វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 177 នាក់
ម្សិលមិញ 5168 នាក់
សរុប 16012311 នាក់
ឧត្តរមានជ័យ៖ប្រភពពត៍មាន បានរាយការណ៍មកថាមន្ត្រីកងរាជអាវុធហត្ថខេត្តឧត្តរមានជ័យ ម្នាក់នោះ ត្រូវបានគេស្គាល់ឈ្មោះ យ៉ុង គីមម៉េង មានឋានន្តរសក្ដិជាអនុសេនីយ៍ឯក ប្រចាំទិសស្រុកអន្លង់វែង បានប្រើតួនាទីការពារជំនួញឈើ របស់ខ្លួន អស់រយៈពេលជាច្រើនឆ្នាំមកហើយ។
ប្រភពពីសមត្ថកិច្ចក្នុងស្រុកត្រពាំងប្រាសាទ និងស្រុកអន្លង់វែង ខេត្តឧត្តរមានជ័យ បានអោយដឹងថា៖ កន្លងមកមន្ត្រីអាវុធហត្ថឈ្មោះ យ៉ុង គីមម៉េង ក៏ធ្លាប់ជាឈ្មួញឈើគ្រញូងដ៏មានឥទ្ធិពលមួយរូប ដែលមានតួនាទីជាអាវុធហត្ថតែនៅបានធ្វើសកម្មភាពជួញដូរបទល្មើសឈើព្រមទាំងបានគៀងគរពលរដ្ឋខ្មែរអោយឆ្លងដែនចូលទៅកាប់ឈើធ្នង់ក្នុងទឹកដីថៃ ដើម្បីលក់អោយខ្លួនផងជាយូរច្រើនឆ្នាំមកហើយ តែគ្មានការបង្ក្រាបព្រោះជាសមត្តកិច្ចដូចគ្នា។ ក្នុងជំនួញឈើបើពលរដ្ឋណាដែលមិនលក់ឈើអោយខ្លួន ច្បាស់ណាស់គេនឹងបង្ក្រាបដោយមិនយោគយល់ទេ។
រូបភាពជាក់ស្តែងបានបង្ហាញថាមន្ត្រីកងរាជអាវុធហត្ថឈ្មោះ យ៉ុង គីមម៉េង កំពុងឈរកត់បញ្ជីចំនួនឈើ ខណៈដែលមានកម្មករ និងបងថ្លៃម្នាក់ទៀត កំពុងលើកឈើធ្នង់ ដាក់លើជញ្ជីញថ្លឹងឈើ និងលើកឈើដាក់រថយន្តរបស់ខ្លួនម៉ាកនីសាន់ពណ៌ខ្មៅពាក់ស្លាក់លេខ ខម ០៤៦៦។ កន្លងមកមន្ត្រីអាវុធហត្ថរូបនេះ តែងតែបដិសេធថា ខ្លួនមិនដែលរកស៊ីបទល្មើសអ្វីទាំងអស់។
គ្រប់មជ្ឈដ្ឋានក្នុងខេត្តឧត្តរមានជ័យ កំពុងរងចាំមើលថាតើ នាយឧត្តមសេនីយ៍ សៅ សុខា មេបញ្ជាការកងអាវុធហត្ថលើផ្ទៃប្រទេសដែលជាមេបង្ក្រាបបទល្មើស ធន់ធានធម្មជាតិ និងលោកឧត្តមសេនីយ៍ត្រី ពុទ្ធ សារ៉ាន មេបញ្ជាការកងរាជអាវុធហត្ថខេត្តឧត្តរមានជ័យ គិតយ៉ាងណា?