គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 12238 នាក់

ម្សិលមិញ 9639 នាក់

សរុប 20702409 នាក់

លោក Blinken ស្វាគមន៍សមភាគីម៉ាល់ឌីវ និងប្រកាសធ្វើឱ្យទំនាក់ទំនងកាន់តែស៉ីជម្រៅក្នុងពេលដែលម៉ាំល់ឌីវងាកពីឥណ្ឌារកចិនវិញ

21-September-2026 / ព័ត៌មានអន្តរជាតិ

ម៉ាល់ឌីវអាមេរិក៖ រដ្ឋមន្ត្រីការបរទេសអាមេរិក លោក Antony Blinken បានជួបរដ្ឋមន្ត្រីការបរទេសម៉ាល់ឌីវ លោក Moosa Zameer កាលពីថ្ងៃអង្គារសប្តាហ៍នេះ ហើយនិយាយថា ទីក្រុងវ៉ាស៉ីនតោន ស្វែងរកភាពជាដៃគូកាន់តែស៉ីជម្រៅ ជាមួយជាប្រទេសដីកោះមហាសមុទ្រឥណ្ឌាមួយនេះ និងគាំទ្រដល់ការធានាឱ្យមានតំបន់ឥណ្ឌូប៉ាស៉ីហ្វិកសេរី និងបើកចំហ ក៏ដូចជាការដោះស្រាយបញ្ហាប្រែប្រួលអាកាសធាតុ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី២៦ ខែមិថុនា ឆ្នាំ ២០២៤។ a bling ken

លោក Blinken បានប្រាប់ លោក Zameer ដូច្នេះថា «សម្រាប់យើង ម៉ាល់ឌីវ គឺជាដៃគូដ៏សំខាន់ ហើយយើងចង់ធ្វើឱ្យប្រាកដថា យើងជាដៃគូដ៏ល្អជាមួយម៉ាល់ឌីវ»។ លោក Blinken បានបន្ថែមថា «យើងនឹងធ្វើការដើម្បីធានាថា យើងមានតំបន់ឥណ្ឌូប៉ាស៉ីហ្វិកសេរី និងបើកចំហ។ គាំទ្រកិច្ចព្រមព្រៀងដោះស្រាយបញ្ហាប្រែប្រួលអាកាសធាតុ រួមគ្នាធ្វើឱ្យប្រាកដថាយើងមានលំហដែនសមុទ្រដែលមានសុវត្ថិភាព ហើយសហការគ្នាជាមូលដ្ឋានដើម្បីសាងអនាគតរុងរឿង សម្រាប់ប្រជាជនរបស់យើង»។ ចំណែក លោក Zameer និយាយថា រដ្ឋាភិបាលម៉ាល់ឌីវ កោតសរសើរចំពោះការផ្លាស់ប្តូរទំនាក់ទំនង ក្នុងកម្រិតខ្ពស់ជាមួយសហរដ្ឋអាមេរិក ហើយទន្ទឹងរង់ចាំធ្វើឱ្យទំនាក់ទំនងនេះមានផ្លែផ្កាថែមទៀត។

ដំណើរទស្សនកិច្ចនៅទីក្រុងវ៉ាស៉ីនតោនរបស់ លោក Zameer កើតមានឡើងពីរខែ បន្ទាប់ពីគណបក្សរបស់លោកប្រធានាធិបតីម៉ាល់ឌីវ Mohamed Muizzu ឈ្នះការបោះឆ្នោតសភា។ សម្រាប់លោក Muizzuប្រធានាធិបតីម៉ាល់់ឌីវ កំពុងជំរុញទំនាក់ទំនងប្រទេសលោកឆ្ពោះទៅរកចិន និងចេញឆ្ងាយពីឥណ្ឌា ដែលជាដៃគូក្នុងតំបន់ដ៏សំខាន់របស់សហរដ្ឋអាមេរិក ក្នុងការទប់ទល់ឥទ្ធិពលចិននៅតំបន់ឥណ្ឌូប៉ាស៉ីហ្វិក។

សូមបញ្ចាំក់ថាប្រទេសម៉ាល់ឌីវ ដែលមានផ្ទៃដីត្រឹមតែ ៣០០គីឡូម៉ែត្រការ៉េប៉ុណ្ណោះ បានទទួលឯករាជ្យពីចក្រភពអង់គ្លេស កាលពីថ្ងៃទី២៦ ខែកក្កដា ឆ្នាំ១៩៦៥។ ប្រទេសនេះស្ថិតនៅក្នុងមហាសមុទ្រឥណ្ឌា ដោយមានទីតាំងស្ថិតនៅភាគនិរតី នៃប្រទេសស្រីលង្ការ និងឥណ្ឌា និងមានប្រជាពលរដ្ឋត្រឹមតែជាងកន្លះលាននាក់តែប៉ុណ្ណោះ ភាគច្រើនជាមូស្លីម ខណៈដែលពុទ្ធសាសនាក៏ធ្លាប់មានប្រវត្តិមកដល់ដែនកោះនេះផងដែរ។ម៉ាល់ឌីវតូច ប្រជាជនតិច ប៉ុន្តែអត្រាផលិតផលនៅក្នុងស្រុកសរុបរបស់ប្រទេសនេះ គឺមានរហូតដល់ទៅ ១១,៣៨ ពាន់លានដុល្លារ ពោលគឺលំដាប់ទី១៦២ នៅលើពិភពលោក តែប្រសិនបើនិយាយអំពីអត្រាផលិតផលនៅក្នុងស្រុកសរុបសម្រាប់ពលរដ្ឋម្នាក់ៗគឺ ២៩ ០០០ ដុល្លារ នៅក្នុងមួយឆ្នាំ ពោលគឺលំដាប់ទី ៦២ នៅលើពិភពលោក។

ម៉ាល់ឌីវ ជាប្រទេសដែលប្រកាន់យករបបប្រធានាធិបតីអាស្រ័យរដ្ឋធម្មនុញ្ញ ដោយប្រធានាធិបតី ជាប្រមុខរដ្ឋផង ជាប្រមុខរដ្ឋាភិបាលផង។ នៅមុនឆ្នាំ១៩៧០ សេដ្ឋកិច្ចសំខាន់របស់ប្រទេសនេះគឺកសិកម្ម ប៉ុន្តែមកដល់បច្ចុប្បន្ននេះគឺទេសចរណ៍ ដោយវិស័យនេះ គឺជាប្រភពចំបងនៃអត្រាផលិតផលសរុបរបស់ប្រទេសដល់ទៅ ២៨ ភាគរយ ប៉ុន្តែចំណូលរបស់រដ្ឋាភិបាល ពោលគឺដល់ទៅ ៩០ ភាគរយ គឺបានមកពីពន្ធទាក់ទងនឹងវិស័យទេសចរណ៍ និងការនាំចេញនាំចូល។នេសាទ និងវារីវប្បកម្មក៏ជាប្រភពចំបងនៃអត្រាផលិតផលសរុបរបស់ប្រទេសកោះមួយនេះផងដែរ។ វិស័យនេះ ជាប្រភពចំណូលដែលរួមវិភាគទានដល់អត្រាផលិតផលនៅក្នុងស្រុកសរុបប្រមាណជា ១៥ ភាគរយ ហើយវិស័យនេះបានផ្តល់ការងារធ្វើដល់ពលរដ្ឋប្រមាណជា ៣០ ភាគរយ។ a ,aldiv.jpg a mala a maldiv1.jpg