» បិទ​អគារ​កាណាឌីយ៉ា​ធំ​បណ្ដោះអាសន្ន តែ​សាខា​តូចៗ​នៅ​បើក​! » ​ស្វាយ​ស្រស់​កម្ពុជា​បាន​ដឹកចេញទៅ​ចិន​ហើយ​តាម​ច្រក​វៀតណាម​ » ធ្វើ​ច​ត្តា​ឡី​ស​ក័​ព្រះសង្ឃ​គង់នៅ​វត្ត​អធ្វា មិន​ឲ្យ​និមន្ដ​ចេញទៅ​ក្រៅ​១៤​ថ្ងៃ​!! » អភិបាលរងខណ្ឌ​ឬ​ស្សី​កែវ​និង​មន្ត្រី​ជាង​១០​នាក់ ត្រូវបាន​ប៉េអឹម​ឃាត់ខ្លួន ពេល​ទៅ​ឃាត់​សំណង់​រំលោភ​ដី​រដ្ឋ » តុលាការ​ធម្មនុញ្ញ​ថៃ​ទាត់ចោល​បណ្តឹង​របស់​គ​ណ​បក្ស​ភឿ​ថៃ​រឿង​ទំនាស់ផលប្រយោជន៍​ » សម្តេច មហា​ពញា​ចក្រី ហេង សំរិន​ប្រវត្តិ តស៊ូ​របស់​ប្រជាជន » អ្នកនាំពាក្យ​យុ​ត្តិ​ធ​ម៍​និង​សិទ្ធមនុស្ស​ថា​៖​យុទ្ធនាការ​ផ្នែក​ប្រជាធិបតេយ្យ​និង​សិទ្ធិមនុស្ស​របស់​ស្ថានទូត​អាមេរិក​គឺជា​“​យុទ្ធនា​ការល្អ​តែ​ខុស​កាលៈទេសៈ​”! » គ្រួសារ​លោក​ឆែម​សាវុធ​ដែល​បង្ក​ឲ្យ​មាន​ព្រិ​ត្តិ​ការណ៍​២៨​វិ​ចិ្ឆកា​ផ្អើល​ពេញ​ប្រទេស​អា​ឡូ​វ​ចូលដល់​រដ្ឋសភា​ព្រួយ​ទៀតហើយ​! » បាតុករ​ថៃ​មក​ប្រមូលគ្នា​ចាំ​អ៊ុត​មើល​តុល​ការ​ធម្មនុញ្ញ​ចាត់ការ​លើ​លោក​ប្រា​យុទ្ធ​រឿង​បំពាន​អំណាច​បន្ទាប់ពី​ប៉ូលិស​កោះហៅ​មេដឹកនាំ​ » ឃើញ​មក​ងូតទឹក​ស្ងាត់​បងថ្លៃ​វាយ​បី​ដៃ រួច​អូស​ទៅ​ចាប់រំលោភ​ក្នុង​លូ » ដោយ​ចាត់​ព្រឹត្តិការណ៍​២៨​វិច្ឆិកា​ជាករ​ណិ​យ៍​បាត់ដាន​នាយករដ្ឋមន្ត្រី​ប្រកាស​ចេញ​លុយ​១០០​លាន​និង​ប្រកាស​ ​ផ្អាក​ការរៀប​អាពាហ៍ពិពាហ៍ ឬ ការជួបជុំ​រយៈពេល​១៥​ថ្ងៃ​ » ប្រទេស​ធំៗ​ដាក់​ឲ្យ​ប្រើ​វ៉ាក់សាំង​ប្រឆាំង​កូ​វីដ​-១៩​ចាប់ពី​ដើមខែ​ធ្នូ​នេះ​ » ចាប់​អ្នក​ផលិត​ស្រា​ពុល​នៅ​កំពង់ឆ្នាំង​៤​នាក់មក​សួរ​ចាំមើល​ថា​តើ​មានការ​ដាក់ទោស​មន្ត្រី​ទទួលខុសត្រូវ​ដែរ​ទេ​ » គ្លីនិក​កែ​សម្ផស្ស​នៅ​ថៃ​ឈ្មោះ​សុម​ចៃ​ធ្វើ​ឲ្យ​តារាចម្រៀង​ម៉ៃ សុគន្ធ រលួយ​ចុង​ច្រមុះ​ » ផ្សារ​ទំនើប អ៉ី​អន​ម៉​ល​១ ត្រូវបាន​ផ្អាក​សកម្មភាព​ទាំងស្រុង​ក្រោយ​រកឃើញ​ស្ត្រី​ខ្មែរ​ម្នាក់​មាន​កូ​វីត​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 804 នាក់

