វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2530 នាក់
ម្សិលមិញ 10264 នាក់
សរុប 14141712 នាក់
ម៉ានីល៖វាជាចរឿងចម្លែកឬមានតែនៅប្រទេសហ្វីលីពីនមួយទេមើទៅដែលហៅអ្នកទោសដែលបានដោះលែងជាង១ពាន់នាក់ឲ្យចូលមកដេកគុកវិញ!។នេះបើតាមការផកសាយរបស់ភ្នាក់ងារព័ត៌មាន Reuters នៅថ្ងៃពុធ ទី០៤ ខែកញ្ញា ឆ្នាំ២០១៩។
ប្រធានាធិបតីហ្វីលីពីន លោក រ៉ូឌ្រីហ្គោ ឌូតឺតេ បាននិយាយនៅក្នុងសន្និសីទសារព័ត៌មានមួយ នៅថ្ងៃពុធទី៤កញ្ញានេះ ថា អ្នកទោស ១,៧០០នាក់ ដែល ត្រូវបានដោះលែងឱ្យសេរីភាព ដោយសារមាន «អាកប្បកិរិយាល្អ» គួរតែត្រឡប់មកកាន់ពន្ធនាគារវិញ បន្ទាប់ពីមានសំណួរជាច្រើនពាក់ព័ន្ធនឹងភាពស្របច្បាប់នៃការដោះលែងអ្នកទាំងនេះ។
បុរសខ្លាំងប្រទេសហ្វីលីពីន លោក ឌូតឺតេ ក៏បានប្រកាស ទុកពេល១៥ថ្ងៃដែរ ឱ្យអ្នកទោស១,៧០០នាក់ខាងលើ ប្រគល់ខ្លួនឱ្យប៉ូលិសដោយស្ម័គ្រចិត្ត មុនប៉ូលិស ប្រើធម៌ក្ដៅ៖ «បើខ្ញុំជាអ្នក ខ្ញុំនឹងប្រគល់ខ្លួនឱ្យប៉ូលិស ឬយោធា ដែលនៅជិតបំផុត...ប៉ុន្តែបើអ្នកមិនព្រមប្រគល់ខ្លួនទេ នោះខ្ញុំនឹងផ្ដល់ប្រាក់រង្វាន់ ១៩,០៦៥ដុល្លារ ក្នុង អ្នកទោសម្នាក់ ទោះស្លាប់ ឬរស់ក៏ដោយ»។
គួរជម្រាបថា លោក ឌូតឺតេ ក៏បានស្នើឱ្យប្រធានពន្ធនាគាររបស់លោក លាលែងចេញពីតំណែង ផងដែរ ដោយសារមិនគោរពតាមបទបញ្ជាហាមដោះលែងអ្នកទោស ដែលត្រូវបានដោះលែងមុនកាលកំណត់ ដោយសំអាងលើ «អាកប្បកិរិយាល្អ» ក្រោមច្បាប់ឆ្នាំ២០១៤៕