សមត្ថកិច្ចខាងណា មានតួនាទីបានឈរយកលុយតាមរបៀបពុករលួយពីក្រុមតៃកុងរថយន្ត ដឹកទំនិញឆ្លងដែនយ៉ាងអនាធិបតេយ្យនៅច្រកក្រសាំងជ្រុំ?

ខេត្តស្វាយរៀង៖ច្រករបៀង ព្រំដែនគោកកម្ពុជាវៀតណាម ក្រសាំងជ្រុំ ភូមិក្រសាំងជ្រុំ ឃុំគ្រួស ស្រុកស្វាយជ្រុំ ខេត្តសា្វយរៀង កំពុងក្លាយជាកន្លែងដឹកជញ្ជូនទំនិញឆ្លងដែនខុសច្បាប់ ពីសំណាក់ឈ្មួញគេចពន្ធ ដោយសារមានការចូលរួម គុបគិត ពីអស់លោកមន្ត្រីពាក់ព័ន្ធ!។ 

តាមសេចក្តីរាយការណ៍ កាលពីថ្ងៃ២៨ ខែកក្កដា ឆ្នាំ២០២៦ បង្ហាញថាមន្ត្រីគយនៅច្រកនោះមានទាំងទាហាន ប៉ូលិស ដែលជាសមត្ថកិច្ចពាក់ព័ន្ធ មានតួនាទីការពារជាតិ បានឈរយកលុយតាមរបៀបពុករលួយពីក្រុមតៃកុងរថយន្ត ដឹកទំនិញឆ្លងដែនយ៉ាងយ៉ាងចំហរ។

ករណីនេះគឺកំពុងបង្ហាញពីការគប់គិតគ្នា ប្រព្រឹត្តអំពើពុករលួយ បើកដៃឲ្យឈ្មួញនាំទំនិញគេចពន្ធចេញចូល ដោយខុសច្បាប់តាមច្រករបៀង ពីសំណាក់មន្រ្តីពាក់ព័ន្ធទាំងអស់នោះ?។

ប្រជាពលរដ្ឋស្នើឱ្យ រាជរដ្ឋាភិបាលកម្ពុជា បើកការស៊ើបអង្កេតជាបន្ទាន់ទៅលើបញ្ហា ពុករលួយលួចលុយចំណូលរដ្ឋ និងចាត់វិធានការឲ្យបានតឹងរ៉ឹងបំផុត ចំពោះមន្ត្រីពុករលួយរូបណា ដែលហ៊ានបើកដៃឲ្យទំនិញចេញចូលតាមច្រករបៀងក្រសាំងជ្រុំនេះ៕