វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4683 នាក់
ម្សិលមិញ 5544 នាក់
សរុប 13945780 នាក់
ភ្នំពេញ៖ សាលាដំបូងរាជធានីភ្នំពេញ បានប្រកាសសាលក្រមផ្តន្ទាទោសលើសំណុំរឿងគឺ លោក នួន ប៉ុក អាយុ៤៥ឆ្នាំជាអតីតប្រធានមន្ទីររៀបចំដែនដី នគរូបនីយកម្ម និងសំណង់ខេត្តព្រះសីហនុដាក់ពន្ធនាគារកំណត់រយៈពេល៧ឆ្នាំ ពិន័យជាប្រាក់ចូលថវិការរដ្ឋចំនួន ១០០លានរៀល និងរឹបអូសដីចំនួន ៣កន្លែងដាក់ចូលជាសម្បត្តិរដ្ឋផងដែរ។
លោកនួនប៉ុកត្រូវបានអង្គភាពប្រឆាំងអំពើពុករលួយ ឃាត់ខ្លួនកាលពីថ្ងៃទី១ ខែមីនា ដែលធ្វើឡើងនៅខេត្តព្រះសីហនុ និងបានបញ្ជូនមកកាន់រាជធានីភ្នំពេញ។យោងតាមសាលក្រមចេញ នៅរសៀលថ្ងៃទី១៧ ខែវិច្ឆកា ឆ្នាំ២០២០ លោក នួន ប៉ុកដែលគេស្គាល់ថាជាមន្ត្រីហ៊ឺហារម្នាក់ រងការចោទប្រកាន់ចំនួន៣បទល្មើស គឺ បទរំលោភអំណាច, បំពានធនធានធម្មជាតិ, ផ្តល់និងប្រើប្រាស់ឯកសារក្លែងដោយអាជ្ញាធរ។ បុគ្គលរូបនេះ ត្រូវបានទុកសិទ្ធិឱ្យប្តឹងឧទ្ធរណ៍តាមកំណត់ច្បាប់។
សូមបញ្ជាក់ថា អតីតប្រធានមន្ទីររៀបចំដែនដី នគររូបនីយកម្ម និងសំណង់ ខេត្តព្រះសីហនុ កាលថ្ងៃទី៤ ខែមីនា ឆ្នាំ២០២០ ត្រូវបានអង្គភាពប្រឆាំងអំពើពុករលួយ(ACU) បញ្ជូនទៅកាន់សាលាដំបូងរាជធានីភ្នំពេញ ដើម្បីប្រគល់ជូនស្ថាប័នអយ្យការ ធ្វើការសាកសួរ និងចោទប្រកាន់ជាផ្លូវការ ពាក់ព័ន្ធប្រព្រឹត្តបទល្មើសពុករលួយ។