វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1198 នាក់
ម្សិលមិញ 8227 នាក់
សរុប 14128079 នាក់
ចិនហុងកុង៖ជាថ្មីម្តងទៀតក្រុងប៉េកាំងបានអំពាវនាវឱ្យសហរដ្ឋអាមេរិក បញ្ឈប់ការជ្រៀតជ្រែកក្នុងកិច្ចការផ្ទៃក្នុងរបស់ក្រុងហុងកុង បន្ទាប់ពីប្រធានាធិបតីអាមេរិក លោក ដូណាល់ ត្រាំ បានអះអាងថា ចិនបានចល័តកងទ័ពទៅកាន់ព្រំដែន ដែលនៅជាប់នឹងហុងកុងកាលពីដើមសប្តាហ៍នេះ។
សារព័ត៌មានរុស្សី Sputnik នាល្ងាចថ្ងៃពុធ ទី១៤ ខែសីហា ឆ្នាំ ២០១៩ឲ្យដឹងថាការអំពាវនាវខាងលើត្រូវបានធ្វើឡើងបន្ទាប់ពីលោក ដូណាល់ ត្រាំ បានអះអាងកាលពីថ្ងៃអង្គារម្សិលមិញថា ទីភ្នាក់ងារស៊ើបការណ៍សំងាត់អាមេរិក បានជូនដំណឹងដល់រូបលោកពីការដាក់ពង្រាយកងទ័ពចិន ទៅកាន់ទីក្រុងហ្សិនជិន (Shenzhen) ស្ថិតនៅជាប់ព្រំដែនទីក្រុងហុងកុង។
ចាប់តាំងពីការផ្ទុះមានបាតុកម្ម នៅទីក្រុងហុងកុងជាងពីរខែកន្លងមកនេះ នេះមិនមែនជាលើកទីមួយទេ ដែលចិនបានអំពាវនាវត្រង់ៗទៅកាន់សហរដ្ឋអាមេរិក កុំឲ្យជ្រៀតជ្រែកកិច្ចការផ្ទៃក្នុងរបស់ខ្លួន។ ពេលខ្លះរហូតដល់ចេញសេចក្តីថ្លែងការណ៍ អំពាវនាវឲ្យសហរដ្ឋអាមេរិក «ដកបាតដៃខ្មៅរបស់ខ្លួនចេញពីទីក្រុងហុងកុង» ទៀតផង។
សម្រាប់លោក ប្រធានាធិបតីអាមេរិកលោក ដូណាល់ ត្រាំ បាននិយាយថា លោកមិនយល់ទាល់តែសោះថា តើហេតុអ្វីបានជាមនុស្សមួយចំនួនទាញភ្ជាប់សហរដ្ឋអាមេរិក ទៅនឹងបាតុកម្មតវ៉ាបច្ចុប្បន្ននៅក្នុងទីក្រុងហុងកុង? ។ព័ត៌មាន RT នៅព្រឹកថ្ងៃពុធ ទី១៤ ខែសីហា ឆ្នាំ២០១៩បនាឲ្យដឹងថាតាមរយៈសារមួយបង្ហោះលើ Twitter នៅល្ងាចថ្ងៃអង្គារសប្តាហ៍នេះ (ពេលវេលានៅវ៉ាស៊ីនតោន) លោក ដូណាល់ ត្រាំ បានគូសបញ្ជាក់យ៉ាងដូច្នេះថា «មនុស្សមួយចំនួនបន្ទោសខ្ញុំ និងសហរដ្ឋអាមេរិកថា ជាអ្នកបង្កបញ្ហានៅក្នុងទីក្រុងហុងកុង... ខ្ញុំមិនយល់ហើយមិនអាចស្រមៃបានទាល់តែសោះថា ហេតុអ្វីបានជាពួកគេយល់បែបនេះ»។
ប្រធានាធិបតីអាមេរិក លោក ដូណាល់ ត្រាំ បានប្រាប់កាសែតនៅក្នុងទីក្រុង Morristown នៃរដ្ឋ New Jerseyថាស្ថានភាពបច្ចុប្បន្ន ក្នុងទីក្រុងហុងកុង កំពុងស្ថិតនៅក្នុងគ្រាមួយដ៏លំបាក។ ប៉ុន្តែទន្ទឹមគ្នា លោកក៏សង្ឃឹមដែរថា ស្ថានភាពនឹងល្អប្រសើរឡើងវិញសម្រាប់អ្នកគ្រប់គ្នា និងដើម្បីសេរីភាព ដោយមិនបង្កឱ្យនរណា ម្នាក់ឈឺចាប់ ឬត្រូវបានសម្លាប់ឡើយ។ នេះបើតាមការចេញផ្សាយដោយសារព័ត៌មាន CNA នៅថ្ងៃពុធ ទី១៤ ខែសីហា ឆ្នាំ២០១៩។
«ស្ថានភាពបច្ចុប្បន្ននៅទីក្រុងហុងកុង ពិតជាកំពុងស្ថិតក្នុងគ្រាមួយដ៏លំបាក ប៉ុន្តែខ្ញុំគិតថាវានឹង ល្ប្រសើរឡើងវិញ...ហើយខ្ញុំក៏សង្ឃឹមដែរថាវានឹងល្អប្រសើរឡើងវិញដើម្បីសេរីភាព និងអ្នកគ្រប់គ្នាក្នុងនោះរួមមានទាំងចិន ដោយមិនបង្កឱ្យនរណាម្នាក់រងការឈឺចាប់ ឬត្រូវបាន សម្លាប់នោះទេ»។