ម្សិលមិញ 4835 នាក់

សរុប 6279648 នាក់

រឿង​ជំនួយ​មនុ​ស្សធ​ម៍​ ​លោក​ដូ​ណា​ល់​ត្រាំ​ឲ្យ​ជម្រើស​ពីរ​ដល់​យោធា​វេ​ណេ​ហ្សុ​អេ​ឡា

 


​ប្រធានាធិបតី​អាមេរិក​លោក ដូ​ណា​ល់ ត្រាំ បានផ្តល់​ច​ម្រើ​ស​ពីរ​ដល់​យោធា​វ៉េ​ណេ​ស៊ុយ​អេ​ឡា​៖​ក្នុងនោះ យោធា​វ៉េ​ណេ​ស៊ុយ​អេ​ឡា​អាច​ប្តូរ​ជំហរ​មក​គាំទ្រ​មេដឹកនាំ​ថ្មី​លោក ហ័ន ក្វៃ​ដូ ដើម្បី​អាច​រួចខ្លួន ឬក៏​បន្ត​ការពារ​លោក នី​កូ​ឡា​ម៉ា​ឌូ​រ៉ូ ដោយ​ត្រៀម​បាត់បង់​អ្វី​គ្រប់យ៉ាង​។​a trump army 

បើតាម​ទីភ្នាក់ងារ​ព័ត៌មាន AFP ឲ្យ​ដឹងថា​៖​ការព្រមាន​របស់​ប្រ​ធា​នាំ​ធិបតី​អាមេរិក​គឺ​កើតឡើង​ដោយសារ​យោធា​ដេ​ល​គាំទ្រ​ប្រធានាធិបតី​ម៉ា​ឌុយ​រ៉ូ​បិទ​ច្រក​មិន​ឲ្យ​នាំយក​ជំនួយ​មនុ​ស្សធ​ម៍​របស់​អាមេរិក​ពី​ប្រទេស​គូ​ឡំ​ប៊ី​ចូលមក​ឲ្យ​ប្រជាជន​វេ​ណេ​ហ្សុ​យ​អេ​ឡា​ដែល​កំពុង​ប្រឈម​ការខ្វះខាត​។​និយាយ​ទៅកាន់​អ្នកគាំទ្រ និង​ប្រជាជន​វ៉េ​ណេ​ស៊ុយ​អេ​ឡា​ដែល​រស់នៅ​ក្រុង Miami លោក ត្រាំ បាន​និយាយ​ដូច្នេះ​៖ «​ភ្នែក​ប្រជាជន​ទូទាំង​ពិភបលោក​សំឡឹងមើល​អ្នក​រៀងរាល់​ថ្ងៃ​។ អ្នក​មិនអាច​លាក់ខ្លួន​ពី​ជម្រើស​ដែល​អ្នក​ត្រូវ​ប្រឈម​ឡើយ​»​។​

​លោក ត្រាំ បន្តថា​៖ «​អ្នក​អាច​ទទួលស្គាល់​ការផ្តល់​ការលើកលែងទោស​ពី​សំណាក់​ប្រធានាធិបតី ក្វៃ​ដូ ដើម្បី​រស់នៅក្នុង​សន្តិភាព​ជាមួយ​គ្រួសារ​និង​អ្នកស្នេហាជាតិ​ផ្សេងទៀត ឬក៏​ជ្រើសរើស​ផ្លូវ​ទី​ពីរ​។ នោះ​គឺ​បន្ត​គាំទ្រ​ម៉ា​ឌុយ​រ៉ូ​។ ប្រសិនជា​ជ្រើស​រើសយក​ជម្រើស​នេះ អ្នកឯង​នឹង​គ្មាន​ជម្រក​សុវត្ថិភាព ឬ​គ្មាន​ច្រកចេញ​ឡើយ​។ អ្នកឯង​នឹង​បាត់បង់​គ្រប់យ៉ាង​»​។


