្នា អធិស្ឋាន និងដឹកសាកសពយកទៅបញ្ចុះ ហើយមនុស្សជាច្រើនបានសម្តែងនូវការសោកសៅ និងតក់ស្លុតចំពោះការវាយប្រហារលើទីតាំងមួយដែលត្រូវបានបម្រុងទុក ដើម្បីផ្តល់សុវត្ថិភាពដល់ក្រុមគ្រួសារដែលត្រូវផ្លាស់ទីលំនៅ។

ទោះបីយ៉ាងណាមេដឹកនាំប៉ាឡេស្ទីន លោកម៉ាមូដអាបាស់ (Mahmoud Abbas )កាលពីថ្ងៃព្រហស្បតិ៍ ទី៤ធ្នូសប្ដាហ៍នេះ បានសម្តែងការដឹងគុណ និងការកោតសរសើរយ៉ាងស្មោះស្ម័គ្រចំពោះការប្រកាសរបស់ប្រធានាធិបតីចិនលោក Xi Jinping ថាប្រទេសចិននឹងផ្តល់ជំនួយចំនួន១០០ លានដុល្លារអាមេរិកដល់ប៉ាឡេស្ទីនដោយមានគោលបំណងកាត់បន្ថយវិបត្តិមនុស្សធម៌ និងគាំទ្រផែនការស្តារឡើងវិញ និងកសាងឡើងវិញសម្រាប់តំបន់ហ្កាហ្សា។

លោក Abbas បានសង្កត់ធ្ងន់ថា អំណោយដ៏សប្បុរសនេះឆ្លុះបញ្ចាំងពីមិត្តភាពដ៏រឹងមាំរវាងប្រទេសចិន-ប៉ាឡេស្ទីន ប្រជាជន និងប្រជាជន ក៏ដូចជាការប្តេជ្ញាចិត្តរបស់ប្រទេសចិន ចំពោះយុត្តិធម៌ និងការស្មើភាព។

នេះក៏បង្ហាញផងដែរពីការយកចិត្តទុកដាក់ និងការគាំទ្ររបស់ថ្នាក់ដឹកនាំចិនចំពោះប្រជាជនប៉ាឡេស្ទីន និងការប្តេជ្ញាចិត្តរបស់ប្រទេសចិនក្នុងការពង្រឹងភាពជាដៃគូយុទ្ធសាស្ត្រ និងកិច្ចសហប្រតិបត្តិការរវាងគ្នានិងគ្នាដើម្បីផ្តល់ផលប្រយោជន៍ដល់ប្រជាជនទៅវិញទៅមក និងលើកកម្ពស់សន្តិភាព និងស្ថិរភាពក្នុងតំបន់។