វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2227 នាក់
ម្សិលមិញ 10264 នាក់
សរុប 14141409 នាក់
ប្រទេសអ៊ីរ៉ង់ ៖ ប្រទេសរុស្ស៊ីត្រៀមបញ្ជូនប្រព័ន្ធផ្កាយរណបដ៏ទំនើបឱ្យទៅអ៊ីរ៉ង់ដែលនឹងជួយបង្កើនសមត្ថភាពចារកម្មរបស់ខ្លួនបានយ៉ាងច្រើន។កាសែតវ៉ាស៊ីនតោនប៉ុស្តិ៍បានរាយការណ៍កាលពីថ្ងៃព្រហស្បតិ៍ទី១០មិថុនាថា រដ្ឋាភិបាលក្រុងមូស្គូកំពុងត្រៀមផ្តល់ប្រព័ន្ធផ្កាយរណប Kanopus-V ដែលមានកាមេរ៉ាកម្រិតខ្ពស់កប់ពពក ដល់អ៊ីរ៉ង់។
កាសែតនេះបានដកស្រង់សម្តីក្រុមមន្ត្រីបច្ចុប្បន្ននិងអតីតរបស់អាម៉េរិកជាច្រើនរូប ដោយនិយាយថាប្រព័ន្ធនេះនឹងអនុញ្ញាតឱ្យអ៊ីរ៉ង់តាមដានទីតាំងនានារបស់សត្រូវនៅទូទាំងមជ្ឈិមបូព៌ា។របាយការណ៍នេះកើតឡើងតែប៉ុន្មានថ្ងៃប៉ុណ្ណោះមុនពេលប្រធានាធិបតីរុស្ស៊ីលោកវ្ល៉ាឌីមៀរ ពូទីនត្រូវជួបជាមួយសមភាគីអាម៉េរិកលោក ចូ បៃដិន សម្រាប់កិច្ចពិភាក្សាថ្ងៃទី ១៦ខែមិថុនានៅប្រទេសក្រុងហ្សឺណែវស្វីសនៅដំណើរទស្សនកិច្ចក្រៅប្រទេសលើកដំបូងរបស់មេដឹកនាំអាម៉េរិករូបនេះ។
ប្រព័ន្ធផ្កាយរណបនេះអាចនឹងត្រូវបន្ថែមក្នុងបញ្ជីក្តីកង្វល់ដ៏វែងនៅទីក្រុងវ៉ាស៊ីនតោនមុនពេលកិច្ចពិភាក្សាចាប់ផ្តើមក្នុងនោះមានរាប់ចាប់ពីការជ្រៀតជ្រែកក្នុងការបោះឆ្នោតរហូតដល់ប្រតិបត្តិការលួចតាមអ៊ីនធឺណេតដែលពាក់ព័ន្ធនឹងរដ្ឋាភិបាលរុស្ស៊ី៕