គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 11006 នាក់

ម្សិលមិញ 9639 នាក់

សរុប 20701177 នាក់

វៀតណាមជប៉ុនព្រមព្រៀងព្រាងពង្រឹងចំណងសន្តិសុខនិងសេដ្ឋកិច្ច

21-September-2026 / ព័ត៌មានអន្តរជាតិ

វៀតណាម៖ ប្រទេសវៀតណាមនិងជប៉ុន បានយល់ព្រមពង្រឹងចំណងសេដ្ឋកិច្ចនិងសន្តិសុខ រវាងរដ្ឋាភិបាលជប៉ុន និងវៀតណាម។ ប្រទេសទាំងពីរ ក៏បានឈានដល់ការសម្រេចកិច្ចព្រមព្រៀងមួយ ដែលអនុញ្ញាតឲ្យជប៉ុននាំចេញសម្ភារនិងបច្ចេកវិទ្យាយោធាទៅកាន់វៀតណាម។ a japon vn1

ក្រោយជំនួបជាមួយសមភាគីវៀតណាម ង្វៀន ស៊ួនហ្វុក ក្នុងទីក្រុង ហាណូយនៅថ្ងៃទី១៩ ខែតុលា នាយករដ្ឋមន្ត្រីជប៉ុន លោក យូស៊ីហ៊ីដេ ស៊ូហ្កាបានប្រាប់អ្នកសារព័ត៌មានថា៖ «វាជាជំហានដ៏ធំមួយក្នុងវិស័យការពារសម្រាប់ប្រទេសទាំងពីរ ដែលយើងបានឈានដល់សម្រេចកិច្ចព្រមព្រៀងលើការផ្ទេរសម្ភារនិងបច្ចេកវិទ្យាយោធា»។ នាយករដ្ឋមន្ត្រីជប៉ុនបញ្ជាក់ទៀតថា វៀតណាម ដែលធ្វើជាម្ចាស់ផ្ទះអាស៊ានឆ្នាំនេះ គឺជាកូនសោរលើកកម្ពស់យុទ្ធសាស្ត្រ ឥណ្ឌូ-ប៉ាស៊ីហ្វិកសេរីនិងបើកចំហ ដែលដឹកនាំដោយក្រុងតូក្យូ ។

លោកនាយករដ្ឋមន្ត្រីវៀតណាម ង្វៀន ស៊ួនហ្វុកថ្លែងនៅក្នុងសន្និសីទព័ត៌មានដែរជាមួយលោក ស៊ូហ្កា ថា៖ ប្រទេសទាំងពីរ ក៏បានព្រមព្រៀងលើសារសំខាន់នៃការរក្សាសន្តិភាព សន្តិសុខ និងសេរីភាពនៃការធ្វើនាវាចរណ៍ និងហោះហើរក្នុងសមុទ្រចិនខាងត្បូង ព្រមទាំងដោះស្រាយជម្លោះដោយសន្តិវិធី។ លោក ង្វៀន ស៊ួនហ្វុក បានសង្កត់ធ្ងន់ថា វៀតណាមស្វាគមន៍ជប៉ុនធ្វើជាមហាអំណាចសកល ដើម្បីបន្តរួមចំណែកយ៉ាងសកម្មសម្រាប់សន្តិភាព ស្ថិរភាព និងវឌ្ឍភាពសកលនិងតំបន់ផងដែរ។ នេះបើតាមការចុះផ្សាយរបស់ទីភ្នាក់ងារព័ត៌មាន Reuters ។

សូមជម្រាបថា លោក ស៊ូហ្កា កំពុងធ្វើទស្សនកិច្ចនៅបរទេសលើកទី១ក្នុងសប្ដាហ៍នេះចំនួន៤ថ្ងៃ ចាប់ពីថ្ងៃទី ១៨ ដល់ថ្ងៃទី ២១ ខែតុលា ក្នុងប្រទេសវៀតណាម និងឥណ្ឌូណេស៊ី។ លោក ស៊ូហ្កា អះអាងថា ប្រទេសទាំងពីរបានយល់ព្រមជំរុញកិច្ចសហប្រតិបត្តិការពួកគេ ក្នុងគោលដៅបន្ធូរបន្ថយផលប៉ះពាល់បង្កដោយជំងឺរាតត្បាតសកលកូវីដ-១៩។ លោកនិយាយដូច្នេះថា៖«យើងបានព្រមបើកឡើងវិញការធ្វើដំណើរធុរកិច្ចក៏ដូចជាជើងហោះហើរសម្រាប់អ្នកដំណើររវាងប្រទេសទាំងពីរថ្ងៃនេះ»។

ប្រកាសព័ត៌មានរបស់ក្រសួងការបរទេសជប៉ុន បានបញ្ជាក់ថាបន្ទាប់ពីលោកនាយករដ្ឋមន្ត្រីជប៉ុន ចាក់ចេញពីប្រទេសវៀតណាម លោកនឹងបន្តទៅកាន់ប្រទេសឥណ្ឌូណេស៊ី នៅថ្ងៃទី២០ ខែតុលា ដើម្បីជួបពិភាក្សាជាមួយប្រធាធិបតី ចូកូ វីដូដូ ដើម្បីជជែកការបើកដំណើរការឡើងវិញនូវការធ្វើដំណើររវាងជប៉ុននិងឥណ្ឌូណេស៊ី ដែលផ្អាកដោយវិបត្តិកូវីឌ-១៩ ក៏ដូចជាកិច្ចសហប្រតិបត្តិការក្នុងការអភិវឌ្ឍហេដ្ឋារចនាសម្ព័ន្ធ រួមមាន ផ្លូវដែក និងកំពង់ផែជាដើម៕ a japon vn1