វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 853 នាក់
ម្សិលមិញ 10264 នាក់
សរុប 14140035 នាក់
ខេត្តឧត្ដរមានជ័យ៖ សម្ដេចអគ្គមហាសេនាបតីតេជោ ហ៊ុន សែន បានប្រកាសទៅដល់មន្ត្រីជំនាញក្រោមឱវាទគ្រប់ជាន់ថ្នាក់ទាំងអស់ ឲ្យខិតខំទប់ស្កាត់នូវរាល់សកម្មភាពបទល្មើសព្រៃឈើ ធនធានធម្មជាតិអោយខានតែបាន។
តែផ្ទុយទៅវិញ អនុសាសន៍នៃបទបញ្ជា របស់សម្ដេចតេជោ ហ៊ុន សែន ដូចជាគ្មានឥទ្ធិពលអ្វីបន្តិចសោះចំពោះអាជ្ញាធរ សមត្ថកិច្ច និងមន្ត្រីជំនាញ នៅក្នុងមូលដ្ឋាន ឃុំអូរស្វាយ ស្រុកត្រពាំងប្រាសាទ ខេត្តឧត្ដរមានជ័យ។
រៀងរាល់ថ្ងៃ មានពួកឈ្មួញឈើជាច្រើន បានកៀងគរប្រជាពលរដ្ឋ ឲ្យធ្វើការលួចឆ្លងដែនឡើងលើភ្នំចូលទៅអាកាប់ និងស្ពាយឈើគ្រញូងនៅក្នុងទឹកដីប្រទេសថៃ យកមកលក់ឲ្យពួកគេ ដោយដើរឆ្លងចូលទៅតាមច្រកជាច្រើនដូចជា ច្រកក្បាលអូរស្វាយ ច្រកថ្មប្រេះ ច្រកអូរខ្សាច់ ច្រកឈើទាលជ្រុំ និងច្រកចំបក់កោង ស្ថិតនៅក្នុងភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្ដរមានជ័យ តែមិនដែលឃើញមានការទប់ស្កាត់និងបង្ក្រាប ពីសំណាក់អស់លោកអាជ្ញាធរមូលដ្ឋាន សមត្ថកិច្ច និងមន្ត្រីជំនាញណាសោះ។តើមកពីហេតុអ្វី?។
សូមបញ្ជាក់ថា ជាច្រើនឆ្នាំកន្លងមកនេះ មានប្រជាពលរដ្ឋជាច្រើននាក់បានទទួលរងនូវគ្រោះថ្នាក់ ដោយសាតែការលួចឆ្លងដែនចូលទៅក្នុងទឹកដីថៃ កាប់និងស្ពាយឈើគ្រញូង ខ្លះត្រូវទាហានថៃចាប់ខ្លួនដាក់គុក អ្នកខ្លះទៀតត្រូវបានបាត់ខ្លួនរកមិនឃើញ និងអ្នកខ្លះទៀតត្រូវបានទាហានថៃបាញ់សម្លាប់ ស្លាប់បាត់បង់ជីវិតយ៉ាងអាណោចអាធម័ជាទីបំផុត ចោលសាច់ញាតិ ក្រុមគ្រួសារ ឪពុកម្ដាយ បងប្អូន ប្រពន្ធមុន។
តើករណីទាំងអស់នេះកើតឡើងមកពីដោយសាតែអ្វី?ក្រីក្រឬសមត្តកិច្ចគ្មានសមត្តភាព?។ សូមសម្ដេច ទ្រង់ឯកឧត្ដម លោកជំទាវ បងប្អូនប្រជាពលរដ្ឋទាំងអស់គ្នា ទូទាំងប្រទេសជួយគិតពិចារណាទៅតាមការគួរទៅចុះ។