វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5033 នាក់
ម្សិលមិញ 8227 នាក់
សរុប 14131914 នាក់
ប៉េកាំង៖សេចក្ដីព្រាងច្បាប់ស្ដីពីសិទ្ធិមនុស្ស និងប្រជាធិបតេយ្យក្រុងហុងកុងដែល ត្រូវបានអនុម័តដោយព្រឹទ្ធសភា និងសភាតំណាងរាស្ត្រអាមេរិកអនមត័ ទទួលបានការចុះហត្ថលេខាដាក់ឲ្យប្រើពីលោក ដូណាល់ ត្រាំហើយកាលពីថ្ងៃទី២៧វិច្ឆិកា! ។
លោក ត្រាំ បានសសេរនៅក្នុងសេចក្តីប្រកាសថា «ខ្ញុំបានចុះហត្ថលេខាលើច្បាប់ខាងលើ ដោយសារតែការគោរពដល់ប្រធានាធិបតី ស៊ី ជីនពីង និងពលរដ្ឋចិន និងហុងកុង ។ ច្បាប់ខាងលើសង្ឃឹមថា ទីក្រុងប៉េកាំង និងថ្នាក់ដឹកនាំកោះហុងកុង និងស្វែងរកដំណោះស្រាយសមស្របណាមួយ ដើម្បីបញ្ចប់វិវាទ នៅកោះហុងកុង» ។ពេលចូលជាធរមានច្បាប់នេះ តម្រូវឱ្យក្រសួងការបរទេសអាមេរិក ធ្វើការត្រួតពិនិត្យ ឬបញ្ជាក់ក្នុងមួយឆ្នាំម្ដងថា តើទីក្រុងហុងកុងមានស្វ័យភាពពេញលេញ ដើម្បីទទួលបានការអនុគ្រោះពាណិជ្ជកម្មពិសេស ពីសហរដ្ឋអាមេរិកដែរឬទេ។
ក្រោយពីកើតរឿងនេះក្រសួងការបរទេសចិននៅថ្ងៃព្រហស្បតិ៍ទី២៨វិច្ឆិកានេះបានព្រមានថា ខ្លួននឹងចាត់វិធានការឆ្លើយតបយ៉ាងម៉ឺងម៉ាត់ បើសិនជាសហរដ្ឋអាមេរិកនៅតែបន្តលូកដៃ ចូលកិច្ចការផ្ទៃក្នុងរបស់ទីក្រុងហុងកុង។ នេះបើតាមការដកស្រង់ចេញផ្សាយចេញពីសារព័ត៌មាន CNA នៅព្រឹកថ្ងៃព្រហស្បតិ៍ ទី២៨ ខែវិច្ឆិកា ឆ្នាំ២០១៩។ក្រសួងការបរទេសចិនក៏បានចាត់ទុកផងដែរថា ការចុះហត្ថលេខារបស់លោក ដូណាល់ ត្រាំ គឺជាការជ្រៀកជ្រែកយ៉ាងធ្ងន់ធ្ងរ ចូលកិច្ចការផ្ទៃក្នុងទីក្រុងហុងកុង និងប្រទេសចិន។
សេចក្ដីថ្លែងការណ៍ដដែលបានបញ្ជាក់យ៉ាងខ្លីដូច្នេះថា «ធម្មជាតិនៃរឿងនេះ គឺគួរឱ្យស្អប់ខ្ពើមជាទីបំផុត និងជាចេតនាបង្កការបំផ្លិចបំផ្លាញសុទ្ធសាធ»។ ប៉ុន្តែក្រសួងការបរទេសចិនមិនបានបញ្ជាក់លម្អិតថា នឹងចាត់វិធានការបែបណានោះទេ ខណៈទីក្រុងវ៉ាស៊ីនតោន និងទីក្រុងប៉េកាំង កំពុងស្វែងរកកិច្ចព្រមព្រៀងបញ្ចប់សង្គ្រាមពាណិជ្ជកម្ម។
គួរជម្រាបថា ច្បាប់នេះក៏ព្រមានដាក់ទណ្ឌកម្មផងដែរ សម្រាប់ការរំលោភសិទ្ធិមនុស្ស ហើយលើសពីនេះទៅទៀត លោក ត្រាំ ថែមទាំងបានចុះហត្ថលេខាលើសេចក្ដីព្រាងច្បាប់ទី ២ ទៀតផងដោយមានគោលដៅ «ហាមឃាត់ការលក់អាវុធមួយចំនួនឱ្យប៉ូលិសហុងកុង» ក្នុងនោះមានដូចជា គ្រាប់កាំភ្លើងជ័រ ម្សៅម្រេច ឧស្ម័នបង្ហូរទឹកភ្នែក និងសម្ភារៈមួយចំនួនដែលអាចយកទៅប្រើប្រាស់ ក្នុងប្រតិបត្តិការបង្ក្រាបក្រុមបាតុករជាដើម។ បាតុកម្មនៅហុងកុង បានផ្ទុះឡើង ចាប់តាំងពីខែមិថុនា រហូតមកទល់ និងពេលនេះ ក៏មានបាតុករ ៤.៦០០នាក់ ត្រូវបានចាប់ខ្លួន និងរបួសជាច្រើន ។តែការបោះឆ្នោតជ្រើសក្រុមប្រឹក្សាសង្កាត់កាលពីថ្ងៃទី២៥វិច្ឆិកាប្រជាពលរដ្ឋគាំទ្រាំខាងក្រុមប្រជាធិបតេយ្យ។