វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4772 នាក់
ម្សិលមិញ 5304 នាក់
សរុប 14144298 នាក់
វៀតណាម៖ លោកប៊ួយថាញ់សឺន (Bui Thanh Son) រដ្ឋមន្ត្រីការបរទេសវៀតណាម បានហោះទៅនិយាយនៅអាមេរិកថា ការលាលែងពីតំណេងនៃប្រធានាធិបតីវៀតណាមទី២ ក្នុងរយៈពេលត្រឹមជាង១ឆ្នាំ មិនប៉ះពាល់ដល់គោលនយោបាយការបរទេស ឬគោលនយោបាយសេដ្ឋកិច្ចរបស់វៀតណាមឡើយ ដោយសារតែរបបដឹកនាំ និងតាក់តែងគោលនយោបាយ បែបសមូហភាពរបស់ប្រទេសអាស៊ានមួយនេះ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃពុធ ទី២៧ ខែមីនា ឆ្នាំ២០២៤។
ឆ្លើយតបនឹងសំណួរនៅឯគ្រឹះស្ថានស្រាវជ្រាវ Brookings Institution ក្នុងរដ្ឋធានីវ៉ាស៊ិនតោន អំឡុងដំណើរទស្សនកិច្ចនៅសហរដ្ឋអាមេរិក ពាក់ព័ន្ធការលាលែងពីតំណែងប្រធានាធិបតីវៀតណាម របស់លោក Vo Van Thuong កាលពីសប្តាហ៍មុន លោក Son បាននិយាយថា វៀតណាមកំពុងបន្តធ្វើយុទ្ធនាការបោសសំអាតអំពើពុករលួយ ដែលត្រូវបានស្វាគមន៍ដោយសហគមន៍អន្តរជាតិ និងវិស័យធុរកិច្ច។លោកលោកប៊ួយថាញ់សឺន (Bui Thanh Son) បានអះអាងថា «ការលាលែងពីតំណែងរបស់ប្រធានាធិបតី នៅក្នុងប្រទេសវៀតណាម បើតាមការយល់ឃើញរបស់ខ្ញុំ គឺមិនបានជះផលប៉ះពាល់ចំពោះគោលនយោបាយការបរទេសរបស់យើង ឬក៏គោលនយោបាយស្តីពីការអភិវឌ្ឍសេដ្ឋកិច្ចឡើយ។ ប្រសិនបើអ្នកក្រឡេកមើល ស្ថានការណ៍នៅវៀតណាម គឺយើងមានថ្នាក់ដឹកនាំបែបសមូហភាព គោលនយោបាយការបរទេសបែបសមូហភាព ហើយពួកយើងសម្រេចចិត្តក្នុងលក្ខណៈសមូហភាព អំពីផែនការអភិវឌ្ឍសេដ្ឋកិច្ច។ ដូច្នេះខ្ញុំគិតថា ប្រសិនបើបុគ្គលម្នាក់ឬពីរនាក់ ក្នុងជួរថ្នាក់ដឹកនាំលាលែងពីតំណែងក៏ដោយ វានឹងមិនកែប្រែស្ថានការណ៍ឡើយ»។
ការពិតសម្តីរដ្ឋមន្ត្រីការបរទេសវៀតណាមត្រឹមត្រូវព្រោះប្រទេសវៀតណាមប្រកាន់របស់កុំមុយនិស្តគ្រប់គ្រងដោយឯកបក្ស។តាមទិសស្លោកនៃរបរបកុំមុយនិស្តគឺបក្ស(កុំមុយនិស្ត)ដឹកនាំរដ្ឋមានតួនាទីគ្រប់គ្រង(ស្ថាបន័និតិប្រតិបត្តិ)និងប្រជាជនធ្វើជាម្ចាស់(តាមរយៈសភា)។មានន័យថាអ្វីៗគឺសម្រេចដោយបក្សហើយមេបក្សនៅវៀតណាមគឺលោកង្វៀងភូត្រុងដេលលោកមានតួនាទីគ្រប់គ្រងយោធាផងដែរ។ចឹងរដ្ឋក៏ដោយសភាក៏ដោយគឺគក្រាន់តែជារបស់អនុត្តន៍តាមប៉ុនណោះ។របបកុំមុយនិស្តបើគិតទៅកាលពីសង្គ្រាមត្រជាក់គឺខ្សោយបាត់បង់ជាបន្តបន្ទាប់ដូចជាំការរលាយសហភាពសូវៀត។ការរំលាយរបងក្រុងប៊ែឡាំបង្ក្រួមអាល្លឺម៉ង់ខាងលិចនិងខាងកើតបែកប្រទេសឆេកូស្លូវ៉ាគីជាដើម។តែក្រោយពីការកែទម្រង់នៅសហភាពសូវវៀតនិងវៀតណាមពិសេសនៅស្រុកចិនពេលោកតេងសាវពីងឡើងកាន់អំណាចបើកឲ្យមានសេដ្ឋកិច្ចទីផ្សារសេរីជំនួសសេដ្ឋកិច្ចផែនការបានធ្វើឲ្យបរបកុំមុសនិស្តមានឥទ្ធិពលឡើងវិញតាមរយៈការរិកចំរើនសេដ្ឋកិច្ច។ប៉ុន្តែសេរីភាពរបស់ប្រជាពលរដ្ឋពិសេរសេរីភាពខាងការនិយាយស្តីមិនត្រុវបានកែលម្អទេក្នុងប្រទេសកាន់របបកុំមុយនិស្តិ។ប្រជាពលរដ្ឋរស់មានស៊ីមានចុកតែសិទ្ធខាងគិតនិយាយគ្មាន។
សូមបញ្ជាក់ថា ការលាលែងពីតំណែងរបស់លោកធឿង( Thuong )ពីតួនាទីប្រធានាធិបតីបាននាំបង្កឱ្យមានការចោទសួរ អំពីស្ថិរភាពនយោបាយនៅក្នុងប្រទេសវៀតណាម ដ្បិតរូបលោកទើបតែត្រូវបានជ្រើសតាំងជា ប្រធានាធិបតីកាលពីជាង១ឆ្នាំមុន ជំនួសលោកង្វៀនស៊ុនហ្វុក( Nguyen Xuan Phuc )ដែលត្រូវបានបង្ខំឱ្យលាលែងពីតំណែង ក្នុងស្ថានភាពស្រដៀងគ្នា(ការបង្ក្រាបពុករលួយដែលលោកង្វៀងភូត្រុងអគ្គលេខាធិការបក្សកុំមុយនិស្ត្វៀតណាមដ៏មានឥទ្ធិពលយកធ្វើជាឧបករណ៍ពង្រឹងអំណាចដូចនៅស្រុកចិនដែរ។ យោងតាមក្រុមអ្នកវិភាគ ស្ថិរភាពដែលត្រូវធានាបានរាប់ទសវត្សរ៍មកហើយ ដោយគណបក្សកុម្មុយនិស្តវៀតណាម ឥឡូវនេះហាក់មិនសូវមានភាពប្រាកដប្រជាដូចមុនឡើយ ប៉ុន្តែពួកគេទទួលស្គាល់ថា ការប្រែប្រួលនៃថ្នាក់ដឹកវៀតណាមនាពេលនេះ គឺនឹងមិនប៉ះពាល់ដល់គោលនយោបាយសំខាន់ៗរបស់វៀតណាមទេ ដូចជាគោលនយោបាយការទូត bamboo diplomacy ជាដើម ដែលមានគោលដៅរក្សាទំនាក់ទំនងល្អ ជាមួយសហរដ្ឋអាមេរិកនិងចិន ក្នុងពេលព្រមគ្នាដើម្បីធ្វើជាតុល្យភាពកម្លាំងក្នុងពេលដែលវៀតណាមចិនមានបញ្ហាដែនទឹកសមុទ្រជាមួយគ្នា។ចឹងហើយបានជាវៀតណាមបញ្ជូនរដ្ឋមន្ត្រីការបរទេសទៅអាមេរិកនោះ៕