វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 248 នាក់
ម្សិលមិញ 3528 នាក់
សរុប 14186633 នាក់
ថៃ៖ការប្រមាថដែលពលរដ្ឋថៃជាច្រើនបានធ្វើឡើង ចំពោះរបបរាជានិយម និងតវ៉ាស្នើឲ្យព្រះមហាក្សត្រចុះកាត់បន្ថយអំណាច តាំងពីខែកកក្កដា មកនៅតែបន្តមានដោយមិនខ្លាចគុកច្រវ៉ាក់ឡើយ។
ជាក់ស្តែង កាលពីថ្ងៃទី២០ ធ្នូកន្លងមកនេះពួកគេបានធ្វើការតវ៉ានៅផ្សារទំនើបមួយ ដោយគេបានឃើញបាតុករមានមុខលេចធ្លោមួយចំនួន បានពាក់ «អាវអៀម» ដែលជាការវាយបក ឌឺដងប្រឆាំងទៅនឹងច្បាប់ដាក់ទោសពី៣ឆ្នាំ ទៅ ១៥ ឆ្នាំ ចំពោះអ្នកដែលជេរបប្រមាថព្រះជេស្តាព្រះមហាក្សត្រ។
សូមបញ្ជាក់ថាបើគេមិនទាន់ភ្លេចតេ កាលពីអំឡុងរដូវក្តៅ ឆ្នាំ២០១៦ កាលនៅជារជ្ជទាយាទមហាក្សត្រមហាវិជ្ជរ៉ាឡុងកន(Maha Vajiralongkorn) ត្រូវបានគេមើលឃើញថា កំពុងពាក់អាវ «អៀម» ពណ៌លឿងបណ្តើរមិត្តស្រីនៅទីសាធារណៈ ក្នុងទីក្រុង Munich ប្រទេសអាល្លឺម៉ង់។ ឃ្លីបវីដេអូរយៈពេល ៤៤ វិនាទី នោះផងដែរ ក៏ជាការជម្រុញឲ្យបាតុករស្លៀកពាក់បែបនេះ ដើម្បីដើរតួជាស្តេចដែលមិនគួរឲ្យគោរព។
សកម្មជនតវ៉ាសរុបចំនួន ៣៥ នាក់ ត្រូវបានចាប់ខ្លួន និងបច្ចុប្បន្ន កំពុងប្រឈមបទចោទប្រកាន់ ស្ថិតក្រោមច្បាប់របស់ប្រទេសថៃ ដែលជាការខុសច្បាប់សម្រាប់បុគ្គលដែលបរិហាកេរ្តិ៍ ឬ ប្រមាថព្រះមហាក្សត្រ ព្រះមហាក្សត្រិយានី និងសមាជិកដទៃទៀត នៃគ្រួសាររាជវង្ស តាមរយៈរូបភាពណាមួយ។ តាមរយៈច្បាប់នេះ នោះបុគ្គលណាម្នាក់ដែលហ៊ានធ្វើ គឺនឹងត្រូវប្រឈមជាប់ពន្ធនាគាររហូតដល់ ១៥ ឆ្នាំ។
ការតវ៉ាដ៏ប្លែកៗនេះ ត្រូវបានធ្វើឡើងនៅមុខហាងលក់សម្លៀកបំពាក់មួយ ដែលត្រូវបានរចនា (Design) ដោយបុត្រីមួយអង្គរបស់ស្តេច Maha Vajiralongkorn។ ក្រុមអ្នកតវ៉ាត្រូវបានគាំទ្រដោយអ្នកចូលរួមបីបួនដប់នាក់ ខណៈក្រុមរាជានិយមមួយក្រុមបានស្រែកយ៉ាងខ្លី ទៅកាន់ពួកគេ មុនពេលពួកគេត្រូវបានកងសន្តិសុខនាំខ្លួនចេញ។ទាក់ទងរឿងចាប់ខ្លួននេះដែរ ការិយាល័យសិទ្ធិមនុស្សរបស់អង្គការសហប្រជាជាតិ ក៏បានទទួចដល់ប្រទេសថៃ ឲ្យធ្វើវិសោធនកម្មច្បាប់កំពូលរបស់ខ្លួន ដែលរដ្ឋាភិបាលថៃលោកប្រាយុទ្ធបានអះអាងថា ច្បាប់ទាំងនេះស្រដៀងនឹងច្បាប់ប្រមាថមើលងាយធម្មតាប៉ុណ្ណោះ៕