គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 12250 នាក់

ម្សិលមិញ 9639 នាក់

សរុប 20702421 នាក់

ជប៉ុនប្រកាសចាំបាញ់ទំលាក់កាំជ្រួចកូរ៉េខាងជើងបើហោះចូលដីខ្លួន

21-September-2026 / ព័ត៌មានអន្តរជាតិ

ជប៉ុន៖ ក្រសួងការពារជាតិជប៉ុន នៅថ្ងៃចន្ទនេះបានប្រកាសពីចេតនាចង់បាញ់កម្ទេចរាល់មីស៊ីលកូរ៉េខាងជើងទាំងឡាយណា ដែលបំពានចូលដែនអាកាសរបស់ ជប៉ុន ។ ទីភ្នាក់ងារសារព័ត៌មាន Reuters នៅថ្ងៃចន្ទ ទី២៩ ខែឧសភា ឆ្នាំ២០២៣បានឲ្យដឹងថាក្រសួងការពារជាតិជប៉ុន ធ្វើការកត់សម្គាល់ខាងលើតែប៉ុន្មានម៉ោងប៉ុណ្ណោះ បន្ទាប់ពីកូរ៉េខាងជើងបានជូនដំណឹងដល់ទីក្រុងតូក្យូ ពីផែនការបាញ់បង្ហោះផ្កាយរណប។ a japon korea (1)

នៅក្នុងសេចក្ដីថ្លែងការណ៍មួយ ក្រសួងការពារជាតិជប៉ុនបានគូសបញ្ជាក់ដូច្នេះថា «យើងនឹងចាត់វិធានការបំផ្លាញប្រឆាំងនឹងមីស៊ីលបាលិស្ទីគ និងមីស៊ីលដទៃទៀត ដែលបានបំពានចូលទឹកដីរបស់យើង»។ ក្រសួងបន្ថែមទៀតថាជប៉ុននឹងប្រើប្រាស់ប្រព័ន្ធមីស៊ីល Standard Missile-3 (SM-3) ឬ ប្រព័ន្ធមីស៊ីល Patriot ដើម្បី បាញ់កម្ទេចមីស៊ីលកូរ៉េខាងជើង។ទីភ្នាក់ងារផ្សព្វផ្សាយជប៉ុន NHKបានរាយការណ៍ដែរថាកូរ៉េខាងជើងបានជូនដំណឹងដល់រដ្ឋាភិបាលជប៉ុន ពីផែនការបាញ់បង្ហោះផ្កាយរណប មួយដែលក្រុមអ្នកវិភាគជឿថាជាផ្កាយរណបស៊ើបការណ៍យោធាដំបូងបំផុតរបស់ទីក្រុងព្យុងយ៉ាង នៅចន្លោះថ្ងៃទី៣១ ខែឧសភា ដល់ថ្ងៃទី១១ ខែមិថុនា។

ខាង ក្រសួងការពារជាតិជប៉ុន បានជំរុញឱ្យកូរ៉េខាងជើងបញ្ឈប់ការធ្វើតេស្ដអាវុធ ហើយថារាល់ការធ្វើតេស្ដអាវុធ រួមទាំងការធ្វើតេស្ដបាញ់បង្ហោះផ្កាយរណបរបស់ កូរ៉េខាងជើង គឺធ្វើឱ្យប៉ះពាល់ដល់សុវត្ថិភាពប្រជាជនជប៉ុន។ជាក់ស្តែងកាលពីប៉ុន្មានខែមុននេះប្រជាជនជប៉ុនត្រូវបានគេរាយការណ៍ថាមានការជ្រួលច្របល់បន្ទាប់ើពីមានកាំជ្រួចកូរ៉េខាងជើងធ្លាក់ចូលសមុទ្ទរបស់ខ្លួន។ក្រៅពីប្រទេសជ៉ុនប្រទេសកូរ៉ខ្បូងនិងអាមេរិកក៏បានសហកាគ្នាបង្កើនការធ្វើសមយុទ្ធដើម្បីធ្វើសមយុទ្ធត្រៀមទប់ទល់កូរ៉េខាងជើងផងដែរ។

ប្រទេសកូរ៉េខាងជើង ត្រូវបានគេជឿថា កំពុងត្រៀមខ្លួនសម្រាប់ ការបាញ់មីស៊ីលរយៈចម្ងាយឆ្ងាយ។ ក្រុងព្យុងយ៉ាង បានឲ្យដឹងថា ខ្លួននឹងគូសបញ្ជាក់ពីតំបន់គ្រោះថ្នាក់ដែនសមុទ្រ ដែលវត្ថុអាចធ្លាក់ក្នុងអំឡុងពេលនោះ។ការិយាល័យនាយករដ្ឋមន្ត្រីជប៉ុនបានឲ្យដឹងនៅក្នុងសារមួយថា ខ្លួននឹងសហការជាមួយសហរដ្ឋអាមេរិក កូរ៉េខាងត្បូង និងប្រទេសពាក់ព័ន្ធផ្សេងទៀត ហើយអំពាវនាវឱ្យមានការអត់ធ្មត់។ ការិយាល័យបានឲ្យដឹងថាខ្លួននឹងប្រមូលនិងវិភាគព័ត៌មាន ខណៈពេលដែលកំពុងរៀបចំ សម្រាប់ស្ថានភាពអាសន្ន។

រដ្ឋបាលអភិវឌ្ឍន៍លំហអាកាសជាតិរបស់កូរ៉េខាងជើងបានឲ្យដឹងនៅក្នុងខែធ្នូថា ខ្លួននឹងបញ្ចប់ការរៀបចំ សម្រាប់ផ្កាយរណបឈ្លបយកការណ៍យោធាដំបូងរបស់ខ្លួននៅខែមេសាឆ្នាំ២០២៣ នេះបើយោងតាមទីភ្នាក់ងារសារព័ត៌មានកណ្តាលរបស់ប្រទេសកូរ៉េ។គួរបញ្ជាក់ថា នៅឆ្នាំ២០១៦ កូរ៉េខាងជើងបានបាញ់បង្ហោះរ៉ុក្កែតរយៈចម្ងាយឆ្ងាយ ប្រឆាំងនឹងការព្រមានអន្តរជាតិដដែលៗ បន្ទាប់ពីបានជូនដំណឹងដល់អង្គការដែនសមុទ្រអន្តរជាតិអំពីផែនការបាញ់បង្ហោះផ្កាយរណបអង្កេត៕ a japon korea1