វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 99 នាក់
ម្សិលមិញ 6001 នាក់
សរុប 13872929 នាក់
ឥណ្ឌូណេស៊ី៖នាវាដឹកប្រេងអ៊ីរ៉ង់មួយគ្រឿងនិងនាវាប៉ាណាម៉ាមួយគ្រឿងត្រូវបានអាជ្ញាធរឥណ្ឌូណេស៊ីចាប់ឃាត់កាលពីថ្ងៃទី២៤កមរា២០២១ ក្រោមមូលហេតុសង្ស័យថាបានធ្វើសកម្មភាពដឹកប្រេងដោយខុសច្បាប់ នៅក្នុងដែនទឹកប្រទេសឥណ្ឌូណេស៊ី ។
អ្នកនាំពាក្យទីភ្នាក់ងារសន្តិសុខដែនសមុទ្រឥណ្ឌូណេស៊ីបានបង្ហើបឱ្យដឹងថា នាវាដឹកប្រេងឈ្មោះ MT Horse ដែលមានដោតទង់ជាតិអ៊ីរ៉ង់ និងនាវាឈ្មោះ MT Frea ដោតទង់ជាតិប៉ាណាម៉ា ត្រូវបានរឹបអូសនៅក្នុងដែនទឹកនៅឯខេត្ត Kalimantan ភាគខាងលិចប្រទេសឥណ្ឌូណេស៊ី។ គេក៏បានដាក់ការសង្ស័យទៅលើនាវាទាំងពីរ ចំពោះការបំពានផ្សេងៗរួមមាន ការមិនបង្ហាញទង់ជាតិឱ្យបានត្រឹមត្រូវ ការបិទប្រព័ន្ធកំណត់អត្តសញ្ញាណ ការបោះយុថ្កាដោយខុសច្បាប់ ក៏ដូចជាការផ្ទេរឥន្ធនៈខុសច្បាប់រវាងនាវាទៅនាវាដឹកប្រេងផ្សេងទៀត។
អាជ្ញាធរឥណ្ឌូណេស៊ីកបានបញ្ជូននាវាដឹកប្រេងទាំង២ ទៅកាន់កោះ Batam ក្នុងខេត្ត Riau Islands ប្រទេសឥណ្ឌូណេស៊ី ដើម្បីធ្វើការស៊ើបអង្កេតបន្ថែមទៀត។ ទូរទស្សន៍រដ្ឋអ៊ីរ៉ង់បានទទួលស្គាល់ពីការចាប់រឹបអូសនាវាដឹកប្រេងនេះដោយសំអាងលើអាជ្ញាធរឥណ្ឌូណេស៊ី ប៉ុន្តែមិនទាន់មានរបាយការណ៍ឆ្លើយតបមកវិញនោះទេ។ សូមបញ្ជាក់ដែរថាថ្មីៗនេះឆ្មាំបដិវត្តន៍អ៊ីរ៉ងបានចាប់រឹបអូសកបាល់ដឹកទំនិញរបស់កូរ៉េមួយដែរដោយអ៊ីរ៉ងខឹងប្រទេសកូរ៉េខាងត្បូងបង្កកប្រាក់អ៊ីរ៉ង៧ពាន់លានដុល្លារតាមការដាក់ទណ្ឌកម្មអាមេរិក។
អ៊ីរ៉ង់ដែលជាប្រទេសសម្បូរទៅដោយប្រេងនិងឧស្ម័នធម្មជាតិជាច្រើនប៉ុន្ត បានថយចុះនៃការនាំចេញទៅទីផ្សារបរទេសយ៉ាងខ្លាំង បន្ទាប់ពីអតីតប្រធានាធិបតី ដូណាល់ ត្រាំ បានដកអាមេរិកចេញពីកិច្ចព្រមព្រៀងនុយក្លេអ៊ែររបស់រដ្ឋធានីតេហេរ៉ង់និងបន្តដាក់ទណ្ឌកម្មសេដ្ឋកិច្ច កាលពីឆ្នាំ ២០១៨ ដែលវាបានកាត់បន្ថយប្រភពចំណូលដ៏សំខាន់របស់រដ្ឋាភិបាលអ៊ីរ៉ង់។