​ជំនួយ​មនុស្សធម៌​ដែល​ភាគច្រើន​ជា​ជំនួយ​អាមេរិក​នោះ​នៅ​បន្ត​ជាប់គាំង​នៅ​ព្រំដែន​កូ​ឡុំ​ប៊ី ដោយសារ​រដ្ឋាភិបាល​លោក នី​កូ​ឡា ម៉ា​ឌូ​រ៉ូ បដិសេធចោល និង​ប្រើប្រាស់​កម្លាំង​រារាំង​ជំនួយ​ទាំងនេះ​ផង​។ ហ័ន កៃ​ដូ ដែល​ប្រកាស​តាំងខ្លួន​ជា​ប្រធានាធិបតី​ស្តីទី​ហើយ​ទទួលបាន​ការគាំទ្រ​ពី​អាមេរិក​បានដាក់​ឱសានវាទ​សម្រាប់​រដ្ឋាភិបាល​ក្រុង​កា​រ៉ា​កាស់​របស់លោក​ម៉ា​ឌូ​រ៉ូ​ត្រឹម​ថ្ងៃ​សៅរ៍​ទី​២៣​កុម្ភៈ​សម្រាប់​ការប្តូរ​ជំហរ​បើកទ្វារ​ឲ្យ​ជំនួយ​មនុស្សធម៌​ចូល​សង្គ្រោះ​ប្រជាជន​ដែល​កំពុង​រងទុក្ខវេទនា​ដែរ​។​«​ត្រឹម​ថ្ងៃ ២៣ ខែកុម្ភៈ យើង​នឹង​មានឱកាស​សង្គ្រោះ​ជីវិត​ប្រជាជន​វ៉េ​ណេ​ស៊ុយ​អេ​ឡា​រាប់សែន​នាក់​ដែល​កំពុង​រងគ្រោះ​ហើយ​»​។ ក្វៃ​ដូ បានប្រកាស​បែបនេះ​។​


​មកដល់​បច្ចុប្បន្ន លោក ក្វៃ​ដូ ប្រកូក​ប្រកា​សរក​អ្នកស្ម័គ្រចិត្ត មួយ​លាន​នាក់​ដើម្បី​នាំ​ជំនួយ​ចូលក្នុង​ប្រទេស ហើយ​បច្ចុប្បន្ន​មាន​អ្នក​ចុះឈ្មោះ​ប្រហែល ៦០ ម៉ឺន​នាក់​ហើយ​។ តែ គេ​នៅ​មិនទាន់​ដឹង​ច្បាស់​ថា អ្នក​ស្ម័​គ​ចិត្ត​ទាំងនោះ​នឹង​ជម្នះ​ឧបសគ្គ​របាំង​យោធា​ដែលជា​បញ្ជា​របស់លោក ម៉ា​ឌុយ​រ៉ូ របៀប​ណា​ឡើយ​។​

​ដោយឡែក លោក ម៉ា​ឌុយ​រ៉ូ បាន​ប្រឆាំង​ដាច់ខាត​នឹង​ជំនួយ​អាមេរិក​ដោយ​ចាត់ទុកថា វា​ជា​ចេតនា​ឈ្លានពាន​ជាជាង​ចង់​សង្គ្រោះ​ប្រជាជន និង​ជា​ចេតនា​នយោបាយ​សុទ្ធសាធ​។​​ម៉ា​ឌុយ​រ៉ូ ធ្លាប់​និយាយថា គ្មាន​វិបត្តិ​មនុស្សធម៌​កើតឡើង​ទេ ហើយ​វ៉េ​ណេ​ស៊ុយ​អេ​ឡា​មាន​សមត្ថភាព​ដោះស្រាយ​បញ្ហា​បាន​។

ប៉ុន្តែ​ថ្មីៗ​នេះ ម៉ា​ឌុយ​រ៉ូ ស្រាប់តែ​បង្ហើប​ថា ជំនួយ​ប្រហែល ៣០០​តោន​របស់​រុស្ស៊ី នឹង​មកដល់​វ៉េ​ណេ​ស៊ុយ​អេ​ឡា​នៅត្រឹម​ថ្ងៃ​ពុធ​ទី ២០ ខែកុម្ភៈ​នេះដែរ​។ គឺ​មកដល់​បី​ថ្ងៃមុន ថ្ងៃ​កំណត់​របស់លោក កៃ​ដូ ក្នុង​ការនាំ​ជំនួយ​អាមេរិក​ចូល​ស្រុក​។ លោក ម៉ា​ឌុយ​រ៉ូ អួតអាង​ថា ក្នុងចំណោម​ជំនួយ ៣០០​តោន​នោះ មាន​ប្រភេទ​ថ្នាំ​ល្អជា​ច្រើន​សម្រាប់​ប្រជាជន​វ៉េ​ណេ​ស៊ុយ​អេ​ឡា ហើយ​ក្រៅពី​រុស្ស៊ី​សម្ព័ន្ធមិត្ត​ឯទៀត​មាន​ចិន និង​គុយបា​ក៏​នឹង​ផ្តល់ជំនួយ​ដល់​វ៉េ​ណេ​ស៊ុយ​អេ​ឡា​ដែរ​។​a venezuela