អសបព្រួយទោះជាអាមេរិកថាមិនចង់ធ្វើសង្គ្រាមជាមួយអ៊ីរ៉ងក៏ដោយ!
15-March-2026 / ព័ត៌មានអន្តរជាតិ
អាមេរិក៖អង្គការសហប្រជាជាតិបានអំពាវនាវឱ្យមានការអត់ធ្មត់ជាអតិបរមាពីគ្រប់ភាគីទាំងអស់នៅពេលមានភាពតានតឹងកើនឡើងរវាងអ៊ីរ៉ង់ និងសហរដ្ឋអាមេរិកនិងនៅក្នុងតំបន់ឈូងសមុទ្រ។នេះ បើយោងតាម ការចុះផ្សាយរបស់ទីភ្នាក់ងារសារព័ត៌មានចិនស៊ិនហួ នៅថ្ងៃទី១៧ខែឧសភាឆ្នាំ២០១៩។
លោកស្តេហ្វឹនដឌូចារិក(Stephane Dujarric) អ្នកនាំពាក្យលោកអង់តូនីញ៉ូហ្គូទែរ(Antonio Guterres ) អគ្គលេខាធិការអង្គការសហប្រជាជាតិ បានប្រាប់ក្រុមអ្នកយកព័ត៌មាន ថា"យើងមានការព្រួយបារម្ភខ្លាំងចំពោះការប្រែប្រួលនៃស្ថានភាពនេះ។យើងអំពាវនាវឱ្យគ្រប់គ្នាអនុវត្តការ អត់ធ្មត់ជាអតិបរិមាដើម្បីទប់ស្កាត់ការកើនឡើងនិងបង្កើនភាពតានតឹង" "ស្ថានភាព... គឺមានការប្រែប្រួល ហើយយើងព្រួយបារម្ភពីវោហាសាស្ត្រ ដែលយើងបានឮ" ។
ទោះជាយ៉ាងណាករណីយ៍នេះ មន្ត្រីសហរដ្ឋអាមេរិក បាននិយាយប្រាប់ឲ្យ ដឹងកាលពីថ្ងៃទី១៦ឧសភាថា ប្រធានាធិបតីសហរដ្ឋអាមេរិក លោក ដូណាល់ត្រាំបាននិយាយប្រាប់ទីប្រឹក្សាជាន់ខ្ពស់របស់លោកថាលោកមិនចង់ឲ្យសហរដ្ឋអាមេរិក ចូលទៅពាក់ព័ន្ធក្នុងសង្គ្រាមជាមួយប្រទេសអ៊ីរ៉ង់នោះទេ។
កាសែត រ៉យទ័រ ចេញផ្សាយនៅថ្ងៃទី១៧ ខែឧសភា ឆ្នាំ២០១៩ បានឲ្យដឹងថា មន្ត្រីទាំងនោះ បាននិយាយថា លោកបានធ្វើការទាក់ទងទៅក្រុមសន្តិសុខជាតិជាតិ និងជំនួយការផ្សេងទៀត របស់លោក ដែលចង់រក្សាភាពតានតឹងជាមួយទីក្រុងតេអេរ៉ង់ ពីការពុះក្តៅឲ្យក្លាយ ទៅជាជម្លោះប្រដាប់អាវុធ។
ទោះជាយ៉ាងណាមន្ត្រីទាំងនោះនៅតែបញ្ជាក់ថា លោកនឹងការពារចំណាប់អារម្មណ៍ផលប្រយោជន៍ សហរដ្ឋអាមេរិក នៅក្នុងតំបន់។
សម្រាប់ប្រទេសអ៊ីរ៉ង់ បានឲ្យដឹងថា គេមិនចាប់អារម្មណ៍ ក្នុងការចរចាជាមួយសហរដ្ឋ អាមេរិកទេបន្ទាប់ពីក្រុងវ៉ាស៊ីនតោនបាន ដកខ្លួនចេញពីកិច្ចព្រមព្រៀងនុយក្លេអ៊ែរ ឆ្នាំ២០១៥ និងបានផ្ដល់មក វិញនូវការដាក់ទណ្ឌកម្ម សេដ្ឋកិច្ចទៅលើក្រុងតេអេរ៉ង់។ នេះបើយោងតាមការ ចុះផ្សាយរបស់ទីភ្នាក់ងារ សារព័ត៌មាន ក្យូដូជប៉ុន នៅថ្ងៃទី១៧ ខែឧសភា ឆ្នាំ២០១៩។
លោក Mohammad Javad Zarifរដ្ឋមន្ត្រីករ្សួងការបរទេសអ៊ីរ៉ង់ បានឆ្លើយ ជាមួយទីភ្នាក់ងារ ព័ត៌មានក្យូដូ និងសារព័ត៌មានជប៉ុន ផ្សេងទៀតនៅទីក្រុងតូក្យូប្រទេសជប៉ុនថា តើលោកនឹងបើកចំហ ដើម្បីរៀបចំកិច្ចចរចាទ្វេភាគី ក្នុងគោលបំណងកាត់បន្ថយភាពតានតឹង រួមទាំងការពិភាក្សាអំពីអ្នកទោស ដែលត្រូវបានស្នើឡើងដែរ ឬទេ?។
ទីប្រឹក្សាសន្តិសុខជាតិអាមេរិកលោក John Bolton បានឲ្យដឹងថា “សហរដ្ឋអាមេរិចកំពុងបញ្ជូននាវាផ្ទុកយន្តហោះ USS Abraham Lincoln និងយន្តហោះទម្លាក់គ្រាប់បែក ទៅកាន់តំបន់បញ្ជាការកណ្តាល ដើម្បីផ្ញើសារឲ្យបានច្បាស់ ទៅកាន់របបអ៊ីរ៉ងថា រាល់ការវាយប្រហារទាំងឡើយលើផលប្រយោជន៍របស់អាមេរិច ឬលើសម្ព័នមិត្តអាមេរិច នឹងត្រូវ រងការវាយបកវិញ”។
