វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4721 នាក់
ម្សិលមិញ 6001 នាក់
សរុប 13877551 នាក់
ភ្នំពេញ៖ នារីវ័យ១៨ឆ្នាំជាកម្មកររោងចក្រម្នាក់ ប្រុងលោតទឹកសម្លាប់ខ្លួនលើស្ពានជ្រោយចង្វារ នៅវេលាម៉ោង ៣:០០នាទីរសៀល ថ្ងៃទី២ ខែឧសភា ឆ្នាំ២០២១ ចំណុចស្ពានជ្រោយចង្វារ (មិត្តភាពកម្ពុជា-ជប៉ុន ) ក្នុងសង្កាត់ស្រះចក ខណ្ឌដូនពេញ រាជធានីភ្នំពេញតែត្រូវបានជួយសង្គ្រោះទាន់។
មូលហេតុត្រូវបាននាងប្រាប់ថានាងកំព្រាឪពុកស្លាប់ហើយទើបដឹងថា ម្តាយនាងបានស្លាប់ ហើយមិនអាចទៅចូលរួមធ្វើបុណ្យម្តាយនៅស្រុកបាន ដោយសារការបិទខ្ទប់រាជធានីភ្នំពេញ ទើបសម្រេចចិត្តបែបនេះ។ សមត្ថកិច្ចបានឱ្យដឹងថា នាងមានឈ្មោះ ជ.ជ មានស្រុកកំណើតនៅខេត្តព្រះវិហារ សព្វថ្ងៃបម្រើការងារជាកម្មការិនីរោងចក្រមួយកន្លែង នៅឃុំបែកចាន ស្រុកអង្គស្នួល ខេត្តកណ្តាល។
ការសម្រេចចិត្ត ទៅលោតទឹកសម្លាប់ខ្លួន បន្ទាប់ពីនាងទទួលបានដំណឹងថា ម្ដាយបង្កើតបានទទួលមរណភាពកាលពីថ្ងៃទី១ ខែឧសភា ថែមទាំងមិនអាចទៅធ្វើបុណ្យ ដើម្បីសងគុណម្ដាយជាលើកចុងក្រោយបាន។ ដោយនាងគិតអ្វីមិនចេញទើបសម្រេចចិត្តហៅកង់បីឥណ្ឌាជិះពីបែកចានទៅលោតទឹកលើស្ពានជ្រោយចង្វា តែត្រូវសមត្ថកិច្ចដែលមានការសង្ស័យមកឃាត់ទាន់ពេល និងហៅចុះទៅគល់ស្ពានវិញ។ក្រោយកើតហេតុ សមត្ថកិច្ចប៉ុស្តិ៍ស្រះចកបានធ្វើការសួរនាំយុវតីខាងលើ រួចពន្យល់ រកលេខមិត្តភក្តិ បងប្អូនដើម្បីទំនាក់ទំនងមកទទួលយកត្រឡប់ទៅផ្ទះវិញតែមិនដឹងថានាងបានទៅស្រុកធ្វើបុណ្យម្តាយដែរឬអត់នោះទេ៕