វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7708 នាក់
ម្សិលមិញ 6001 នាក់
សរុប 13880538 នាក់
ស៊ីរី៖ លោក បូថៃណា ហ្សាអាបាន (Bouthaina Shaaban)ទីប្រឹក្សានយោបាយប្រធានាធិបតីស៊ីរី បានចាត់ទុកថាកិច្ចព្រមព្រៀង បទឈប់បាញ់រវាងតួកគី និងសហរដ្ឋអាមេរិកនៅតំបន់ភាគខាងជើងនៃប្រទេសស៊ីរីនៅតែមានភាពមិនច្បាស់លាស់ហើយទីក្រុងដាម៉ាស់ ជំទាស់ជាដាច់ខាតនូវគំនិតចង់បង្កើតតំបន់ស្វយ័ត ឃើឌីស្ថាន (Kurdistan)។
សារព័ត៌មានស្ពុតនិក( Sputnik )នៅព្រឹកថ្ងៃសុក្រ ទី១៨ ខែតុលា ឆ្នាំ២០១៩បានឲ្យដឹងថានៅក្នុងបទសម្ភាសន៍ជាមួយទូរទស្សន៍ អាល់ម៉ាយ៉ាឌីន (al-Mayadeen)លោក បូថៃណា ហ្សាអាបាន (Bouthaina Shaaban) បញ្ជាក់ថា «ទឹកដីស៊ីរីគា្មនកន្លែងទំនេរសម្រាប់តំបន់ស្វយ័តឃើដីគីស្តង់( Kurdistan...) យើងក៏នឹងមិនជជែកពីរឿងនេះដែរ ពីព្រោះវាគ្មានហេតុផលណាមួយ ត្រូវអនុញ្ញាតឱ្យតំបន់ស្វយ័តបង្កើតឡើង នៅក្នុងប្រទេសស៊ីរីនោះទេ»។គំនិតចង់បង្កើតតំបន់សុវត្ថិភាពរបស់តួកគីនៅលើទឹកដីស៊ីរី គឺជារឿងមិនត្រឹមត្រូវ ដ្បិតអ្វីដែលទីក្រុងអង់ការ៉ាកំពុងធ្វើនោះ គឺការធ្វើអាណានិគមលើតំបន់មួយ។
សូមបញ្ជាក់ថាបន្ទាប់ពីមានជំនួបរវាងអនុប្រធានាធិបតីអាមេរិក លោកម៉ៃផែន( Mike Pence) និងប្រធានាធិបតីតួកគី លោក រ៉េសិប តាយយីព អឺដូហ្គាន់ (Recep Tayyip Erdogan) នៅក្នុងទីក្រុងអង់ការ៉ា រដ្ឋាភិបាលតួកគីបានយល់ព្រមផ្អាកប្រតិបត្តិការយោធា វាយលុកចូលតំបន់ភាគខាងជើងប្រទេសស៊ីរីចំនួន៥ថ្ងៃនៅថ្ងៃព្រហស្បតិ៍សប្ដាហ៍នេះ ដើម្បីទុកពេលឱ្យក្រុមសកម្មប្រយុទ្ធឃើដដកចេញពីតំបន់សុវត្ថិភាព មួយសម្រាប់ជនភៀសខ្លួនស៊ីរីនៅតាមព្រំដែនរវាងស៊ីរី និងតួកគី។
ប៉ុន្តែគេមិនទាន់ដឹងច្បាស់នៅឡើយទេថា តើក្រុមសកម្មប្រយុទ្ធឃើដ YPG នឹងអនុវត្តតាមបទឈប់បាញ់នេះ ឬយ៉ាងណានោះទេ ខណៈទីក្រុងអង់ការ៉ា ក៏បានសង្កត់ធ្ងន់ដែរថាការផ្អាកនេះមិនមានន័យថា តួកគីបញ្ឈប់ប្រតិបត្តិការយោធារបស់នោះទេ ពោលគឺប្រតិបត្តិការយោធានឹងត្រូវបញ្ចប់ លុះត្រាតែឃើដដកចេញពីតំបន់សុវត្ថិភាពទាំងស្រុង។
សូមបញ្ជាក់ថាក្រោយពីអាមេរិកលោកដូណាល់ត្រាំសម្រេចចិត្តបោះបង់ចោលសម្ពន្ធ័មិត្តដែលជួយកំចាត់ពួករដ្ឋឥស្លាមដោយដកទាហ៊ានអាមេរិកចេញពីតំបន់ឈរជើងរបស់ពួកឃើដនៅភាគខាងជើងប្រទេសស៊ីរីយោធាទួគីបានបើប្រតិបត្តិការវាយប្រហារចូលទឹកដីឃើដភ្លាមដែលង្ខំចិត្តឲ្យពួកឃើដចុះកិច្ចព្រមព្រាងឲ្យទាហ៊ានស៊ីរីចូលមកតំបន់ខ្លួនដើម្បីជួយការពារ។ប្រទេសរុស្ស៊ីដែលជាមិត្តជាមួយប្រទេស៊ីរីនិងតួគីព្រួយបារម្ភពីរឿងបានប្រកាសមិនឲ្យប្រទេសទាំងពីរប៉ះទង្គិះគ្នាផងដែរ។